Ditzionàriu in línia
de sa limba e de sa cultura sarda

alàse , nm: alasi, alàsia, alàsiu, olasi Definizione aràngiu burdu o aresti, genia de linna dereta (ma atrotigada) chi faet a mata fintzes manna, corgiolu birde, fògia ispinosa in is oros (in is cambos prus bàscios o candho est a prantone piticu) e frutighedhu (sa calidade fémina) a pibionedhu tundhu, orrúbiu, a gurdonedhu: faet in montes unu pagu artos / orruos de alasi = sas naes prus bassas de cust'àrbure segadas a ischimadura dae su truncu, manizadas pro fàghere frama meda Sinonimi e contrari arangiubburdu, banatuli, colóstiu, elatori, golosti, lauspinosu Terminologia scientifica mtr, Ilex aquifolium Etimo srdn. Traduzioni Francese houx commun, laurier piquant Inglese holly Spagnolo acebo Italiano agrifòglio Tedesco Stechpalme.

àspidu , agt Definizione chi tenet sabore forte, pitzigorosu, nau de cosas de papare (píbere, piberone, casu, arraiga); nau de sa cosa a su chi paret a su tocu, chi arrasigat, chi no est lisa / binu à. = arraspiosu de gustu, chi lassat sa língua unu pagu arraspiosa Sinonimi e contrari pissiosu / aspru | ctr. druce / lísiu Frasi custu casu betzu si ch'est fatu àspidu ◊ su piberone ruju, su minudu, est àspidu meda: un'apenas in su mànigu atzivit aira Terminologia scientifica sbr Etimo ltn. asperu + acidus Traduzioni Francese piquant Inglese spicy Spagnolo picante Italiano piccante Tedesco pikant.

fertadéru , agt Definizione chi ferit, chi punghet, chi trapassat Sinonimi e contrari punghinosu Traduzioni Francese piquant Inglese prickly Spagnolo punzante Italiano pungènte, trafittivo Tedesco stechend.

giuncumàsciu , nm: zuncumascru Definizione giuncu a cambu tundhu, forte, longu longu, bogat su frore unu pagu asuta de sa punta e punghet, faet in logos de venadórgiu, a molas mannas, s'impreat murtu (atrotigau) e irmurtidu po acapiare o àteros trebballos: a logos dhi narant sinniga, tinnia, tzinnia, chi funt fintzes àteras genias de erba chi si assimbígiant Sinonimi e contrari tinnia Terminologia scientifica rba, Juncus acutus Etimo srd. Traduzioni Francese jonc épineux, j. piquant Inglese reed Spagnolo junco espinoso Italiano giunco spinóso o pungènte Tedesco stechende Binse, stachelige Binsensorte.

golósti, golóstiche, golóstise, golóstiu , nm: bolostru, colóstiu, golostri, golostru Definizione alàsiu, genia de linna tènnera (ma atrotigada de longu) chi faet a mata fintzes manna, corgiolu birde, fògia ispinosa in is oros (in is cambos prus bàscios ebbia o candho est a prantone minore) e (sa mata fémina) frutighedhu tundhu, orrúbiu: faet in montes unu pagu artos Sinonimi e contrari alase, arangiubburdu, banatuli, elatori, lauspinosu Frasi mi aiat frusciadu dae su litighedhu de sos golóstios in risposta a su giuilare meu (N.Falconi) Terminologia scientifica mtr, Ilex aquifolium Etimo srdn. Traduzioni Francese houx, laurier piquant Inglese holly Spagnolo acebo Italiano agrifòglio Tedesco Stechpalme, Ilex.

ispinósu , agt: spinosu Definizione chi giughet ispina, chi est totu ispina, chi punghet Sinonimi e contrari pungosu, scrispionosu Frasi los at chirriatos chin filuérrinu ispinosu ◊ su padente si fachiat issipiu e impiricosu atraessandhe sas àndhalas de sirvone chin ispinosos lovros de teti e ruu (G.Brocca) Etimo ltn. spinosus Traduzioni Francese piquant, épineux Inglese thorny Spagnolo espinoso Italiano spinóso Tedesco dornig.

ispurtidhósu , agt: spurtidhosu Definizione chi ispirtit, chi pítziat, punghet Sinonimi e contrari ispurtiolu, pissiosu, pistidhosu, sportinitzu / àspidu Frasi suore ispurtidhosu ◊ sunt dies de sole ispurtidhosu 2. custa ravanella est ispurtidhosa ◊ sa chibudha est totu ispurtidhosa Etimo srd. Traduzioni Francese piquant Inglese prickly Spagnolo punzante, mordaz Italiano pungènte, cocènte Tedesco stechend.

pissiósu , agt: pitigosu, pitziosu Definizione chi pítziat, chi ispirtit (de punghidura, pitigadura, budhidura), o chi est de sabore forte, pitzigorosu (nau de cosas de papare o bufare): si narat fintzes de cosas chi dispraxent, chi dolent Sinonimi e contrari ispurtidhosu, ispurtiolu, pitzigorosu, pitzulosu / àspidu Frasi fint frantos dae su fumu pitigosu ◊ in s'istadi su soli est pitziosu 2. casu martzu pitziosu ◊ gighiat unu coinzolu cun pumatas, melinzanas e una màcia de piberone pitigosu ◊ s'acuardenti est pitziosa 3. est pitziosu e grai su bíviri in logu allenu de istràngiu Etimo srd. Traduzioni Francese piquant Inglese thorny, spicy Spagnolo punzante, cortante, picante Italiano pungènte, piccante Tedesco stechend, scharf, pikant.

pistidhènti , agt Definizione chi pistidhit, pítziat, nau de cosas chi punghent o de papare chi tenent sabore forte Sinonimi e contrari piperosu, pissiosu Etimo srd. Traduzioni Francese piquant, poivré Inglese peppery Spagnolo picante Italiano pizzicante, pepato Tedesco scharf, pikant.

potentívu , agt Definizione forte meda, nau mescamente de cosas po su sabore o s'efetu chi faent papandhodhas (es. aghedu, velenu e àteru) Sinonimi e contrari folte, potentosu / profetosu Traduzioni Francese fort, piquant Inglese strong, efficacious Spagnolo eficaz, fuerte Italiano efficace, fòrte Tedesco wirksam, stark.

punghicósu , agt: punghigosu Definizione chi punghet, chi est totu ispina Sinonimi e contrari punciudu, punghijolu, punghinosu, pungosu Frasi sa rosa est unu frore punghicosu ◊ sa tiria est punghigosa Etimo srd. Traduzioni Francese piquant Inglese thorny Spagnolo punzante Italiano pungènte Tedesco stechend.

punghinósu , agt Definizione chi punghet (nau fintzes in sensu metafóricu, chi pítziat, ispirtit) Sinonimi e contrari punghicosu, punghijolu Frasi un'avra punghinosa de bidhighia demozat custa terra catigada Etimo srd. Traduzioni Francese piquant Inglese prickly Spagnolo punzante Italiano pungènte Tedesco stechend.

pungósu , agt Definizione chi punghet Sinonimi e contrari ispinosu, punghicosu, punghinosu Frasi sunt colados intro de ruos pungosos ◊ azis postu filuverru pungosu in dogni gianna Etimo srd. Traduzioni Francese piquant, épineux Inglese thorny Spagnolo punzante Italiano pungènte, spinóso Tedesco stechend, stachelig.