Ditzionàriu in línia
de sa limba e de sa cultura sarda

cúra , nf Definizione su chi si faet po sanare una maladia o unu css. male, mescamente sa meighina chi si leat; incuru, contivígiu o pentzamentu po calecuna cosa Sinonimi e contrari medichina / atenscione Modi di dire csn: fàghere sa cura de sa ua, de su sole, de su mare, e gai; giare a cura a unu, una cosa = tènnere contu Frasi si che fint inserrados in cantina ca sa meighina de su binu fit crétida sa cura! ◊ est unu male chi no bi at cura 2. est unu picioconi sanu e inconconiu, ma, chi no donat cura, is féminas dhu torrant a s'ossu ◊ a piciochedhu fut a giare a cura una craba Etimo ltn. cura Traduzioni Francese traitement Inglese care, cure Spagnolo cura, cuidado Italiano cura Tedesco Kur, Behandlung.

medicaméntu , nm: meigamentu Definizione su chi si faet po agiudare a sanare unu male, prus che àteru in su sensu de pònnere o frigare meighina, badrare o amparare un'arremu malàidu cun calecuna cosa Sinonimi e contrari cura, medicadura, meiconzu, meigascione Frasi ses s'únicu medicamentu de feridas nostras e males ◊ cussa est cosa bona pro meigamentu Traduzioni Francese médicament Inglese medicament Spagnolo medicación, cura Italiano medicaménto Tedesco Kur.

meicónzu , nm Definizione su giare, pònnere o fàere sa meighina po curare calecuna cosa Sinonimi e contrari ammexinadura, medicadura, medicamentu, meigascione, meighinonzu Etimo srd. Traduzioni Francese médicament Inglese medication Spagnolo medicación Italiano medicaménto Tedesco Behandlung, Kur.

meighinadúra , nf: ammexinadura* Definizione su meighinare, su fàere o pònnere meighina a calecunu male o maladia, o a calecuna cosa fintzes po no pigare maladia Sinonimi e contrari meiconzu, medicadura, medicamentu, meighinada Frasi sa meighinadura chi li amus fatu, a sa binza, no l'at lassada irmalaidare Traduzioni Francese traitement, cure Inglese cure Spagnolo cura, tratamiento Italiano cura, trattaménto Tedesco Behandlung, Kur.