Ditzionàriu in línia
de sa limba e de sa cultura sarda

àscamu , nm: òscoma Definizione genia de disgustu o gana lègia chi si provat po cosas chi no praghent Sinonimi e contrari afàstiu, aschiore, ascru, gheléstia, grisu, ischifu Frasi fit totu brutu chi ndhe faghiat s'àscamu ◊ mi faghet àscamu a manigare sa peta crua ◊ su betzu a tremulea, in dolos mannos, a fizu e nura àscamu faghiat (Chighine) Etimo srd. Traduzioni Francese dégoût Inglese disgust Spagnolo asco Italiano ribrézzo Tedesco Ekel.

àscru , nm: ascu Definizione genia de ganalègia chi benit po fragu o sabore malu; genia de sentidu contràriu a ccn. o a calecuna cosa / fai ascu = furriare s'istògomo, fàghere a ganamala Sinonimi e contrari abburrimentu, afàstiu, àscamu, ischifu / imbídia, tírria Frasi sa peta cheret bene salia chi no li andhet perunu ascru Etimo spn. asco Traduzioni Francese répugnance Inglese repugnance Spagnolo asco Italiano ripugnanza Tedesco Abscheu.

grisài 1, grisàre , vrb: crisare 1 Definizione provare ischifu, agatare una cosa de gustu deasi malu de fàere agiummai a gana mala Sinonimi e contrari abborrèschere, afeai, ascamare, aschiai, ghelestiare, ischifare, ispucire, orrèschere Frasi a fortza de ndi papai, dhu seu fintzas grisendi ◊ àcua de grifoni no ndi poneus prus mancu a coxinai, de candu dh'eus grisada ◊ su pisedhu portàt facioni, dèu dhu grisai e no ndi papai ◊ in cussa figu sicada dhui apu agatau una musca e seu papendidha grisa grisa Traduzioni Francese éprouver du dégoût Inglese to loathe Spagnolo sentir asco, repugnar Italiano schifare, aver ribrézzo Tedesco verschmähen.

ischífu , nm, agt: ischivu, schifu Definizione chi faet coment'e a gana lègia, genia de gana lègia chi si sentit po cosa chi no praghet, cosa de arrefudare Sinonimi e contrari afàstiu, àscamu, ascu, gheléstia, grisu, irgrísiu, ischefa, ischifera, schivori Frasi su corvu si detzidit a cantare fatendhe ischivu a totu sos puzones Etimo itl. Traduzioni Francese dégoût Inglese disgust (ing) Spagnolo asco Italiano schifo Tedesco Ekel.

ischivíre , vrb: schiviri Definizione tènnere àscamu, ischifu, de sa cosa Sinonimi e contrari aschiare, grisai 1, ischifare Traduzioni Francese éprouver du dégoût, refuser Inglese to loathe, to refuse Spagnolo sentir asco Italiano provare schifo, rifiutare Tedesco ekeln, nicht vertragen.

ischivítzu , nm Definizione genia de ganas lègia chi si provat po unas cantu cosas, cosa chi faet a gana lègia Sinonimi e contrari afàstiu, àscamu, ascu, gheléstia, grisu, irgrísiu, schivori Frasi custa, assumancu, est cosa bona e no bascaràmine che cussu ischivitzu de tramatas chi sunt bendhindhe! ◊ mi faghet ischivitzu ca no ndh'at fatu mai una bona! ◊ custu logu est totu ischivitzu, prenu de terpios Etimo srd. Traduzioni Francese dégoût Inglese disgust Spagnolo asco Italiano schifo Tedesco Ekel.

putzímene, putzímini , nm Definizione cosa chi faet a dha crisare Sinonimi e contrari ischifera, ischivitzúmine, putzidhia, putzina, putzinúmine, schivéntzia, schivori, schivoria / cdh. putzímini Etimo srd. Traduzioni Francese chose dégoûtante, saloperie Inglese disgusting thing Spagnolo asco, porquería Italiano schifézza Tedesco Ekelhaftigkeit.

schivòri , nm: schivóriu Definizione cosa bruta, brutore chi faet àscamu Sinonimi e contrari ischifera, schivoria / ischifu, pudémia Frasi ge mi at infradhocau… putzi, putzi, unu schivóriu aici no dh'ia biu mai! Etimo srd. Traduzioni Francese dégoût, répugnance Inglese loathsomeness Spagnolo asco, porquería Italiano schifosità Tedesco Ekelhaftigkeit, Widerlichkeit.

schivoría , nf Definizione cosa chi faet crisu, de crisare / schivoria de bòi = merdaula Sinonimi e contrari ischifera, putzidhia, putzímene, putzinosia, schivéntzia, schivori Frasi custa citadi est una schivoria, est lómpia a s'úrtimu arrematu de su bellu ◊ candu femu in bidha mia papamu píbiri e ganella, immoi ca seu in bidha allena papu dónnia schivoria Etimo srd. Traduzioni Francese dégoût, répugnance Inglese disgusting thing Spagnolo asco, porquería Italiano schifézza Tedesco Ekelhaftigkeit.