Legenda Abbreviazioni | Legenda Simboli

acómi! , iscl Definizione seo innoghe, seo prontu, ma nau pruschetotu chentza prexu Frasi acomi torra su padronu tou: s'última iscurrizada nos faghimus! ◊ acomi tristu a zorronada anzena! Traduzioni Francese me voilà! Inglese here I am! Spagnolo ¡heme aquí! Italiano èccomi! Tedesco da bin ich.

cèo , prn: geo, zeo Definizione prn. de prima persona sing. (is formas geo e zeo candho si agatant apustis de vocales che fúrriant sa cunsonante de cuménciu a /j/: ma a logos essint 'indipendhentes' e narant Jeo fintzes a solu, ma tocat a regularizare s'iscritura g–, z–) Sinonimi e contrari dego*, ego Frasi a nois Budhusoinos in sa Costera nos narant sos "Ceinos" ca namus "ceo"! Traduzioni Francese je, moi Inglese I Spagnolo yo Italiano io Tedesco ich.

cumàndit! , iscl Definizione nerit!, netzat!, nade!: foedhu de arrespetu chi si narat cun is mannos, o cun gente chi no si connoschet, candho narant cosa chi no si est cumpréndhia o inténdhia bene cun bene, o po calecuna cosa chi unu si bolet fàere torrare a nàrrere, o coment'e pedindho chi netzant su chi bolent Traduzioni Francese vous dites?, plaît-il? Inglese I beg your pardon, yes, sir! Spagnolo ¡Mande! Italiano comandi!, prego! Tedesco Bitte!

dègo , prn: deo, dèu Definizione foedhu chi si narat in parte de su númene de una prima persona: s'impreat prus che àteru (ma no sèmpere cun bisóngiu) po inditare chie faet s'atzione de su vrb. / cun deo, cun dèu = cun megus; che deo = che a mie Sinonimi e contrari ceo, ego, eju Frasi deo no isco proite faghes gai! ◊ deo, no tue, apo fatu custu triballu! ◊ cussa cosa dha fatzu dèu! 2. parit chi is cosas siant morendi cun dèu ◊ restat cun deo s'antiga tristura ◊ si fint istadas che deo no si fint avilidas ◊ isse no est coment'e deo ◊ isse est piús faularzu chi no deo!◊ fai cument'e dèu! Etimo ltn. ego Traduzioni Francese je, moi Inglese I Spagnolo yo Italiano io Tedesco ich.

intemòre! , iscl: intimore Definizione e ite si!…, bae e crica si!…: dhu narant pruschetotu dudosos timendho ccn. cosa chi podet acontèssere o chi podet èssere acontéssia / intemore si no… = fata si no…, it'abbisóngiu dhoi at de?… Sinonimi e contrari acabore, atamore Frasi intimore si sas berbeghes che sunt intradas a su trigu!… Bae e abbàida!◊ intimore si su pitzinnu at tentu dannu, su istentare goi!… 2. intemore, como, si no che andhades a campu, cun custu fritu! ◊ faghe a imboladura, sa linna: intemore si no est bene assentada!…◊ intemore, como, si no che essides a chircare antunna, a catigare erba ifusta! Traduzioni Francese qui sait, peut-être Inglese I wonder, maybe Spagnolo quizás, quién sabe Italiano chissà Tedesco wer weiß!.

«« Cerca di nuovo