Ditzionàriu in línia
de sa limba e de sa cultura sarda

arratròxa , nf: arretroxa, arrutorza, arrutroxa, irrutorja, orrudòrgia, rutolza, urrutorza Definizione istrampada, calada a terra a cropu, forte, nau prus che àteru de gente Sinonimi e contrari addràbbulu, arruta, bótiu, ijonada, irdobboinada, iscartinada, iscorjada, issonco, istrampada, trabintada Modi di dire csn: donai un'arrutroxa a conca in bàsciu, a faci in terra, a paneri in terra = rúere a cúcuru ficadu, a buca a terra, a culu in terra; s'arretroxa de sa morti = ruta mala chi che ponet in sa fossa un'antzianu Frasi s’est posta a arriri biendi is arratroxas de is àterus ◊ fuant arretroxas a dógnia passu ◊ prus in artu andat e prus manna at a èssi s'arrutroxa a terra! ◊ at tentu un'arrutorza mala de s'àinu Etimo srd. Traduzioni Francese chute Inglese fall Spagnolo caída Italiano caduta Tedesco Fall, Sturz.

arrumbiàda , nf: arrumbulada Definizione orruta a orrumbuladura Etimo srd. Traduzioni Francese roulade Inglese tumble Spagnolo caída Italiano rotolóne Tedesco Sturz.

bortulàda , nf Definizione su bortulare Sinonimi e contrari arrumbulada, bórtule, lodhurada Etimo srd. Traduzioni Francese dégringolade Inglese tumble Spagnolo caída Italiano ruzzolata Tedesco Rollen, Kollern.

bórtule, bórtulu , nm: vórtulu Definizione movimentu fatu a orrumbuladura, a furriadura Sinonimi e contrari arrúmbiu, arrumbulada, bortulada, lúdhuru, tróulu, rúmbulu / abbolotu, morrugnu Modi di dire csn: leare una cosa a b. = arrumbulendi; pònnere su logu in b. = pònniri a tréulu Frasi a bórtulu a bórtulu, mancari pesosu meda, cussu truncu ndhe l'apo acurtziadu ◊ millu, mih, a bórtulu in terra, s’àinu!◊ candho no poto drommire isto a bórtulu fintzas chi abbreschet 2. pro no ndhe pesare àteru bórtulu, fateit crere a sa muzere chi faghiat comente cheriat issa Etimo srd. Traduzioni Francese dégringolade Inglese heavy-fall Spagnolo caída Italiano rùzzolo Tedesco Sturz.

issònco , nm Definizione orrutòrgia, istrampada mala / giare un'i. = arrúiri, donai un'arrutroxa Sinonimi e contrari iscartinada, orrudòrgia Traduzioni Francese chute, dégringolade Inglese tumble Spagnolo caída, revolcón Italiano ruzzolóne Tedesco Fall, Sturz.

istrampàda , nf: istrempata, istrumpada, strumpada Definizione orrutòrgia mala a terra, de artu e a cropu; fintzes betada a terra fata apostadamente (a giogu); cropu forte, atzapulada a ccn. logu Sinonimi e contrari addràbbulu, addrobbulada, arratroxa, arruta, ijonada, irdobboinada, iscorjada, isdobbinada, istràmpida, sciotada / cdh. strampata / istrumpa / atapada Modi di dire csn: giogare, gherrare a istrampadas = giogai, gherrai a istrumpas; fàghere o pònnere cosa a istrumpada = a istràmpidu Frasi a s'umbra tua t'irroches fatendhe deo s'abbaidada… dias un'istrampada chi da'inie no ti toches! ◊ s'istrampada chi damus nos bàrriat de fangu ◊ est camminandhe a piotu a piotu pro no dare carchi istrampada 2. fint giogos de gioventude, a ghintadas e a s'istrampada, pro bogare balentia ◊ su fiascu no lu ponzas a istrumpada, ca est fridu! 3. su barconitu fit totu iscancaredhatu dae sas istrempatas de su ventu Etimo srd. Traduzioni Francese chute Inglese heavy fall Spagnolo caída, desplome Italiano stramazzata Tedesco Fall.

rúta , nf: arruta, irruta Definizione su orrúere, su calare a terra a cropu de cosa istrantagiada o posta in artu, fintzes su fàere male po no tènnere sa fortza o coràgiu de si ndh'istare, de padire, agguantare Sinonimi e contrari arratroxa, istrampada Modi di dire csn: àerendhe sa ruta ei su tzurumbone, sa r. e sa trajinada = su dannu e su zúdigu, su dannu e sa befe, unu male subra de s'àteru; ruta de cadhu, de àinu = ruta, istrampada dae cadhu, dae subra s'àinu Frasi onzi passu una ruta e onzi ruta un'órchidu ◊ a sa ruta at fertu su bruncu ◊ in su paris l'assurtit una ruta e si truncat una cossa ◊ ruta e recaida 2. est mortu dae una ruta de cadhu Etimo srd. Traduzioni Francese chute, écroulement Inglese collapse Spagnolo caída, derrumbamiento Italiano caduta, cròllo Tedesco Fall, Sturz.

scartinàda , nf: iscartinada* Definizione orruta mala a terra, a forte, a cropu Sinonimi e contrari arratroxa, irdobboinada, ischintogliata, tzapuada Frasi càstia ita scartinada, po curpa de una saboga!… Traduzioni Francese chute Inglese fall Spagnolo caída Italiano cascata, caduta Tedesco Fall, Sturz.

trabintàda , nf Definizione orruta mala Sinonimi e contrari arratroxa, iscartinada, iscorjada, istrampada Traduzioni Francese culbute, dégringolade Inglese big tumble Spagnolo caída Italiano tombolóne Tedesco schwerer Sturz.