Ditzionàriu in línia
de sa limba e de sa cultura sarda

aciapitài , vrb: ciapitai Definizione fàere is passighedhos de su ballu Sinonimi e contrari atzopitai, istripitare, sciampitai Etimo srd. Traduzioni Francese sautiller Inglese to hop about Spagnolo hacer los pasos del baile sardo Italiano salterellare Tedesco Tanzschritte, sprünge machen.

ancabíta , nf: ancalita, ancallita, ancarita, angallita Definizione genia de brínchidu, fatu a unu pei; a logos, angalita est fintzes sa farrunca, s'unga de is pigiones / andhare o brincare a s'ancarita = a un'anca Sinonimi e contrari peditzopu, peincanedhu, tzàncaru Frasi cun tegus brincaia a s'ancallita ◊ ant fatu s'angallita, chirchendhe de lassare s'immina in su terrinu ◊ unu ciogu innotzente de criaduras in sa carrera brinchendhe a s'ancalita 2. s'àchili portat me is angalitas unu lèpuri chi at cassau Etimo srd. Traduzioni Francese petit saut Inglese hop Spagnolo salto a la pata coja Italiano saltèllo Tedesco Hüpfer.

àrrui , nm: aurri Definizione àlinu de monte, genia de linna chi faet a mata manna Terminologia scientifica mtm, Ostrya carpinifolia Etimo srdn. Traduzioni Francese charme-houblon, bois-de-fer Inglese hop hornbeam Spagnolo carpe negro, falso carpe Italiano càrpino nero o carpinèlla Tedesco europäische Hopfenbuche.

atidhài , vrb: tidhare Definizione brinchitare, nau mescamente de is cuadhos; caminare impresse, lestros Sinonimi e contrari atidhidai, brinchillai, cadrabudhai, ischeltiare, sadhie, subesciare Frasi si ndi est andada atidhendi ◊ su fragu atidhat maris e montis ◊ comenti fatzu po atidhai su muru?◊ sa noti de santu Giuanni atidhastus su fogadoni 2. s'intendint is passus de sa sciampita lébius e atidhaus ◊ su coru miu po tui at sèmpiri atidhau 3. custas cosas faint atidhai su coru! Etimo srd. Traduzioni Francese sautiller Inglese to hop Spagnolo brincar, andar deprisa Italiano saltellare, balzellare Tedesco hüpfen, herumspringen.

brinchetàre , vrb: brinchidai, brinchidare, brinchietare, brinchitare Definizione andhare o istare a brinchidedhos, brincare Sinonimi e contrari brincae, brinchillai, cadraminciare, sciampitai, subesciare Frasi sa pudha passat in carrela brinchitendhe ◊ is angionis funt brinchidendi ◊ custu béciu brínchidat che unu pibitziri ◊ cudhu brínchidat che unu cerbu ◊ càndhero dhi ant giau cussos giogos, su piciochedhu si est postu a brinchidare ◊ candho fustis piciochedhos de deghe o dóighi annos andhaiaus a brinchidare in is muredhos Etimo srd. Traduzioni Francese sautiller Inglese to hop about Spagnolo brincar Italiano salterellare Tedesco hüpfen.

brinchighédhu , nm Definizione min. de brincu, brinchidedhu Sinonimi e contrari brincaredhu Traduzioni Francese petit saut Inglese hop Spagnolo saltito Italiano saltellino Tedesco Hüpfer.

brinchillài, brinchilliài , vrb Definizione brincare, istare a brínchidos, a su brinca brinca; si narat fintzes in su sensu de si dha passare chentza male Sinonimi e contrari brinchitare, cadrabudhai, sciampitai, subesciare Frasi su pipiu brinchillat e giogat che un'angionedhu ◊ su pisci brinchílliat ◊ sa piciochedha… ge brinchílliat: gioghendi in cortili est!◊ s'est ingortu e dhi est incrésciru mera: ita naras, ca dhoi at brinchilliau?! 2. po s’ora ge seus a bellixedhu, ge brinchillaus!… Etimo srd. Traduzioni Francese sautiller Inglese to hop Spagnolo brincar, retozar Italiano saltellare Tedesco hüpfen.

cadrabudhài , vrb: cadrampoai, cadrebudhai, cadrapudhare, cardabbudhare, cradampulare Definizione cúrrere, andhare a brínchidos, brinchidare a giogu, po alligria Sinonimi e contrari brinchillai, cadraminciare, ischeltiare, subesciare / cadredhai Traduzioni Francese sautiller, s'ébattre Inglese to hop Spagnolo brincar Italiano saltellare, ruzzare Tedesco hüpfen, herumtollen.

cradédhiu , nm Definizione su cradedhare, su istare a brínchidos, iscudendho is peis a terra po reberdia, ca no si bolet una cosa o fintzes po prexu Sinonimi e contrari brincu, iscradédhiu, issédhidu, sàltidu Etimo srd. Traduzioni Francese saut, bond Inglese jump, hop Spagnolo salto Italiano salto, balzo Tedesco Sprung.

lúpulu , nm Definizione genia de erba chi ponent fintzes a sa birra (po dhu giare su sabore) Terminologia scientifica rba, Humulus lupulus Traduzioni Francese houblon Inglese hop Spagnolo lúpulo Italiano lùppolo Tedesco Hopfen.