Ditzionàriu in línia
de sa limba e de sa cultura sarda

abruràu , agt Definizione chi est male arrennegau, agiagarau Sinonimi e contrari inchietu, nechidau Frasi in s'oru de sa robba abrurada dhui at agatau is barrucellus Traduzioni Francese furibond Inglese furious Spagnolo furioso Italiano furènte Tedesco wütend.

aorcàdu , pps, agt Definizione de aorcare; chi est male arrennegau, inchietu meda Sinonimi e contrari arregirau, intzividu Frasi mi as miradu a camugorru timendhe sa cara mia aoscrada ◊ su ràngulu ndh'etesi dai tronu e su chi aporat ànimu aorcadu (Ruju) Traduzioni Francese furibond Inglese furious Spagnolo furioso Italiano furibóndo Tedesco zornig.

arragiolídu , pps, agt: arrajolidu, arraxulidu Definizione de arragiolire; chi est arrennegau meda Sinonimi e contrari arragioladu, infeliu 2. manu arrajolida e incainada, semenadora de fele! ◊ andhat a li pònnere sa manu in palas pro lu cufortare e si li girat che cane arraxulidu Traduzioni Francese furieux Inglese rabid, furious Spagnolo rabioso Italiano rabbióso Tedesco tollwütig.

arregiràu , agt Definizione chi est arrennegau meda Sinonimi e contrari aorcadu, inchietu, intzividu | ctr. chetu, cuntentu Traduzioni Francese furibond Inglese furious Spagnolo furioso Italiano furibóndo Tedesco wütend.

buzarrósu , agt Definizione chi portat o chi tenet búzara Sinonimi e contrari arrabbiosu, arragonosu, arrenignosu, bischiliosu, bizarrosu, croconosu, febosu, físchidu, imbischigliau, stacosu, sutzuliu, venenadu Etimo srd. Traduzioni Francese furieux Inglese furious Spagnolo rabioso Italiano rabbióso Tedesco zornig.

físchidu , agt: físchiru Definizione chi si ndhe sentit luego de una cosa, de un'ofesa, de una brulla, chi si dha pigat, chi si che artzat deretu, chi no padit perunu ifadu, arrespondhet cun tzacu po dónnia cosighedha Sinonimi e contrari cdh. futaritzu / aumbraditu / primmósigu / ttrs. ipuntósigu | ctr. pascenscile Modi di dire csn: f. a is chirighitas = chi timet su chirighiri; èssiri f. in dogna cosa = malu a cuntentare; f. che damigiana iscannia = chi no faghet a li nàrrere nudha, chi no agguantat brulla peruna Frasi su cuadhu est físchidu a s'isproni ◊ est ómini físchidu, guai a dhi narri s'annomíngiu ca s'inchietat ◊ sa picioca fut aici físchida chi bastàt un'ogu de soli po dha fai intèndiri mali ◊ cussas duas funt tropu físchiras, faint tocaras e segaras! 2. fit lassendhe su cuile in fogu e braja e bochindhe cun físchidu furore su serenu montarzu (S.Lay Deidda)◊ est in debbadas chi ponzemus canes físchidos a ispàrghere pauria ◊ movídebbos che físchidu uraganu! Etimo spn. físico Traduzioni Francese sensible, irascible, furieux Inglese sensible, irascible, furious Spagnolo sensible, irascible Italiano sensìbile, irascìbile, rabbióso Tedesco empfindlich, reizbar, zornig.

furiànu , agt Sinonimi e contrari focosu, fuliosu Frasi cadhu furianu, ducale cursu! ◊ fia timindhe un'atacu furianu chi podiat arribbare a s’ispessada Traduzioni Francese furieux Inglese furious Spagnolo furioso Italiano furióso Tedesco wütend.

indiaulàu , pps, agt: intiobau Definizione de indiaulare; chi che dhi at intrau dimónios, chi giughet dimónios Sinonimi e contrari abbundhoradu, acrabinadu, assurviladu, foraldómine, incóglidu, indemoniadu, spiridau 2. ita est custa pena, fémina chi andas a passu intiobau?! (G.P.Salaris) Traduzioni Francese démoniaque Inglese furious Spagnolo endemoniado Italiano indiavolato Tedesco besessen.

infelloníri , vrb rfl: infelonire Definizione pigare fele, arrennegu meda, a s'airada, su si fàere a una píbera de s'arrennegu Sinonimi e contrari afelonare, imbirdinare, infelai, infellonai, trenesci Frasi si fuant infellonius ancora de prus e dhus boliant cundennai a morti ◊ s'infeloniat e sa mente sua no ischiat decídere su comente ◊ abarrit calmu ca no serbit chi s'infelonit! Traduzioni Francese devenir furieux Inglese to become furious Spagnolo enfurecerse Italiano inviperirsi Tedesco sich erbosen.

infelloníu , pps, agt Definizione de infelloniri; chi si at leau arrennegu meda Sinonimi e contrari arrennegadu, febosu, inferenau, venenadu Frasi acatendisí chi dh'iant collunau si fut infelloniu 2. su meri fut totu infelloniu ca a sa coja no dhoi fiat andau nemus Traduzioni Francese furieux, indigné Inglese become furious, irritated Spagnolo enfurecido Italiano inviperito, sdegnato Tedesco erbost, entrüstet.

sufúriu , agt Definizione nau de ccn., chi tenet una manera de fàere sèmpere arrennegada, airada, lestra meda Sinonimi e contrari airadore, airósigu, arrabbiaditu, arrennegaditu, calabriosu, inchietosu, tràchidhu, tzacosu | ctr. pascenscile Frasi semper issu est, sufúriu e a lesorja tirada prontu a púnghere! (L.Farina) Etimo srd. Traduzioni Francese furieux, irascible Inglese furious, nervy Spagnolo furioso, iracundo Italiano furióso, iracóndo, nevrastènico Tedesco wütig, jähzornig, neurasthenisch.

venenàdu , agt: felenadu, fenenadu, verenau Definizione chi portat velenu; nau de ccn., chi est male arrennegau, meda, dispràxiu meda, agiummai coment'e chi portet velenu / àcua verenada = avelenada Sinonimi e contrari arrabbiosu, arragonosu, arrenignosu, bischiliosu, buzarrosu, febosu, felorosu, físchidu, infelloniu Frasi e si atentu no pones los bides istesiados, prite as rajos venenados 2. iat inténdiu unu tzérriu légiu, longu, verenau ◊ mi parit de intendi dí e noti isceti passus de genti verenada, passus de genti chentza de alligria Etimo srd. Traduzioni Francese exaspéré, furieux Inglese furious Spagnolo enconado, encolerizado Italiano invelenito, rabbióso Tedesco erbittert, zornig.