Ditzionàriu in línia
de sa limba e de sa cultura sarda

bandòne, bandòni, bandóu , nm: bannone, brendoni Definizione fógliu de metallu, làuna de ferru; istúgiu (botighedhu), istrégiu mannu de làuna, bidone mannu de pastore fintzes de 25. l. po pigare late / pàrrere segadu de su matessi b. = fatu de sa matessi linna, tènniri is matessi calidadis de ccn. Sinonimi e contrari bote, tambulana / lamedha Frasi de bandone faghent sas mesinas pro carrare su late 2. dh'at ghetau aintru de unu bandoni de àliga ◊ ndi at torrau a bogai discus, cardaxus, mussòrgius e bandonis ◊ bendit brendonis, sícias e màrigas ◊ apu pediu agiudu po iscarriai is bandous de su lati Terminologia scientifica stz Etimo itl. bandone Traduzioni Francese boîte Inglese can, tin Spagnolo bote, lata Italiano lattina Tedesco Dose.

bòte , nm: botu, boto Definizione istúgiu no tanti mannu (de làuna, de imbidru, prus che àteru serrau e a fundhu tundhu) po pònnere cosa; in calecunu logu dhu narant in cobertantza a sa natura de sa fémina / min. botaredhu, botedhu, botichedhu Sinonimi e contrari boeta, lamedha, potu, tolla / testu Modi di dire csn: genti de bòtu = zente metzana; èssere a cara de boto = légiu?; segai su bòtu = (in cobertantza) irverzinare a una; sonare sos botes a ccn. = leàrelu a befe faghindhe burdellu sonendhe botes; sonare su bote a ccn. = donai una surra Frasi s'olia cufetada l'amus posta in botes de bidru ◊ est unu bòtu sena de cobercu ◊ passada su serghestanu cun d-unu bòtu chi ugiat un'istampu e incui sa genti nci betada su dinai ◊ a sa britzicreta si aiat ligatu botedhos meta chi fachiant unu degógliu niedhu ◊ su botighedhu de su tzúcuru dhu tenia prenu prenu 2. cussu est una persona de riguardu e tocat a fai aici, sinuncas porit pentzai chi seus genti de bòtu ◊ malu de vista, fit a cara de boto, però si renniat simpàticu chin totu e aiat amicos meta Cognomi e Proverbi smb: Botte, Botto Terminologia scientifica stz Etimo spn. bote Traduzioni Francese boîte Inglese tin Spagnolo bote, lata Italiano baràttolo di latta Tedesco Dose.

botichédhu , nm Definizione min. de bote Sinonimi e contrari botaredhu, botuledhu, lamedhutza Traduzioni Francese petite boîte Inglese small tin Spagnolo botito Italiano barattolino Tedesco kleine Dose.

istàgnu , nm: istàngiu, istàniu, istanzu, stàngiu Definizione elementu chímicu de símbulu Sn, númeru atómicu 50 e pesu atómicu 118,7: genia de metallu de colore biancàciu, modhe, chi iscàgiat a temperadura bàscia, bonu mescamente po dh'ammesturare (es. cun s'arràmene faet su brunzu) o po carragiare àteros metallos po dhos amparare de si ossidare Frasi bi aiat una bolta vintichimbe soldadedhos de istagnu Terminologia scientifica mtl Traduzioni Francese étain Inglese tin Spagnolo estaño Italiano stagno Tedesco Zinn.

làma , nf, nm: allàmia, làmia 1, lamma, làmmia, lamu, liama Definizione pígiu fine de metallu; istrégiu fatu de materiale deasi (mescamente mannu po late, fintzes po múrghere); istrégiu largu, ladu, a costaos bàscios po còere cosa in su forru; segundhu sa ferramenta, sa parte cun s'atza Sinonimi e contrari allàinu, gliàuna, lamiera / allama, bote, bidone, lamedha, lammione, trutera / frama 1 Frasi bai e betindi cussa tassa de liama! ◊ unu bote de làmia li fachiat de fumajolu 2. mulghiat e garrigaiat su cadhu cun sas lamas de su late ◊ sos pastores beniant a casifítziu cun sas lamas de su late ◊ fuint che canes chi lis ant presu lamas a sa coa ◊ sa zente est lotendhe cun lamos de abba ca su fogu est brujendhe totu 3. amus fatu deghe lamas de biscotos Etimo itl. lama Traduzioni Francese fer-blanc, bidon Inglese tin, thin plate Spagnolo lámina, hoja, hojalata, fuente Italiano latta, làmina, téglia Tedesco Blech, Folie, Backform.

lamèdha , nf Definizione min. de lama: istrégiu, boto piticu fatu de làuna, pruschetotu de is chi ponent sigillaos e de diferente forma po chistire e bèndhere papares prontos (es. sardina) Sinonimi e contrari bote, launedha, tolla Frasi bendhent sa birra in lamedhas Terminologia scientifica stz Traduzioni Francese boîte Inglese small tin Spagnolo lata Italiano scatolétta Tedesco kleine Dose.

liànua , nf, nm: alliàuna, gliàuna, liàuna, liàuni, liàunu Definizione fógliu, pígiu fine de ferru o àteru metallu, prus che àteru istangiau; genia de istrégiu Sinonimi e contrari allàinu, lama, lamiera, làuna, olgiàuna 2. toca, aciapa su liàuni de mulli! ◊ at fatu una liàuna de drucis ◊ s'àcua fiat in su liàunu Etimo ctl. llauna Traduzioni Francese fer-blanc, bidon Inglese tin Spagnolo hojalata Italiano latta Tedesco Blech, Kanister, Dose.

stainài , vrb: istagnai*, stangiai, staniai, staniari Definizione pònnere s'istagnu (metallu) a un'istrégiu de làuna (o de àteru a istrégiu de terra) siat ca est prus sanu e siat po tupare si dhue at istampighedhos; si narat fintzes de su sàmbene chi essit de una segada, in su sensu de si firmare cagiandho, de dhu fàere firmare d'essire; nau de s'abba, abbarrare apaulada, fàere a istagnu Sinonimi e contrari tupai 2. tenit calincuna cosa po stangiai su sànguni? Traduzioni Francese étamer, vernisser Inglese to tin, to solder, to stanch, to stagnate, to glaze Spagnolo estañar, restañar, estancarse Italiano stagnare, invetriare Tedesco verzinnen, sich stauen.

stàngiu , nm: istagnu* Definizione elementu chímicu de símbulu Sn, númeru atómicu 50 e pesu atómicu 118,7: genia de metallu de colore craru, biancale, modhe, chi iscàgiat a temperadura bàscia, bonu mescamente po dh'ammesturare cun àteru metallu (es. cun s'arràmene faet su brunzu) o po istangiare àteros metallos ca dhos badrat de si ossidare; in s'arte de sa terràglia, genia de terra bianca de Làconi chi si frigat a s'istrégiu de terra po dh'istangiare Terminologia scientifica mtl Traduzioni Francese étain, engobe Inglese tin, engobe Spagnolo estaño, esmalte arcilloso con que se reviste la cerámica Italiano stagno, ingòbbio Tedesco Zinn, Angußfarbe.