Legenda Incurtzaduras | Legenda Sìmbulos

cúra , nf Definitzione su chi si faet po sanare una maladia o unu css. male, mescamente sa meighina chi si leat; incuru, contivígiu o pentzamentu po calecuna cosa Sinònimos e contràrios medichina / atenscione Maneras de nàrrere csn: fàghere sa cura de sa ua, de su sole, de su mare, e gai; giare a cura a unu, una cosa = tènnere contu Frases si che fint inserrados in cantina ca sa meighina de su binu fit crétida sa cura! ◊ est unu male chi no bi at cura 2. est unu picioconi sanu e inconconiu, ma, chi no donat cura, is féminas dhu torrant a s'ossu ◊ a piciochedhu fut a giare a cura una craba Ètimu ltn. cura Tradutziones Frantzesu traitement Ingresu care, cure Ispagnolu cura, cuidado Italianu cura Tedescu Kur, Behandlung.

medicaméntu , nm: meigamentu Definitzione su chi si faet po agiudare a sanare unu male, prus che àteru in su sensu de pònnere o frigare meighina, badrare o amparare un'arremu malàidu cun calecuna cosa Sinònimos e contràrios cura, medicadura, meiconzu, meigascione Frases ses s'únicu medicamentu de feridas nostras e males ◊ cussa est cosa bona pro meigamentu Tradutziones Frantzesu médicament Ingresu medicament Ispagnolu medicación, cura Italianu medicaménto Tedescu Kur.

meicónzu , nm Definitzione su giare, pònnere o fàere sa meighina po curare calecuna cosa Sinònimos e contràrios ammexinadura, medicadura, medicamentu, meigascione, meighinonzu Ètimu srd. Tradutziones Frantzesu médicament Ingresu medication Ispagnolu medicación Italianu medicaménto Tedescu Behandlung, Kur.

meighinadúra , nf: ammexinadura* Definitzione su meighinare, su fàere o pònnere meighina a calecunu male o maladia, o a calecuna cosa fintzes po no pigare maladia Sinònimos e contràrios meiconzu, medicadura, medicamentu, meighinada Frases sa meighinadura chi li amus fatu, a sa binza, no l'at lassada irmalaidare Tradutziones Frantzesu traitement, cure Ingresu cure Ispagnolu cura, tratamiento Italianu cura, trattaménto Tedescu Behandlung, Kur.

«« Torra a chircare