Ditzionàriu in línia
de sa limba e de sa cultura sarda

corróschiu , nm: corróscidu Definizione sa moida, su sonu chi faet cun s'ogroena, cun sa buca e su nasu unu dormiu respirandho male Sinonimi e contrari cosconu, forróschiu, isorróschiu, rúschida, sarragu, sorrocru Frasi est drommidu a corróschios e benemindhe, paret porcu! Etimo srd. Traduzioni Francese ronflement Inglese snoring Spagnolo el roncar Italiano russaménto Tedesco Schnarchen.

coscónu , nm Definizione sa moida, su sonu chi faet cun s'ogroena, cun sa buca e su nasu unu dormiu chi respirat male Sinonimi e contrari corróschiu, forróschiu, rúschida, sarragu, sorroscru Etimo srd. Traduzioni Francese ronflement Inglese snoring Spagnolo el roncar Italiano russaménto Tedesco Schnarchen.

forróschiu, forróscu , nm Definizione sa moida, sonu, sorrogu o genia de súrbiu chi faet in su gúturu, cun sa buca e su nasu, unu dormiu chi est respirandho male Sinonimi e contrari corróschiu, cosconu, isorróschiu, rúschida, sarragu, sorroscru Frasi tziu Giuanni si nc'istrumpat in su canapei e apustis de unu paghedhu s'intendint is forroscus Traduzioni Francese ronflement Inglese snore Spagnolo ronquido Italiano russaménto Tedesco Schnarchen.

moída , nf, nm: mughida, múghida, múghita, muida, múida, muídu, múidu, múita Definizione su sonu sighiu de cosa movendho, mescamente candho est meda e po su prus ifadosu / min. moidedha; lassare sa m. a unu = lassaidhu asséliu, lassaidhu stai sentz'e dhi narri nudha Sinonimi e contrari ammuina, arremóriu, mughina, remore, triuliu Frasi sa moida de su riu, de s'abba proindhe, de su bentu, de su trenu, de sa betoniera, de sas màchinas ◊ tengu una múida a conca chi mi parit de portai una scursura de abis ◊ chin sa conca a múghitas, che moju, mesu atolondrau ses galu andhandhe (N.Trunfio)◊ sa múghida coment'e de apiarju dae largu s'intendhet meda tretu ◊ s'àghera fit prena de sas múghidas de sas campanedhas de sas berbeches 2. làssami sa moida, tantu de su chi mi ses nendhe no ndhe fato! Etimo srd. Traduzioni Francese bruit, bourdonnement, ronflement, grondement, vrombissement Inglese noise, rumble, buzzing Spagnolo ruido, zumbido, estruendo Italiano rumóre, ronzìo, rómbo Tedesco Geräusch, Lärm, Summen, Brummen, Donner.

mughína , nf Definizione genia de sonu sighiu Sinonimi e contrari arralla 1, frusa, frusinzu, istrepitzu, moida Etimo srd. Traduzioni Francese bourdonnement (di insetti, alle orecchie), ronflement (di motori) Inglese buzz Spagnolo zumbido Italiano ronzìo Tedesco Summen.

rúschida , nf, nm: rúschidu, rúscida, rúscidu Definizione su sonu a sorrogu chi faet cun s'ogroena, cun sa buca e su nasu unu dormiu chi arrespirat male; assúpidu de isalenadas mannas / rúscidu de refreu = sarragadura Sinonimi e contrari corróschiu, forróschiu, sarragu, sorroscru / irbúfida, isúlfida Frasi isse lasseit sos amigos a rúschida e che esseit a pònnere mente a su trabàgliu ◊ s'intendhiant sas rúschidas de cudhos duos drommidos ◊ fit drommida a rúschida 2. su pudhedru est cadredhendhe a brincos e a rúschidos ◊ a rúscidas sos pudhedros brincant dae mata in mata (B.Truddaju) Etimo srd. Traduzioni Francese ronflement, ébrouement Inglese snore, puff Spagnolo ronquido, el bufar del caballo Italiano russaménto, sbuffo del cavallo Tedesco Schnarchen, Schnauben.

sorrócru, sorrócu , nm: assorrocu, sorrogu, sorroxu Definizione sa moida o sonu chi faet cun s'ogroena, cun sa buca e su nasu unu dormiu chi arrespirat male; boghe grussa de male a su gúturu Sinonimi e contrari corróschiu, cosconu, forróschiu, rúschida, sarragu, sorroscru Frasi totu assonniscaos, medas si furint imbarados in is mesas e s'intendhiant a sorrogu Etimo srd. Traduzioni Francese ronflement, enrouement Inglese snoring, hoarseness Spagnolo ronquido, ronquera Italiano russaménto, raucèdine Tedesco Schnarchen, Heiserkeit.

sorróscru , nm: sorrúschiu, surrúschiu, surrúsciu Definizione sa moida o sonu chi faet cun s'ogroena, cun sa buca e su nasu unu dormiu chi arrespirat male Sinonimi e contrari corróschiu, forróschiu, isorróschiu, rúschida, sarragu, sorrocru Frasi sa mutzere fit dorminne a sorroscros Etimo srd. Traduzioni Francese ronflement Inglese snoring Spagnolo ronquido Italiano russaménto Tedesco Schnarchen.