ammandronàdu , pps, agt: ammandronau Definition de ammandronare, chi no dhi praghet a trebballare, chi no trebballat Synonyms e antonyms abbragonau, immandronidu / chizoneri / cdh. ammandrunatu 2. sunt totu ammandronados ca ant sos dinaris chena trabagliados!(P.P.Fois) Translations French paresseux English made lazy Spanish emperezado, poltrón Italian impoltronito, ozióso German faul geworden.

bistentósu , agt Definition chi si la leat a istentare, chi no tenet coidau Synonyms e antonyms cagallente, mandrone | ctr. coidosu Sentences animalatzu bistentosu, no ponet a mandhigare e cudha crebendhe de su fámine! Etymon srd. Translations French paresseux, fainéant English lazy Spanish perezoso Italian pigro German faul.

chinisàju, chinisàrzu , agt, nm: chisinarzu, chixinàgiu, chixinalzu, chixinarzu, chixinaxu, cinisàrgiu Definition chi no faet àteru che istare sèmpere acanta a su fogu, in sa forredha; logu inue fúliant o ammuntonant su chinisu Synonyms e antonyms chighinarzu, chighineri, fochilarju, mandrone, praitzosu Scientific Terminology ntl Etymon srd. Translations French paresseux, indolent English lazy Spanish perezoso Italian neghittóso, poltróne German faul.

codiàlzu , agt: codiarzu Definition nau de ccn., chi istat o abbarrat a códias, chi lassat istare (o faet male sa cosa) po mandronia o cricat de no ndhe fàere; chi portat códias, trassas Synonyms e antonyms coilongu, filísigu, ilvioladu, iscuidadu, mandronàciu, praitzosu / trasseri | ctr. apensamentau, penciamentosu 2. cussu est codialzu che unu matzone! Scientific Terminology ntl Etymon srd. Translations French fainéant English slothful, shirker Spanish perezoso, holgazán Italian neghittóso, scansafatiche, lavativo German faul.

cojanésu , agt Definition chi costumat a tirare agoa, a ibertare, a lassare a pustis pruschetotu po mandronia Synonyms e antonyms cagallente, coizosu, dasianu, immajonadu, isandhaladu, mandrone Scientific Terminology ntl Etymon srd. Translations French lent, paresseux English slow, lazy Spanish atrasado Italian tardo, lènto, poltróne, procrastinatóre German träg, langsam, faul.

filisigósu , agt: filosigosu Definition chi abbarrat a su mighirimíghiri faendho is cosas, dhas faet cun tropu lentesa, coment'e chie no ndhe tenet gana Synonyms e antonyms adasiau, cagallente, cojanesu, fiacosu, fracómudu, frasselenu, immajonadu, prodhincu Scientific Terminology ntl Etymon srd. Translations French paresseux, lambin English lazy, slowcoach Spanish perezoso, pachorrudo Italian pigro, posapiano German faul.

fràzicu , agt, nm: fràzigu Definition nau mescamente de cosas de papare, erbas o linnas, chi est guastu, pudrigau de no aguantare; foedhandho cun tzacu, fatu, chistione Synonyms e antonyms frazigadu, marcitau, pordiau / cdh. fràcicu Idioms csn: casu fràzigu = casu martzu, fatu; ista fràzigu! = abarra firmu!; iscúdere che fràzicu = iscúdere a mal'istropiadura Sentences chi siat perfetu in sestu forsi no bi at cristianu: si un'aizu at de sanu, est fràzigu su restu ◊ s'aradu de ferru est totu fràzigu de ruinzu ◊ so che a su frutu fràzicu, chi tenet su colore bellu a fora ◊ muru chi sustenet trae no est fràzigu ne sortu ◊ bi at frommija chi faghet su nidu in sa linna fràziga 2. ma a ti cheres fàghere sos fràzigos tuos?!…◊ lu depet àere iscutu male: su carrale iscudet che fràzicu! Etymon itl. fràcico Translations French pourri, putrescent English rotten, rotting Spanish podrido Italian putrefatto, màrcio, putrescènte German faul.

immandronatzàre , vrb Definition essire o fàere mandronatzu, mandrone Synonyms e antonyms acochinai, acovardai, ammandronae, ammandronire, arraigai, impraitzai Sentences su vísciu ispinghet s'ómine a s'immandronatzare Etymon srd. Translations French rendre paresseux English to make lazy Spanish emperezarse Italian impoltronire German faul werden.

impraitzài , vrb: impreissai, impreitzai Definition fàere o essire mandrone, preitzosu Synonyms e antonyms acochinai, acovardai, ammandronae, ammandronire, apreitzai, arraigai, immandronatzare, impreitiosire Sentences su maistu de pannu immoi si est impraitzau e no at postu prus unu puntu Etymon srd. Translations French rendre ou devenir paresseux English to make lazy Spanish emperezar Italian impigrire German faul werden.

isandhalàdu , agt Definition chi andhat o istat tropu abbellu faendho sa cosa Synonyms e antonyms cagallente, cojanesu, dasianu, immajonadu, présiru, trajanu | ctr. coidadosu, lestru Translations French paresseux, lent English lazy, slow Spanish perezoso, lento Italian pigro, tardo, lènto German faul, träg, langsam.

loguníu , agt: luguniu Definition nau de s'ou, chi est frochiu o fintzes isciaculadori, guastu; nau de s'ogu, chi est annapau Synonyms e antonyms crochidu, lanitu, launiu, tzotzidu 2. custos versos lugunios si sorbent in s'aggorru de su coro chene peruna ispera, crochindhe solu zuntas de nàstala (F.Satta) Translations French couvé, fécondé, couvi, pourri English brooded, fertilized, rotten Spanish empollado, fecundado, huevo podrido Italian covato, fecondato, barlàccio German ausgebrütet, faul.

mandronàciu, mandronàssu, mandronàtzu , agt, nm Definition mandrone, ma nau cun arrennegu e a disprétziu Synonyms e antonyms arreulau, filísigu, oreri, praitzosu Sentences mandronatzu, dae manzanu a sero istat fuliadu chentza fàghere nudha! ◊ bai a trabballai, mandronàciu!◊ sos Sardos non los poto lissentziare ca mi rendhent a tres bortas de sos mandronatzos chi mi ant mandhadu! Etymon srd. ac Translations French paresseux, fainéant English lazy Spanish perezoso Italian poltróne, accidióso, poltronésco German faul, müßig, träge, Faulpelz, Faulenzer.

praitzósu , agt, nm: preiciosu, preitigosu, preitiosu, preissosu, preitosu, preitzosu, pretiosu 1, prisciosu, pritiosu Definition chi o chie est pigau de sa preítzia e no bollet fàere nudha po abbitúdine o naturale suo Synonyms e antonyms arreulau, cracaratzu, filísigu, ingurdosu, mandronàciu, oreri / cdh. sdórriu, pritzosu | ctr. contipizosu, marasadore, trabagliante Sentences su preitzosu bollit puntu, no solingau! ◊ cussu preitosu istat in su pinnetu che gatu in sa chisina ◊ sos preitiosos sunt chensciosos cun totu ◊ ge at a fai un'acabbu cussu pritzosu arreulau!…◊ deo pro iscríere so prisciosu ◊ seo immidiosu ca medas bortas su preiciosu tenet siendha lumenada!◊ a sa pessona pritiosa no li aggradat a trivagliare Scientific Terminology ntl Etymon srd. Translations French paresseux, fainéant English lazy Spanish perezoso Italian pigro, pelandróne, neghittóso, accidióso German faul, träge, Nichtstuer.

púdidu , agt: púdigu, púdiu, púriru, pútitu Definition chi est pudeschendho, chi est faendho fragu légiu; nau de ómine o de fémina, chi funt malos, bagasseris Synonyms e antonyms pudéschiu Idioms csn: púdidu a tzutzu = pudésciu a bentu; cane p. = su dimóniu Sentences cussu pische est púdidu, guastu ◊ púdigas abbas màrghinant s'ammentu 2. cussu est unu púdidu, cussa una púdida ◊ bi che supriat zente meta carràndheche malàdios e trumentatos dae ispíritos pútitos Etymon ltn. putidus Translations French puant, putride English stinking Spanish hediondo Italian puzzolènte, pùtrido German stinkig, faul.

«« Search again