Ditzionàriu in línia
de sa limba e de sa cultura sarda

calancòne , nf: coloncone Definition calanca manna, ma mescamente buidu mannu in logu de orrocas Synonyms e antonyms gruta, ispérruma, pèlcia, péntuma, scabiossu, strampafossu Sentences at cuau sa ciai in su calancone ◊ unu coloncone in su muru fachiat de armarju 2. Deus, chi salvat sos bonos ladrones, lassat perder sos Giudas ostinados, ch'etat sos tzegos in sos calancones (P.Casu)◊ crabitos e anzones che ruent in su calancone Translations French gouffre, antre English chasm Spanish vorágine, abismo Italian voràgine, antro German Abgrund.

fundhàche , nm: fundhaghe Definition is partes prus in fundhu; a logos fintzes frundhagu, magasinu interrau asuta in sa domo Synonyms e antonyms fundabi, fundamentu, fúndhigu, fundhu / frundhagu Sentences sos fundhaches de sas péntumas sunt fungudos ◊ cudhas peràulas ispannant antigos sentimentos in su fundhaghe de s'ànima 2. tenet su fundhaghe prenu de casu, binu e de dónnia gràtzia de Deus Translations French profondeur, abysses English abyss, deepness Spanish profundidad, abismo Italian profondità, abisso German Tiefe, Abgrund.

fúndhigu , nm Definition is partes prus in fundhu de unu logu; genia de aposentu asuta de terra in is domos, tentu prus che àteru po magasinu Synonyms e antonyms fundhache, fundhu / frundhagu Sentences sos fúndhigos de su mare sunt ue in fundhu meda e ue pagu 2. sas carrelas de cussa tzitade mi pariant fúndhigos ue no b'intrat mai sole Scientific Terminology slg, dmo Translations French profondeur, abysses English deepness, abyss Spanish profundidad, abismo Italian profondità, abisso German Tiefe, Abgrund.

irjacàda , nf Definition genia de buidu mannu in s'orroca Synonyms e antonyms calancone, ispéntimu Sentences in su paris ube fit istada cumposta sa piatza aiat acatau un'irjacada manna a ghetu de ch'intrare s'ómine Etymon srd. Translations French gouffre English abyss Spanish abismo, sima Italian voràgine German Abgrund.

ispéntimu, ispéntuma , nm, nf: ispéntumu, spéntima Definition prus che àteru, logu de orroca arta meda o fintzes buidu chi calat a fundhu, aintru de is orrocas, in sa terra Synonyms e antonyms calancone, gruta, gúrguru, iscafada, isperdicadorju, ispérrulu, ispérruma, istrunfu, péntuma, scabiossu, strampafossu, tràdhia, trocu, úbridu Sentences sa terra si li fit abberta innantis lassèndhelu in s'oru de un'ispéntumu ◊ fipo supra de un'ispéntumu artu annotendhe sa cane ◊ ne murus, tzirvas e ispéntimus ti firmint! ◊ nche los ant impercaos a s'ispéntuma Scientific Terminology slg Etymon srd. Translations French gouffre, précipice English crag, ravine, gulf Spanish abismo, barranco Italian voràgine, burróne, precipìzio German Abgrund.

isprefúndhu , nm: isprofundhu, sparavundhu Definition logu pentzau in fundhu meda, prus che àteru coment'e iferru, logu de ànimas malas; buidu mannu, fundhudu / sa missa de s'isprofundhu = sa missa chi narant a unu mortu chi a cantu paret no tiat àere tentu ancora pasu in s'àteru mundhu e tiat èssere in ziru che ànima mala… Synonyms e antonyms iferru, ispéntumu, paravundu Sentences che ndhe lampas medas in s'isprefundhu, tue! ◊ dai sos ojos mi fuit sa lughe e paret ch'isprofundha in s'isprefundhu (S.Casu)◊ sos montes si ant a isòlvere che sale in s'isprefundhu ◊ so pedindhe a Deus chi no mi che mandhet a s'isprofundhu 2. àteru bi as de bogare a pizu dai s'isprofundhu de sa faltzidade?! Etymon srd. Translations French gouffre, abîme English abyss Spanish abismo Italian bàratro, abisso German Abgrund.

raína , nf Definition tretu artu meda de orroca, oru de orrocas artas Synonyms e antonyms conchile, ibba, ispéntimu, ispérruma, scabiossu, trabentu Sentences dae punta de sa raina bio su mare de Bosa ◊ s'abbilastru bolat sempre in sas alturas, si pasat in sas rainas ◊ si ch'est betadu dae una raina ◊ ch'est toruladu in sas rainas finas a sa banchina de s'istradone Scientific Terminology slg Etymon srdn. Translations French bord, crête, précipice English border, precipice, crest Spanish borde, cresta Italian ciglióne, precipìzio, crésta German Abgrund, Schlucht.

scabióssu , nm: scaviossu Definition logu artu meda, de orroca / a s. = a betadura, a cúcuru ficadu Synonyms e antonyms ispéntimu, isperdicadorju, ispérruma, tràdhia, úbridu 2. prima nd'est ampuau e apustis si nc'est abbucau a scabiossu Etymon srd. Translations French précipice English precipice Spanish precipicio, barranco, despeñadero Italian precipìzio German Abgrund.

spérruma , nf, nm: ispérruma*, sperrumu, spérrumu Definition logu de orroca artu o buidu fundhudu meda; fintzes su apèrrere is cambas camminandho, passu longu Synonyms e antonyms irborrocu, irgorropu, irrocadolzu, ispéntimu, scabiossu, sperevundu, trabentu / incambionada, sperriada, sperruncada Sentences dónnia spérrumu siat prenu, dónnia monti e dónnia cúcuru abasciau! ◊ bessindi de su spérrumu! ◊ is tacus funt coronaus de spérrumas 2. portat una buca manna chi parit unu spérrumu! Scientific Terminology slg Translations French escarpement English cliff Spanish despeñadero Italian dirupo, rupe German Abgrund, steiler Fels.