Legenda Incurtzaduras | Legenda Sìmbulos

pisédhu , nm Definitzione denti de béciu, de bècia, basoledhu atzudu, genia de erba chi faet a cambu in terra che a su pisucre, o fintzes a in artu, e faet una teghighedha cun d-unu o duos granos che una faighedha atzuda, bona po su bestiàmene e fintzes po sa gente (ma a ndhe papare tropu faet male, est toscosa, difatis pipiu apisedhau = piciochedhu chi tenet neghe a fortza de papare pisedhu); a logos, una calidade de pane pintau a orrosinita e a serros, po is festas Sinònimos e contràrios anchíscia, faisedha, fravaria, nasedhu, písiri, pisuvà, tresatzas Frases passàt in giru un'ominedhu narendi ca molliat trigu, orxu, fà, cíxiri e pisedhu ◊ su minestroni cun pisedhu dèu a pipia dhu grisai poita sciemu ca portàt facioni Sambenados e Provèrbios smb: Piseddu Terminologia iscientìfica lrs, Lathyrus sativus Ètimu srd. Tradutziones Frantzesu gesse Ingresu chickling Ispagnolu almorta Italianu cicérchia Tedescu Platterbse.

pisédhu 1 , nm Definitzione pisedhu o pisu de coloru, una genia de erba chi faet a cannàile longu e bogat una teghighedha cun su granu Sinònimos e contràrios chérigu, cogodi Terminologia iscientìfica rba, Lathyrus aphaca Tradutziones Frantzesu lathyrus Ingresu grass-pea Ispagnolu afaca Italianu àfaga Tedescu Rankenplatterbse.

pisédhu 2 , nm Definitzione una calidade de pisu, fasolu brenti de mòngia, corru de craba o fintzes pisolu faci de ómini Sinònimos e contràrios fasedhu, fasoluniedhu, pisighedhu Terminologia iscientìfica lrs, Vigna unguiculata.

pisédhu 3 , nm, agt Definitzione su cristianu candho tenet pagos annos: si narat de su piciochedhu (fintzes pipiu no tropu piticu), de su piciocu matucu, de su giòvono, ma fintzes (solu coment'e agt.) de ómine mannu no tropu antzianu (a/c.: candho si chistionat cun àtere, medas o pagos o unu solu, si narat fintzes in fràsias de meravíglia in forma pl.)/ su p. podet èssere: bonu, minore, mannu, bellu, cabosu, malu, abbistu, síncheru, faularzu, atrividu, botosu, paghiosu, arrebbugiu, mauchedhu, e àteru Sinònimos e contràrios bibbigorredhu, pàgiu, picinnu, pipiu / giòvanu, minore, piciocu, pilocu | ctr. béciu, mannu Frases sos pisedhos si daent a su zogu ca no tenent sos pidinos de sos mannos ◊ sos pisedhos minores… a s'asilo! ◊ a pisedhu fit unu rundhellu, ma a mannu at fatu una cambiada!…◊ pisedhos e pudhas imbrutant su logu 2. no fit betzu meda: fit ancora pisedhu candho est mortu ◊ che tenet prus de setanta annos ma cumparit pisedha meda 3. pisedhos mios, no bos faghet meraviza, custa cosa?! ◊ pisedhos mios, a ndhe cherides bídere de funtzione, a si che colare a sa resone chentza ndhe àere!… Sambenados e Provèrbios smb: Piseddu Ètimu ltn. pisinnus (cun àteru sufissu) Tradutziones Frantzesu enfant, jeune garçon Ingresu kid, child Ispagnolu niño, chico Italianu bambino, ragazzino Tedescu Kind, kleiner Junge.

pisédhu 4 , nm: pisellu Definitzione genia de laore chi assimbígiat unu pagu a su pisu, a tega prus curtza, a granos tundhos e prus piticos, druche de sabore: si papat a friscu Sinònimos e contràrios pisu 2, pisuci, písulu, presúrtzisi Terminologia iscientìfica lrs, Pisum sativum Ètimu itl. Tradutziones Frantzesu petit pois Ingresu pea Ispagnolu guisante Italianu pisèllo Tedescu Erbse.

«« Torra a chircare