Legenda Abbreviazioni | Legenda Simboli

arrabbiósu , agt: arrabiosu, rabiosu Definizione chi si arràbbiat luego, chi no bàliat nudha; chi portat su rajolu; fintzes airau in su bonu Sinonimi e contrari arragonosu, arrenignosu, bischiliosu, bizarrosu, buzarrosu, croconosu, febosu, felorosu, físchidu, imbischigliau, ragiosu, stacosu, sutzuliu, venenadu Modi di dire csn: ossu arrabiosu, o ossu de su rasorju, de su resóliu, de su rajosu, de su ragiolu = su ragiosu, s'ossu de s'annugradorzu tra su cambutzu e su carcanzu; cani arrabiosu = arrajoladu Frasi ses istétia sempri aresti e arrabiosa! ◊ fiat una maistedha pitichedha ma arrabiosa 2. as biu cussa copiedha? basendusí ananti nostu… sa fémmina pariat prus arrabiosa de s'ómini! Etimo itl. Traduzioni Francese furieux Inglese rabid Spagnolo rabioso Italiano rabbióso Tedesco zornig, tollwütig.

arragiolàdu , agt: arrajolau Definizione chi portat s'arrajolu Sinonimi e contrari arragiolidu Frasi apenas chi sas palas at giradu, Sant'Antoni! ndhe trímulo che canna: pariat unu cane arragioladu! Etimo srd. Traduzioni Francese furieux, enragé Inglese rabid Spagnolo rabioso, hudrófobo Italiano rabbióso, idròfobo Tedesco tollwütig, wasserscheu.

arragiolídu , pps, agt: arrajolidu, arraxulidu Definizione de arragiolire; chi est arrennegau meda Sinonimi e contrari arragioladu, infeliu 2. manu arrajolida e incainada, semenadora de fele! ◊ andhat a li pònnere sa manu in palas pro lu cufortare e si li girat che cane arraxulidu Traduzioni Francese furieux Inglese rabid, furious Spagnolo rabioso Italiano rabbióso Tedesco tollwütig.

buzarrósu , agt Definizione chi portat o chi tenet búzara Sinonimi e contrari arrabbiosu, arragonosu, arrenignosu, bischiliosu, bizarrosu, croconosu, febosu, físchidu, imbischigliau, stacosu, sutzuliu, venenadu Etimo srd. Traduzioni Francese furieux Inglese furious Spagnolo rabioso Italiano rabbióso Tedesco zornig.

físchidu , agt: físchiru Definizione chi si ndhe sentit luego de una cosa, de un'ofesa, de una brulla, chi si dha pigat, chi si che artzat deretu, chi no padit perunu ifadu, arrespondhet cun tzacu po dónnia cosighedha Sinonimi e contrari cdh. futaritzu / aumbraditu / primmósigu / ttrs. ipuntósigu | ctr. pascenscile Modi di dire csn: f. a is chirighitas = chi timet su chirighiri; èssiri f. in dogna cosa = malu a cuntentare; f. che damigiana iscannia = chi no faghet a li nàrrere nudha, chi no agguantat brulla peruna Frasi su cuadhu est físchidu a s'isproni ◊ est ómini físchidu, guai a dhi narri s'annomíngiu ca s'inchietat ◊ sa picioca fut aici físchida chi bastàt un'ogu de soli po dha fai intèndiri mali ◊ cussas duas funt tropu físchiras, faint tocaras e segaras! 2. fit lassendhe su cuile in fogu e braja e bochindhe cun físchidu furore su serenu montarzu (S.Lay Deidda)◊ est in debbadas chi ponzemus canes físchidos a ispàrghere pauria ◊ movídebbos che físchidu uraganu! Etimo spn. físico Traduzioni Francese sensible, irascible, furieux Inglese sensible, irascible, furious Spagnolo sensible, irascible Italiano sensìbile, irascìbile, rabbióso Tedesco empfindlich, reizbar, zornig.

venenàdu , agt: felenadu, fenenadu, verenau Definizione chi portat velenu; nau de ccn., chi est male arrennegau, meda, dispràxiu meda, agiummai coment'e chi portet velenu / àcua verenada = avelenada Sinonimi e contrari arrabbiosu, arragonosu, arrenignosu, bischiliosu, buzarrosu, febosu, felorosu, físchidu, infelloniu Frasi e si atentu no pones los bides istesiados, prite as rajos venenados 2. iat inténdiu unu tzérriu légiu, longu, verenau ◊ mi parit de intendi dí e noti isceti passus de genti verenada, passus de genti chentza de alligria Etimo srd. Traduzioni Francese exaspéré, furieux Inglese furious Spagnolo enconado, encolerizado Italiano invelenito, rabbióso Tedesco erbittert, zornig.

«« Cerca di nuovo