Legenda Abbreviazioni | Legenda Simboli

afitài , vrb: afitare 1, fitare Definizione segare o fàere a fitas, segare a bículos piticos Sinonimi e contrari ifitare / amminudai, irminujare Frasi si afitat su civraxu, ca est pane russu ◊ dhi ant afitau su didu suisui ◊ at afitadu unu bellu giobu de sartitza ◊ est afitenne sartitzu a lepa Etimo itl. Traduzioni Francese découper Inglese to slice Spagnolo cortar en lonchasrebanadastajadasrodajas Italiano affettare Tedesco in Scheiben schneiden.

atíza , nf: tiza* Definizione orrughedhu a pigighedhu fine de carre morta chi s’istacat de sa pedhe Sinonimi e contrari atògia, cadassa, crosta, freadu, muga, pagiagoda, solla, tizola Traduzioni Francese tranche mince Inglese thin slice Spagnolo pizca Italiano fétta sottile Tedesco dünne Scheibe.

fíta , nf Definizione parte de calecuna cosa segada a cantos apostadamente cun aina, mescamente cosas de papare, prus che àteru grussa ma no sèmpere totu de matessi grussària: f. de pane, de casu, de petza, de mela, de síndria, de turrone o àteru (ma si narat fintzes solu po parte)/ fumu, néula (o fintzes àteru) a segare a fitas = meda, craca de parri cosa callada Sinonimi e contrari arrogu, cantu, tiza 2. in bidha sa tzíntzula addenote si bi segat a fitas Etimo itl. Traduzioni Francese tranche Inglese slice Spagnolo tajada, loncha Italiano fétta Tedesco Schnitte, Scheibe, Stück.

ispíxu , nm Definizione silibba, donniunu de is orrugos de s'aràngiu, de s'àgiu, de su mandarinu deasi comente funt ispartzios a solos; fita de calecuna cosa Sinonimi e contrari cítula, fítula, isprecu* 1, istígia, sibícua, títaba Terminologia scientifica rbr Traduzioni Francese gousse, tranche, quartier Inglese segment, slice, clove Spagnolo gajo, diente, raja, tajada Italiano spìcchio Tedesco Scheibe, Schnitz.

isprécu 1 , nm: ispricu 1, isprigu 1 Definizione donniuna de is silibbas de s'aràngiu, de s'àgiu, de su mandarinu comente funt ispartzias a solas; fita de calecuna cosa Sinonimi e contrari cítula, fítula, ispixu, istígia, sibícua, títaba / ttrs. ipíciu Frasi su pitzinnu est cun sa frebba, petzi at assazadu duos isprigos de arantzu ◊ segundhu su mànigu li deghet carchi isprigu de azu postu a fríere Etimo ltn. *spic(u)lum Traduzioni Francese quartier, gousse Inglese segment, slice Spagnolo gajo, diente, tajada Italiano spìcchio Tedesco Scheibe.

títaba, títala , nf: títua, títula 1 (sa t. = nr. sadítula) Definizione sa silibba de s'aràngiu, de s'àgiu, de su mandarinu deasi comente funt ispartzios a solos; fita de calecuna cosa; genia de tumoredhu chi essit in ghinghias e chi si faet in matéria; a logos, títala est sa tzuga o tzíntzula, su bobboedhu chi punghet Sinonimi e contrari cítula, fítula, íntzua, ispixu, istígia, sibícua, síllaba 2. po fai su giuabi me is origas de is animalis, sinnendidhus, si ndi bogat una títua ◊ a sa murxa po su pisci arrustiu dhoi ponit duas títulas de allu istrecadas ◊ una títula de mundu mi brillat ananti 3. títala de malas trassas, apostà in sete pizas de muru, ses su peus irribiu! Terminologia scientifica rbr Traduzioni Francese quartier, gousse Inglese segment, slice Spagnolo gajo (agrios), diente (ajo), raja, tajada Italiano spìcchio Tedesco Schnitz.

turràda , nf Definizione su turrare; fita de pane assada, orrostia (fintzes cun su cagiau suspiu ponendhodha in su late cagiandho) Sinonimi e contrari turradura 2. mandhigaimus sa turrada, pane fine e fitas de laldu in sa braja Terminologia scientifica mng Etimo ctl. torrada Traduzioni Francese biscotte Inglese toasted slice Spagnolo tostada Italiano fetta biscottata Tedesco Zwieback.

«« Cerca di nuovo