Ditzionàriu in línia
de sa limba e de sa cultura sarda

bòcia 1 , nf Definizione genia de fatura de unos cantu bestimentos de fémina, coment'e ufradas, a bòcia Etimo ctl. botxa Traduzioni Francese bouillon Inglese puff Spagnolo bullón Italiano sbòffo Tedesco Puff.

búfida , nf, nm: búfita, búfiu Definizione súlidu chi si bogat de buca unu pagu a moida, comente si faet sentindho ifadu Sinonimi e contrari assúpidu, bufada 1, irbúfida, súrbidu 1, súrfiu Frasi comente si est bidu iscapu, su sirbonedhu at iscutu búfidas de cuntentesa ◊ s'intenniat sa sughe a búfitas allatanne ◊ comenti mi apubànt, is procus betànt cos’e búfius e si nci fuiant Etimo srd. Traduzioni Francese soupir d'ennui, d'impatience, mouvement d'ennui, d'impatience Inglese snort, puff Spagnolo resoplido Italiano sbuffata, sbuffo Tedesco Schnauben.

fumàda , nf Definizione su fumare, su fàere fumu Sinonimi e contrari afumiada, fumiada Modi di dire csn: dare sa f. = fàghere unu sinnale cun su fumu; leare prestu sa f. = primmaisí luegus; èssere una f. = una furriada de ogus, un'iscutighedha 2. una fumada ebbia est custa vida! Etimo srd. Traduzioni Francese fumée Inglese puff of smoke Spagnolo humareada Italiano fumata Tedesco Rauchen.

isúfiu , nm: isúnfiu Definizione ària o alenu chi si bogat, nau mescamente de animales e fintzes in su sensu de fortza / leare a ccn. a isúfios = chentza crabbu Sinonimi e contrari ispaporada, isúlfida, súfiu 1, súlidu, tzúfiu / àlchida, impita Frasi aiat bidu su trenu a isúnfios, trazendhe una laghiza de vogones ◊ cussa batu mi est essida a isúfios ◊ a issa bi pranghet su coro bidindhe cudhu chena isúfiu perunu, lanzu che corru e cun sa cara groga 2. no tengu isúfiu, a fai cosa meda ◊ si est falendhe, est a punt'a mòrrere, ma de isúfiu ndhe zughet ancora! ◊ fit un'ominedhu de pagu isúfiu Traduzioni Francese souffle, force Inglese puff, strenght Spagnolo resoplido, fuerza Italiano sbuffo, fòrza Tedesco Schauben, Kraft.

isufulàre , vrb: isulfulare Definizione èssere o istare a isúlfidas, a súlidas, a búfidos Sinonimi e contrari irbufidare, isufiare Frasi su trau comintzat a irrúilos, a marrare in terra, isufulendhe cun sas tivas de su nare Etimo srd. Traduzioni Francese souffler, haleter Inglese to puff Spagnolo resoplar Italiano sbuffare Tedesco schnauben.

rúschida , nf, nm: rúschidu, rúscida, rúscidu Definizione su sonu a sorrogu chi faet cun s'ogroena, cun sa buca e su nasu unu dormiu chi arrespirat male; assúpidu de isalenadas mannas / rúscidu de refreu = sarragadura Sinonimi e contrari corróschiu, forróschiu, sarragu, sorroscru / irbúfida, isúlfida Frasi isse lasseit sos amigos a rúschida e che esseit a pònnere mente a su trabàgliu ◊ s'intendhiant sas rúschidas de cudhos duos drommidos ◊ fit drommida a rúschida 2. su pudhedru est cadredhendhe a brincos e a rúschidos ◊ a rúscidas sos pudhedros brincant dae mata in mata (B.Truddaju) Etimo srd. Traduzioni Francese ronflement, ébrouement Inglese snore, puff Spagnolo ronquido, el bufar del caballo Italiano russaménto, sbuffo del cavallo Tedesco Schnarchen, Schnauben.

rusciàre , vrb Sinonimi e contrari roschidare, surbuschiare Frasi su cadhu si est pesadu a crabitinos ruscendhe che dimóniu Traduzioni Francese haleter, s'ébrouer, souffler Inglese to puff Spagnolo bufar Italiano sbuffare Tedesco Schnauben.

sulàda , nf Definizione su sulare; fintzes genia de súrbiu chi faent unos cantu animales coment'e arrennegaos o timendho Sinonimi e contrari isufulada, sulvilada Frasi sa pampa a dógnia sulada de bentu tzacat e cincidhat ◊ a s'anzone mortu li at dadu duas o tres suladas pro l'iscolzare menzus 2. in sos beranos, candho bigiaiant sas bachitas, sas bórridas poniant sa paura a colpos de ramuzu e a suladas Etimo srd. Traduzioni Francese souffle, ébrouement Inglese puff, snort Spagnolo soplo, bufido Italiano sóffio, sbuffata Tedesco Blasen, Schnauben.

sulvàre , vrb: surbare, surbiai, surbiare, survare, surviare Definizione bogare súlidu, fintzes súrbiu; arrespòndhere a súlidas, a ufas, cun ifadu; fintzes nàrrere cosa a ccn., unu pagu coment'e cossigiandho, osservandho, abbetiandho Sinonimi e contrari suai / ammuinai 1, fruscidare, frusiai, frusitai, moidare, múere, sulietai, surbiai, zumiai Frasi sos minores s'incrunant, ufrant sos cavanedhos e surbant supra de sa bràsia ◊ candho uchidiant su mannale a sos pitzinnos lis davant s'ambesuca a la survare ◊ su focu est tenendhe ca su ajaju cada tantu l'est surbandhe ◊ si survavat sos pódhiches cancaratos dae su fritu 2. "Priucosos irrichitos!" - mi aiat survatu in s'oricra mutzere mea ◊ "No est neche nostra si su binu fit tropu forte!" surbant sos cumpanzos Etimo ltn. *subilare Traduzioni Francese souffler Inglese to puff Spagnolo soplar Italiano soffiare Tedesco blasen.