Ditzionàriu in línia
de sa limba e de sa cultura sarda

biscacàdu , agt Definizione chi est a marcos de diferente colore Sinonimi e contrari incespiadu, iscacadu, pintarinadu, randhinadu Frasi su magiorale zuchet sa corza totu biscacada, a pintirinos ◊ una colora biscacada, cun sa boche ingheniajola de una zana, mi at tentau Etimo srd. Traduzioni Francese tacheté, moucheté Inglese flecked Spagnolo salpicado Italiano macchiettato Tedesco buntgefleckt.

chentriàdu , agt Definizione chi portat chéntrias, màncias, marcos Sinonimi e contrari ammarciau, crentiadu, incespiau, macradu, tacadu / biscacadu, incespiau, tzespeadu Etimo srd. Traduzioni Francese tacheté, bigarré Inglese spotted, variegated Spagnolo manchado Italiano macchiato, screziato Tedesco gefleckt, gesprengelt.

incespiàu , pps, agt Definizione de incespiai; chi est totu istidhigau o a màncias de colores diferentes Sinonimi e contrari biscacadu, cacarru, chentriadu, manciau, pintarinadu, pintolinadu, tzespeadu | ctr. paramiche, parívile 2. custu est nènniri de trigu, est gravellu incispiau: bellu meda! Traduzioni Francese tacheté Inglese spotted Spagnolo manchado, abigarrado Italiano chiazzato Tedesco befleckt.

macràdu , pps, agt: ammargau, macrau, magradu Definizione de macrare; chi est a magras o a marcos de diferente colore (nau fintzes de bentina de animale), chi est ammanciau, a tretos brutu de cosa chi no ndhe andhat Sinonimi e contrari incespiau, ziziadu / ammarciau, tacadu 2. su gatu fit pili macradu e murri niedhu ◊ est una craba magrada Traduzioni Francese tacheté, taché, tacheté Inglese stained Spagnolo manchado Italiano chiazzato, macchiato Tedesco befleckt, fleckig, gesprenkelt, scheckig, gescheckt, befleckt.

randhinàdu , pps, agt Definizione de randhinare; nau de su logu, chi dhue at gràndhine de comente ndhe at betau meda; nau de su colore de un'animale in sa pilidura, chi est a pintirighinos mannos de diferente colore Sinonimi e contrari grandhinadu / cacarru, iscacadu, pintarinadu Frasi tempus malu: oe at fintzas randhinadu 2. su logu est abbarradu randhinadu tota die, de cantu at fatu fritu a pustis de cussa nue de cosa 3. isfrunzas randhinadas de usciareu mudant su logu chi parent bandheras ◊ tenzo una pudha randhinada ◊ zughet sa cara randhinada de suore ◊ cussu logu est totu randhinadu de domos, fraighendhe in totue Traduzioni Francese grêlé, tacheté, moucheté Inglese hailed, punctuated Spagnolo granizado, manchado, moteado Italiano grandinato, macchiettato Tedesco gehagelt, gesprenkelt, scheckig.

tacàdu , pps, agt: tacatu, tacau, tzacadu Definizione de tacare, -are 1, tacai, -ai 1; chi portat taca, fintzes mància de male in sa carena Sinonimi e contrari ammarciau / guastu, mantzadu, punciau, puntu / aciacosu, magagnosu, maladióngiu, malesanu, temósigu, tunconidu, tzimiliosu | ctr. líaru, sanu 2. portat su dentímini tacau Traduzioni Francese taché, tacheté Inglese stained Spagnolo manchado Italiano macchiato Tedesco befleckt.

ziziàdu, ziziàtu , agt Definizione chi est totu frores, a zizios; chi est a marchighedhos de diferente colore, ingespiau Sinonimi e contrari macradu Frasi ziziata bandhela, bandhela de zizia! ◊ basolu, fiore, campu, cane, ziziadu, antunna ziziada Etimo srd. Traduzioni Francese tacheté Inglese spotted, flecked Spagnolo manchado Italiano macchiettato, chiazzato Tedesco besprenkelt, befleckt.