Legenda Abbreviazioni | Legenda Simboli

cadiàna , nf Definizione genia de ispaitu fine o codriola, forte Frasi sa cadianedha de sa bússia fit totu nodos, segada e torrada a annúnghere Traduzioni Francese lacet, extra-fort Inglese lace Spagnolo lazo, cordón Italiano làccio, fettùccia Tedesco Schnur.

codriòla , nf, nm: coldiola, coldiolu, cordiola, cordiolu Definizione genia de funighedha fine, mescamente sa chi si ponet a sa bardúfola; su pl. is cordiolus funt is istentinas Sinonimi e contrari balentinu, cannabitu, cordedha, cordigliola, filadissa, funedhu, grosseru, ispaitu, lentzinu, músciu, presógliu, toroneu, tzunghedhu Modi di dire csn: segamentu de cordiolas, de cordiolus = segamentu de matza; istríngiri is cordiolas a unu = istàreli ifatu, custrínghere a fàghere carchi cosa; cordiolu de… (css. cosa)= filera, sia de… Frasi piga su coldiolu po acapiare su cane!◊ teniat su cannitzu apicau cun bàtoro cordiolas 2. ndi tengu de segamentus de conca e de cordiolas in su trabballu!…◊ sa primu persona chi benit a mi segai is cordiolus mi depit timi! 3. sa mastra aviat torrau a lèghere cussu cordiolu de lúmenes ◊ de contos ndhe isciat cadaune unu cordiolu e una parte l'amus contada Etimo itl. corda Traduzioni Francese ganse, cordonnet Inglese cord Spagnolo cordel Italiano cordellina, cordoncino Tedesco dünne Schnur.

coldòne , nm: cordone, cordoni Definizione genia de codriola, grussita o fine, segundhu ite; oru longu, chi essit in calecunu muru, ischina o ischinale de teulada Sinonimi e contrari cordozu 1, turrutu Modi di dire csn: c. de muru, de muneda; c. de arretza = aundi si atacant is gamus; c. de para = su cordone chi sos padres zughent imboligadu presu in chitu, subra de s'àbbidu; c. de su butone = saita, itl. funìcolo spermàtico; c. de s'imbíligu o de bídhiu = saita, itl. cordóne ombelicale Frasi su predi, acabbada sa missa, inghitzat a s'iscapiai su cordoni de chintzu ◊ sa maista de partu at segau su cordone de s'imbíligu a su pipiu candho est naschiu Cognomi e Proverbi smb: Cordone, Cordoni Etimo itl. Traduzioni Francese cordon Inglese string Spagnolo cordón Italiano cordóne Tedesco Schnur.

cordèdha , nf Definizione genia de funighedha fine / erba de cordedha = nerviada 1 (Plantago lanceolata) Sinonimi e contrari balentinu, cannabitu, cordigliola, filadissa, funedhu, ispaitu, músciu, presógliu, toroneu, trilla, túmixi, tzunghedhu / cdh. culdedha Cognomi e Proverbi smb: Cordedda Traduzioni Francese cordelette, ficelle Inglese small string Spagnolo cordel Italiano cordicèlla Tedesco dünne Schnur.

funédhu , nm Definizione funighedha finivini po acapiare cosa Sinonimi e contrari balentinu, cannabitu, cordedha, filadissa, ispaitu, músciu, toroneu, tzunghedhu Frasi a funedhu si prendhet sa buca de sos sacos Traduzioni Francese cordelette Inglese cord Spagnolo cordita Italiano cordicèlla Tedesco Schnur.

funighèdha , nf: funixedha Definizione genia de fune finedhedha Sinonimi e contrari balentinu, cannabitu, cordedha, cordigliola, filadissa, funedhu, grosseru, ispaitu, músciu, presógliu, reste, restiga 1, toroneu, tzunghedhu / cdh. funicedha Etimo srd. Traduzioni Francese ficelle, cordelette Inglese string Spagnolo cuerdita Italiano funicèlla Tedesco Schnur.

ispàgu , nm: ispau, spagu Definizione soga impixada po cosire iscarpas, botas: genia de codriola o filu grussu, forte, chi is sabbateris trebballant cun pighe ponendho a unu càbudu una tzudha de procu chi, sigomente est tètera, faet intrare méngius s'ispau in s'istampu fatu a surba; ispagu est a logos fintzes ispaitu, troneu Modi di dire csn: un'i. de bentu, de boche = frinighedha, boghighedha, píulu; lísiu che i. = lísiu lísiu, chi essit o andhat chentza dificurtade peruna, sentza de arrèsciri nudha; che falat che i. = nau de cosa de papai o de bufai, chi praxit Frasi dae mastru de ispaos est torradu a maniale, pro fàghere acontzitos, tàpulos e mesos solos a sa mantessi cartzamenta chi l'at postu a pè in terra 2. cudhu binichedhu licantzu nche falabat che ispau incherau! 3. si ammescurat totu a su sàmbini, si nci betat aintru de sa bentre, si dh'imbucat in is urus unu puncionedhu de linna e si acàpiat a ispagu 4. sa note fit sélia: no pesabat un'ispau de bentu in totu su sartu 5. sos versos lis issiant lísios che ispau incherau Etimo itl. Traduzioni Francese ficelle, ligneul Inglese cord Spagnolo bramante, hilo palomar Italiano spago Tedesco Schnur.

«« Cerca di nuovo