Ditzionàriu in línia
de sa limba e de sa cultura sarda

acàpiu , nm Definizione cosa o fatu chi aguantat impare duas o prus cosas o chistiones a manera de dipèndhere s'una de s'àtera, de andhare impare, de cuncordare / acapiolu = corria de iscarpa Sinonimi e contrari acapamentu, acapióngiu, afiledhu, allióngiu, ligóngiu, presógliu, presura 2. si funt cojaus ca cussu fut s'acàpiu chi at bófiu su distinu Etimo srd. Traduzioni Francese lien, liaison Inglese string Spagnolo atadura, conexión, ligazón Italiano legàccio, connessióne, correlazióne, legame Tedesco Band, Bindung.

agugèta , nf Definizione genia de acapióngiu Sinonimi e contrari allióngiu, cordonera, presógliu Etimo spn. agujeta Traduzioni Francese lacet, ficelle Inglese lace, string Spagnolo cordón Italiano stringa, legàccio Tedesco Band.

alligagàmba , nm: liacamba* Definizione genia de acàpiu chi si ponet a is cartzas de su costúmene Sinonimi e contrari acàpiu, allióngiu Traduzioni Francese lien, ficelle, lacet Inglese string Spagnolo cordón Italiano legàcciolo Tedesco Strumpfband.

ciapèta , nf Definizione acapióngiu de is mígias, fintzes péiga po su mannale Sinonimi e contrari ciapa 1, ligas / sciampeta Etimo itl. ciappetta Traduzioni Francese lacet Inglese string Spagnolo tira, cordón (m) Italiano legàccio Tedesco Schuhband.

coldòne , nm: cordone, cordoni Definizione genia de codriola, grussita o fine, segundhu ite; oru longu, chi essit in calecunu muru, ischina o ischinale de teulada Sinonimi e contrari cordozu 1, turrutu Modi di dire csn: c. de muru, de muneda; c. de arretza = aundi si atacant is gamus; c. de para = su cordone chi sos padres zughent imboligadu presu in chitu, subra de s'àbbidu; c. de su butone = saita, itl. funìcolo spermàtico; c. de s'imbíligu o de bídhiu = saita, itl. cordóne ombelicale Frasi su predi, acabbada sa missa, inghitzat a s'iscapiai su cordoni de chintzu ◊ sa maista de partu at segau su cordone de s'imbíligu a su pipiu candho est naschiu Cognomi e Proverbi smb: Cordone, Cordoni Etimo itl. Traduzioni Francese cordon Inglese string Spagnolo cordón Italiano cordóne Tedesco Schnur.

cordèdha , nf Definizione genia de funighedha fine / erba de cordedha = nerviada 1 (Plantago lanceolata) Sinonimi e contrari balentinu, cannabitu, cordigliola, filadissa, funedhu, ispaitu, músciu, presógliu, toroneu, trilla, túmixi, tzunghedhu / cdh. culdedha Cognomi e Proverbi smb: Cordedda Traduzioni Francese cordelette, ficelle Inglese small string Spagnolo cordel Italiano cordicèlla Tedesco dünne Schnur.

cordonítu , nm Definizione genia de funedhu, codriola fine Sinonimi e contrari balentinu, cannabitu, codriola, filadissa, funedhu, ispaitu, músciu, restiga 1, toroneu, tzunghedhu / cdh. culdunitu Traduzioni Francese cordonnet Inglese string Spagnolo cordoncito Italiano cordoncino Tedesco Bindfaden.

filléri , nm Definizione cosa prus che àteru pitica agguantada impare cun calecunu filu a bisura de collana / f. de càriga = corona de figu sicada Sinonimi e contrari fibera, filare Frasi sa càriga candho si collit neta e assuta si faghet a filleris Traduzioni Francese enfilade Inglese string Spagnolo sarta Italiano filza Tedesco Kette.

funighèdha , nf: funixedha Definizione genia de fune finedhedha Sinonimi e contrari balentinu, cannabitu, cordedha, cordigliola, filadissa, funedhu, grosseru, ispaitu, músciu, presógliu, reste, restiga 1, toroneu, tzunghedhu / cdh. funicedha Etimo srd. Traduzioni Francese ficelle, cordelette Inglese string Spagnolo cuerdita Italiano funicèlla Tedesco Schnur.

ligóngiu, ligónzu , nm: allióngiu*, lióngiu, lionzu Definizione lióngiu a frocu po acapiare, in is bestimentos, in iscarpas e àteru (a bortas fintzes filu), ma fintzes acapióngiu de dónnia genia Sinonimi e contrari acapamentu, acapióngiu, acàpiu, lighinzu, presógliu, presura / agugeta, cordonera Frasi sciollei su ligóngiu! ◊ mi restaiat solu de torrare a bidha pro annodiare sos lionzos de sàmbene 2. sa currente colat in d-unu lióngiu de arràmene Cognomi e Proverbi smb: Lionzu Traduzioni Francese lien, lacet, ficelle Inglese string Spagnolo cordón Italiano legàccio Tedesco Schnürband.

presógliu, presólzu , nm, nf: presorja 1, presorju, presorza, presorzu, pressorju Definizione orrugu de cosa po acapiare: presorza est fintzes sa trobea po troboire un'animale iscapu Sinonimi e contrari acapamentu, acapióngiu, acàpiu, lighinzu, ligóngiu, presura / cannabitu, cordedha, funedhu, ispaitu, toroneu, tzunghedhu / agugeta, corria, lantu, trena Frasi fit airau che cane de presorju ◊ isolve sos presorzos, no ti atates de promissas anzenas! ◊ sunt isetandhe a lis illascare su presorju Etimo ltn. prehe(n)sorium Traduzioni Francese ficelle, lacet Inglese string Spagnolo ligadura, lazo Italiano legàcciolo Tedesco Schnürband.

transilléri , nm, nf: trantzilleri, trantzilloru, trintzillera, trintzilleri, truntzilleri Definizione unos cantu acàpios postos impare in su derreri de sa sedha, pendhe pendhe, po acapiare, apicare cosa, e fintzes su chintórgiu po acapiare sa sedha etotu a s'animale Sinonimi e contrari presógliu / apasibi, pendhone Modi di dire csn: a t. = a gurdoni; portai fangotu a trantzilleris = apicadu a sa sedha; zúchere a ccn. a trantzilloru = portaidhu sempri apicigau avatu (fintzas innamoradu) 2. cussa ti nche ghetat sa dommo, ti nche ghetat, ca no bi cheret su trantzilleri tuo a mantènnere una fémina prena de bíssios! ◊ nara, ma no seghist is trantzilleris meda meda, no! 3. sa superba bogat su frutu a trintzilleris Etimo spn. trencillo Traduzioni Francese ficelle de la selle Inglese saddle string Spagnolo cincha Italiano legàcciolo della sèlla Tedesco Schlaufe.