Ditzionàriu in línia
de sa limba e de sa cultura sarda

bardàscia , nm Definizione piciocu minore pagu de bonu, malu Sinonimi e contrari cdh. stedhàciu Traduzioni Francese mauvais garçon Inglese nasty boy Spagnolo niño travieso Italiano ragazzàccio Tedesco Schlingel.

camaréri , nm: cambareri, camerieri Definizione ómine chi atendhet istràngios mescamente in albergos Sinonimi e contrari serbidori, teracu Frasi candu at tocau sa porta est essiu unu cambareri ◊ benit unu camareri e dhi narat: “Ita disígiat, sa Sennora?”◊ su fizu de su re at postu a su camareri pena de molte si no fit beru su chi li naraiat ◊ nos altzaiat sa boghe fintzas unu camareri! (F.I.Mannu) Cognomi e Proverbi smb: Cammareri Terminologia scientifica prf Etimo spn. Traduzioni Francese garçon, domestique Inglese waiter Spagnolo camarero (loc. pubbl.), criado (casa) Italiano camerière Tedesco Kellner.

istalléri , nm Definizione chie atendhet pegos in istalla Etimo itl. Traduzioni Francese garçon d'écurie Inglese stable boy Spagnolo mozo de cuadra Italiano stallière Tedesco Stallbursche.

moresínu , agt, nm: morisinu, muresinu, murisinu Definizione de colore niedhudu, chi est in colore de mura; murighessa, genia de mata manna chi faet su frutu coment'e una mura Sinonimi e contrari moritu, murenu / gersa, morighessa Frasi po èssi muresina, ti stait sa seda celesti! ◊ sa baca muresina no portat ischina e allatat in fronti…◊ fiat murisinu de faci, teniat 1,65 de cantellu e una bella cabidhada de pilus Terminologia scientifica clr, mtm, Morus alba, M. nigra Etimo srd. Traduzioni Francese brun, jeune homme brun, garçon brun Inglese brown, swarthy, mulberry (tree) Spagnolo pardo, morera, moral Italiano bruno, morettino Tedesco dunkel, Weißer oder Schwarzer Maulbeerbaum.

piciochédhu , nm Definizione pipiu matucu Sinonimi e contrari pilocu, pisedhu 3 Frasi is maistus depint imparai a is pitzochedhus a chistionai sa limba nosta Traduzioni Francese jeune garçon Inglese little boy Spagnolo chiquito Italiano ragazzino Tedesco kleiner Junge.

piciócu , agt, nm: pitzocu Definizione chi o chie, ómine, est de pagos annos, minore de tempus; si narat fintzes in su sensu de ómine cojuandho, giovonedhu fastiandho; a logos, piticu de mannària / bellus piciocus = zenia de frores minudedhos ma bellos Sinonimi e contrari giòvanu, minore, pàgiu, pisedhu 3 / sposu / minore, piticu | ctr. béciu, mannu Frasi a nai sa beridadi, cussu aici piciocu no fiat cosa de pigai! ◊ cussa fémina est tropu picioca po issu ◊ sa sorre prus manna l’at naradu a sa prus pitzoca 2. Fulana tenit su piciocu: si est fata a isposa! 3. teniant una bella domo: no fit tantu manna, ma nemmancu tropu pitzoca (M.Danese)◊ apronta una panedha pitzoca pro mene e vatimila! Etimo srd. Traduzioni Francese garçon Inglese boy Spagnolo chico, chaval Italiano ragazzo Tedesco Junge.

pilócu , nm Definizione piciochedhu fintzes a is dóighi, tréighi annos Sinonimi e contrari piciochedhu, pillosu*, pisedhu 3 Frasi apo colau sos annos de pilocu apare cun mannoi meu Traduzioni Francese petit garçon Inglese young boy Spagnolo niño, mozo Italiano fanciullo, ragazzino Tedesco kleiner Junge.

pisédhu 3 , nm, agt Definizione su cristianu candho tenet pagos annos: si narat de su piciochedhu (fintzes pipiu no tropu piticu), de su piciocu matucu, de su giòvono, ma fintzes (solu coment'e agt.) de ómine mannu no tropu antzianu (a/c.: candho si chistionat cun àtere, medas o pagos o unu solu, si narat fintzes in fràsias de meravíglia in forma pl.)/ su p. podet èssere: bonu, minore, mannu, bellu, cabosu, malu, abbistu, síncheru, faularzu, atrividu, botosu, paghiosu, arrebbugiu, mauchedhu, e àteru Sinonimi e contrari bibbigorredhu, pàgiu, picinnu, pipiu / giòvanu, minore, piciocu, pilocu | ctr. béciu, mannu Frasi sos pisedhos si daent a su zogu ca no tenent sos pidinos de sos mannos ◊ sos pisedhos minores… a s'asilo! ◊ a pisedhu fit unu rundhellu, ma a mannu at fatu una cambiada!…◊ pisedhos e pudhas imbrutant su logu 2. no fit betzu meda: fit ancora pisedhu candho est mortu ◊ che tenet prus de setanta annos ma cumparit pisedha meda 3. pisedhos mios, no bos faghet meraviza, custa cosa?! ◊ pisedhos mios, a ndhe cherides bídere de funtzione, a si che colare a sa resone chentza ndhe àere!… Cognomi e Proverbi smb: Piseddu Etimo ltn. pisinnus (cun àteru sufissu) Traduzioni Francese enfant, jeune garçon Inglese kid, child Spagnolo niño, chico Italiano bambino, ragazzino Tedesco Kind, kleiner Junge.