Ditzionàriu in línia
de sa limba e de sa cultura sarda

allibidoraméntu , nm: allidoramentu Definition marcu druchesau in sa carre po pistadura Synonyms e antonyms frincu, leidora, libidore, lidigori, macru, pistadura, sambellutau Etymon srd. Translations French lividité, bleu English bruise Spanish cardenal Italian lividura German blauer Fleck.

fríncu , nm Definition segada, marcu fatu a pistadura e a iscarràfiu totu a unu, marcu druchesau Synonyms e antonyms sinnolu, trincu / leidora, libidore, lidigori, macru, pistadura, sambellutau Sentences movendi su letu si est ingortu e si at fatu unu frincu a su pei ◊ est arrutu e si at fatu unu frincu in conca Translations French bleu- livide (Par ext.) English bruise Spanish cardenal Italian lìvido German blauer Fleck, Striemen.

leidòra , nf: lividora Definition marcu druchesau in sa carre po pistadura Synonyms e antonyms allibidoramentu, frincu, libidore, libidura, lidigori, macru, pistadura, sambellutau Sentences custa pòvera carena giughet in dogni parte lividora Translations French bleu English bruise Spanish cardenal Italian lividura German blauer Fleck, Striemen.

libidòre , nm: lidori Definition marcu druchesau in sa carre po pistadura Synonyms e antonyms frincu, illivrinidura, leidora, lerigori, lidigori, macru, pistadura, sambellutau Sentences custa pòvera carena zughet in dogni parte libidore (D.Mele)◊ mi at atripau a búngius e po cussu seu totu prenu de lidoris Etymon srd. Translations French lividité, bleu English bruise Spanish cardenal Italian lìvido German blauer Fleck, Striemen.

màcia , nf: mància, mantza, marca, màrcia Definition tretighedhu de colore diferente, nau siat de imbrutadura (mescamente candho no ndhe andhat samunandho o fintzes de sa cusciéntzia) e siat po guastu de maladia, puntura de bobboi o cropu in su frutuàriu: is mantzas a logos funt is pintirighinos chi essint in sa pedhe Synonyms e antonyms chéntria, guastu, màcua, navradura, pecu, prodha, taca 3 Idioms csn: mància de pigota = su marcu chi lassat custa maladia; pònniri mància a s'aredadi = èssere de birgonza pro sa parentella Sentences una mància manna in colore iscuru fit marinendhe in mare ◊ portàt màcias orrúbias in totu sa carena ◊ portat sa faci totu a màncias ◊ su cuadhu portat màncias mannas de àteru colori 2. si no giughes mància in sa cusséntzia za si at a bídere ◊ mi at postu una mància chi no ndi andat mai ◊ sa mància originale ◊ prima de ponni màncias fei chi benga sepultau! Surnames and Proverbs smb: Manza Etymon spn. Translations French tache English spot, macula Spanish mancha Italian màcchia German Fleck.

màcru , nm: malcu, marcu Definition tretu de diferente colore, fintzes su singiale, genia de cosidura chi abbarrat de una segada, de una freadura in sa carre Synonyms e antonyms frincu, leidora, libidore, lidigori, pistadura, sambellutau Sentences acantu arribbant, cussus peis lassant sempri unu bellu marcu biaitu ◊ chin sos ocros at sichitu sos macros biancos de sas erveches in turvontzu ◊ su sole de martu ponet marcu Surnames and Proverbs smb: Marcu, Marcus Etymon srd. Translations French marque, signe, trace, plaque, tache English stain, mark Spanish marca, mancha Italian màrchio, ségno, imprónta, chiazza German Zeichen, Marke, Spur, Fleck, Mal, Striemen.

sparlàcia, sparlàciu , nf, nm: spralàciu, sprallàcia, sprallàciu, sprallaxu, sprelàcia, sprelàciu, sprellàciu Definition mància, marcu de colore diferente chi essit in sa pedhe segundhu sa genia de sa maladia (fintzes a ispilidura), de sàmbene pistau (ma fintzes comente ndhe podet fàere addenote sa lughe); marcu mescamente in cambas nuas aparadas a meda a su fogu; fintzes tretu de terrenu chi no dhue at matedu, logu campu; iscórriu in s'orrobba Synonyms e antonyms càricas, pudhérigas / màcia, spragàrgia / iscórriu Sentences su sprallàciu dhu lassat su bàsidu a sutzu ◊ su no mi èssi aguantau su cotoni, prémiu a sa vena mi at fatu unu sprallaxu niedhu ◊ portat sprallàcius in dónnia logu: a cantu parit dh'at mussiada un'arréxini ◊ ita tenit chi portat sa faci a spralàcias?◊ in sa porta su noti intrat una sprelàcia de luxi 3. ant pigau cudh'ómini, chini a bratzus chini a peis, e dh'ant postu in d-unu sparlàciu puliu, in su mòri (F.Pilloni) 4. su frius nc'intràt in sprelàcius de is cratzonis e de sa camisedha istraciulada (Sanna/Lai) Translations French tache English spot Spanish mancha Italian chiazza, sprazzo German Fleck.