Ditzionàriu in línia
de sa limba e de sa cultura sarda

arratòri , nm: arretore, arretori, retore* Definizione babbai retore, su preide chi contivígiat is cristianos chi faent fúrriu a una crésia, a una parróchia Sinonimi e contrari vicàriu Frasi s'arretori iat fatu una bella prédica in mesu sa missa ◊ bosi dhu potzo nàrrere ca seis arretores cojaos ◊ custu pecau non ti dhu perdonat s'arretore Terminologia scientifica prf Traduzioni Francese curé Inglese parson Spagnolo cura, párroco Italiano pàrroco Tedesco Pfarrer.

cúra , nf Definizione su chi si faet po sanare una maladia o unu css. male, mescamente sa meighina chi si leat; incuru, contivígiu o pentzamentu po calecuna cosa Sinonimi e contrari medichina / atenscione Modi di dire csn: fàghere sa cura de sa ua, de su sole, de su mare, e gai; giare a cura a unu, una cosa = tènnere contu Frasi si che fint inserrados in cantina ca sa meighina de su binu fit crétida sa cura! ◊ est unu male chi no bi at cura 2. est unu picioconi sanu e inconconiu, ma, chi no donat cura, is féminas dhu torrant a s'ossu ◊ a piciochedhu fut a giare a cura una craba Etimo ltn. cura Traduzioni Francese traitement Inglese care, cure Spagnolo cura, cuidado Italiano cura Tedesco Kur, Behandlung.

medicaméntu , nm: meigamentu Definizione su chi si faet po agiudare a sanare unu male, prus che àteru in su sensu de pònnere o frigare meighina, badrare o amparare un'arremu malàidu cun calecuna cosa Sinonimi e contrari cura, medicadura, meiconzu, meigascione Frasi ses s'únicu medicamentu de feridas nostras e males ◊ cussa est cosa bona pro meigamentu Traduzioni Francese médicament Inglese medicament Spagnolo medicación, cura Italiano medicaménto Tedesco Kur.

meighinadúra , nf: ammexinadura* Definizione su meighinare, su fàere o pònnere meighina a calecunu male o maladia, o a calecuna cosa fintzes po no pigare maladia Sinonimi e contrari meiconzu, medicadura, medicamentu, meighinada Frasi sa meighinadura chi li amus fatu, a sa binza, no l'at lassada irmalaidare Traduzioni Francese traitement, cure Inglese cure Spagnolo cura, tratamiento Italiano cura, trattaménto Tedesco Behandlung, Kur.

pàra , nm Definizione ómine chi si cunsacrat totu a Deus cun calecunu órdine o istitutu religiosu; genia de tzuga manna (dha narant fintzes p. de s'àcua, de s'arriu)/ min. parighedhu, paritedhu; para de cica = padre chircante; parixedhu = una zenia de pane (e fintzas sa títula manna de riu); p. marinu = zenia de animaledhu de mare a corza tosta (aplysia); capedhu ’e para = zenia de antunna (Macrolepiota procera, itl. mazza di tamburo) Sinonimi e contrari padre / parapunta, preidedhu Frasi custus fiant tres paras de missa e unu legu ◊ lessit istai is mòngias e is paras circantis ◊ a trassa de para, fiat fadendi s'angioni, su marxani ◊ sa mòngia ponit sa mígia a su para e su para ponit sa mígia a sa mòngia… Etimo ctl. pare Traduzioni Francese moine, religieux Inglese friar, monk, religious Spagnolo cura, fraile Italiano frate, religióso Tedesco Mönch, Ordensbruder.

peíderu, peídre, peídru , nm: píderu, praidi, preídaru, preídelu, preíderu, preidu, preíteru, príderu, prídidu, prídiru, príteru Definizione ómine chi in sa religione católica si cunsacrat a Deus e arrecit su sacramentu de s'órdine e su cumandhu de su píscamu, amministrat unos cantu sacramentos, narat sa Missa e contivígiat (po su prus) una parróchia / min. preideredhu Sinonimi e contrari prede, prídile Modi di dire csn: preíderu so e missa canto = dèu fatzu su chi mi anti postu a fai, custu est su doveri miu e donniunu si arrangit!; p. isconciau, isciusciau = chi no fait prus su predi; ancu li faedhent su peíderu! (frastimu) = ancu siat gravi morendusí de dhi depi tzerriai su predi! Frasi chéjia minore, ma bi ant unu bonu peíderu ◊ bi fit su pride chin su zacanedhu armau de pualedhu prenu de abbasanta ◊ su pride at batizau sas criaduras ◊ unu preide no depet crere a is lucuras ◊ tiu Bachis a pisedhu si che fit andhendhe a preíderu 2. castiai, dèu ni predi seu e ni missa cantu! Terminologia scientifica prdc Etimo ltn. praebyter Traduzioni Francese prêtre Inglese priest Spagnolo cura, sacerdote Italiano prète, sacerdòte Tedesco Priester.

prebbànu , nm: probanu Definizione su preide arretore de una bidha Sinonimi e contrari arratori, frebbanu, vicàriu Frasi sos contos de custu probanu de sos Lodeinos fint sos matessi de Mussingallone Etimo itl. Traduzioni Francese curé Inglese parish priest Spagnolo cura, párroco Italiano pievano Tedesco Pfarrer.

prède , nm: predi, prédie, préide, préidi, préire, preri, pride Definizione ómine chi in sa religione católica si cunsacrat a Deus e arrecit su sacramentu (de s'órdine) e su cumandhu de su píscamu, amministrat unos cantu sacramentos, narat sa Missa e contivígiat (po su prus) una parróchia / min. preidedhu Sinonimi e contrari peíderu Modi di dire csn: andai o bènniri a ispollai su predi = andhare a cosa fata, bènnere a úrtimu, candho est totu agabbadu (candu su predi est ispollendusí ca at acabbau sa Missa) Frasi pride Tica at fatu sa préica ◊ non c'est che su predi po ndi bogai càbudu a dónnia cosa ◊ issu est predi ma dèu dhi fatzu una brulla de para! ◊ su predi fiat unu grandu predicadori ◊ menzus a tímede a su préide chi no a su crabbineri! ◊ ite ndhe at a ischire unu predi de sas féminas? ◊ sunt istudiandhe su fizu minore a pride Terminologia scientifica prdc Etimo itl. preite Traduzioni Francese prêtre Inglese priest Spagnolo cura, sacerdote Italiano prète, sacerdòte Tedesco Priester.

predischédhuru , nm Definizione preideredhu, preide giòvono Sinonimi e contrari Etimo srd. Traduzioni Francese jeune prêtre Inglese young priest Spagnolo cura joven Italiano pretino Tedesco junger Priester.

retòre, retòri , nm: arratori, letore Definizione preide chi contivígiat, atendhet o guvernat sa crésia locale, is cristianos chi faent fúrriu a una parróchia; professore cun incàrrigu de amministrare una universidade Sinonimi e contrari vicàriu / ttrs. ritori Frasi si agato su retore in sagristia fato sa cunfessione ◊ su retore cun àteros preíderos ant aggantzadu su libbru po fàghere fuire su diàulu ◊ iscultant sa préiga de babbai retore Terminologia scientifica prdc Etimo ctl., spn. rector Traduzioni Francese curé Inglese parson, rector Spagnolo cura, párroco, tb rector, rector Italiano pàrroco Tedesco Pfarrer.

sanaméntu , nm Definizione su sanare Sinonimi e contrari sanadura, sanonzu Frasi a su costau dhi pighit una punta chi no ndi tengat sanamentu mai! ◊ cussu mali est sentza de sanamentu ◊ si est postu in letu malàidu e no ndhe at tentu sanamentu mai prus! Etimo srd, Traduzioni Francese guérison Inglese recovery Spagnolo cura, curación Italiano guarigióne Tedesco Heilung.