Legenda Abbreviazioni | Legenda Simboli

imbràtu , nm Definizione unu tanti pitichedhu, unu pagu de cosa, fintzes orrugu Sinonimi e contrari pimpiredhu, pimpirida, podhicada / arrogu, bículu, tancu Frasi no si bidet istedhu e ne imbratu de luna (G.Piga)◊ semus un'imbratu de prúghere e de chisina ◊ mancu imbratu de lucore si biet in s'iforru de sa note ◊ connoschent un'imbratu de s'istória ◊ pro cundhire su fenúciu servit un'imbratu de casu friscu fratau Etimo itl. imbratto Traduzioni Francese pincée Inglese pinch Spagnolo pizca Italiano pìzzico Tedesco Kniff.

irbírgu , nm: irvirgu Definizione cosa chi si faet unu pagu a ingéniu e a ingannu, a bisura de iscusa / imbentare, bocare irbirgos = bogare iscusas Sinonimi e contrari estremagiogu, imbentu, ispediente, trastamèngia, troca Frasi carchi irbirgu tocat puru de bocare pro campare ◊ sos ricos irfundhaos no ischint s'irbirgu de bocare ◊ sa sorte bocat irbirgos de cada zenia ◊ ant bocau a campu milli irbirgos pro rèndhere sa bida prus a códomu ◊ su traballu de s'onorèvole fit fàtzile: bastabat de bocare s'irbirgu de si mantènnere sa cadira ◊ l'at collonau chin d-un'irbirgu ◊ at contau sa beridade ca no podiat imbentare carchi irbirgu Traduzioni Francese stratagème, subterfuge, expédient Inglese stratagem Spagnolo escapatoria Italiano stratagèmma, sotterfùgio, espediènte Tedesco List, Kniff.

scapadóriu , nm Definizione genia de arreghèscia o de manígiu po s'iscabbúllere de ccn. cosa Sinonimi e contrari inghénia, iscampadorju Traduzioni Francese subterfuge Inglese subterfuge Spagnolo escapatoria Italiano sotterfùgio Tedesco Ausrede, Kniff.

spíciu , nm: ispítzulu, spitzu, spíssulu, spítzulu Definizione istrinta chi si giaet cun sa punta de duos pódhighes a sa carre, cropu de bicu chi giaent is pigiones, genia de puntura (o fintzes de mossighedhu) chi faent is bobbois; biculedhu piticu o apenas de cosa chi si segat o si pigat cun sa punta de is pódhighes, parte pitica de calecuna cosa / min. spitzulitu Sinonimi e contrari bicada, pítiche 1, puntura / arroghedhu, pimpirina, piticada, pítzolu Modi di dire csn: basai a spítzulus = basare muntenindhe s'àteru a càvanos cun sos pódhighes; fai sa cosa a spitzuledhu a spitzuledhu, a spítzulus e a móssius = a pagu a pagu, a arrogus e a mússius; consumai sa cosa a spitzuledhu = a retentu, a pagu a pagu, a régula Frasi comenti si curat su spítzulu de s'àrgia? ◊ unu spitzu de carroga si minescit, e no unu spitzu de babballoti! ◊ su spítzulu de s'àrgia fait bènni iscimíngius de conca e malacaducu ◊ seu totu a alluinadura de ogus e a spitzus a brenti 2. cussu frori s'est sicau totu: no ndi at abarrau mancu unu spíciu! ◊ cussus no funt bonus a trabballai unu spitzu de bíngia! Etimo srd. Traduzioni Francese pincée, coup de bec Inglese pinch, bite Spagnolo pellizco, picotazo Italiano pízzico, beccata Tedesco Kniff, Schnabelhieb.

spitzulítu , nm Definizione min. de spítzulu, ispítzulu etotu Sinonimi e contrari pítiche 1, pitiliche Frasi at pigau is piciocas a spitzulitus Traduzioni Francese pinçon Inglese pinch Spagnolo pellizco Italiano pizzicòtto Tedesco Kniff.

«« Cerca di nuovo