Legenda Abbreviazioni | Legenda Simboli

acíchidu, acíchiru , nm: assíchidu, atzíchidu, atzíchiru Definizione su tímere chi naschit totinduna po calecuna cosa chi s'intendhet o chi capitat, prus che àteru de dannu o chi podet fàere dannu, èssere perigulosa Sinonimi e contrari arrore, asciuconu, assàntiu, assicu, assúmbridu, assústidu, avrina 1, ilgiru, isprama, tzurrumbu Modi di dire csn: pigai a. = leare assustru; cídrinu de s'a.; a. légiu, forti = assuconu mannu Frasi genti chi andàt a cicai iscruxoxus anca ndi beniant macus de s'assíchidu! ◊ mi ndi seu pigau un'atzíchiru!…◊ nosu dh’eus biu nontesta cussu mustajoni, de unu cantu si moreus de s’acíchiru! ◊ intendhendho su gugúliu de is canes si fut istridhida po s'assíchidu Etimo srd. Traduzioni Francese peur Inglese fear Spagnolo susto Italiano spavènto Tedesco Schrecken.

apantàviu , nm Definizione timoria manna, assíchidu Sinonimi e contrari acíchidu, apantarju, aporu, asciuconu, assàrtiu, assúmbridu, assústidu, atraghentu, dannu, ilgiru, isprama Frasi sos "ohis" e sos "ahis" pariant essendhe dai s'isprofundhu, orizados de traschias, de assuconos, de apantàvios e de minetas (G.Ruju) Etimo srd. Traduzioni Francese terreur, effroi, frayeur Inglese terror, dismay Spagnolo terror, desconcierto Italiano terróre, sbigottiménto Tedesco Schrecken, Bestürzung.

apóru , nm Definizione timoria manna, cosa chi si timet meda Sinonimi e contrari apantàviu, pore 1 Frasi si cantamus, mancu sa betzesa nos at a parrer mala: sinono est un'aporu! ◊ sa timoria fit diventendhe aporu de abberu Etimo srd. Traduzioni Francese terreur Inglese terror Spagnolo terror Italiano terróre Tedesco Schrecken.

spréu , nm: ispreu*, spriu Definizione calecuna cosa chi no si bolet, chi est contragéniu meda, chi giaet dirgustu, iscramentu malu; fintzes pelea, múngia Sinonimi e contrari assunciudhu, astudhu, iscadha, iscalmentu, ispràgiu, spamentu Modi di dire csn: bodhiri s. = collire assuconu; tènniri ccn. cosa a spreu = timiresila, istare timindhe a la fàghere; unu spreu de tempus = tempus meda Frasi ndi at a tenni spreu a dhoi torrai a domu de s'amigu, po s'istrobbu chi dhi at donau ◊ de candu apu pigau spreu po is dotoris no dhus pòciu biri! ◊ su pensamentu de sa morti dhu turmentat fintzas a dh'acorrai in cristas de spreu ◊ spriu mannu ndi apu tentu de cussa chistioni! 2. apustis de unu spreu de tempus dh'at torrada a cerriai Traduzioni Francese répugnance, horreur, terreur Inglese repugnance, dread Spagnolo repugnancia, horror, terror Italiano ripugnanza, orróre, terróre Tedesco Widerwille, Horror, Schrecken.

«« Cerca di nuovo