istrònscia , nf, nm: istròscia, istrósciu 1, istrossa, istróssia, strossa Definizione dannu meda chi orroinat totu; in cobertantza si narat de chie si movet chentza crabbu e faet dannu Sinonimi e contrari arruinu, derruta, desacatu, destrossa, sderrocu, sderrota, sderruimentu / bròmbulu, igenillau, ildeoltu, ilgrabbuladu, isocu, istramu / cdh. scimpiatu Modi di dire csn: a istròscia = a meda, aira; istrònscia, istrósciu de abba = dellúbbiu; cannonare a istròscia Frasi sunt carrendhe abba a sos sididos in custa istrossa de annada ◊ pro donzi note de istròscia bi at un'avréschida de paghe (G.Maieli)◊ a su póveru no li mancat istrossas ◊ Cristos nos at sarvadu de s'istrossa eterna ◊ bei ndh'at bonos ma, si no sunt bene bidos, custos amministradores lis dant istròscia 2. istrossa, ue pones manu tue faghes dannu! ◊ istrossa, t'iscollas in su paris netu! 3. s'istròscia de sa zente chi benit onzi annu a sa festa?!…◊ at cumentzau a proi a istrossa e mi seu totu isciustu Etimo itl. stroscia Traduzioni Francese catastrophe, désastre, tempête Inglese disaster, storm Spagnolo desastre, manos de mantequilla Italiano disastro, bufèra, fracassóne Tedesco schweres Unglück, Sturm, Lärmmacher.

mabasòrti , nf: malasorte, malasorti Definizione dannos a meda, sorte mala, isfortuna; frastimu (de tènnere malasorte)/ rúere in m. = andhare male, àere dannos Sinonimi e contrari arriola / malajana! | ctr. dícia Frasi za istat friscu, unu, si l'acumpanzat sa malasorte! 2. ma tue, malasorte, in su duellu a s'incorrada tota sa frissura ndhe li as bogadu! ◊ malasorte, ite proa a bínchere cun totu cussas armas!… Cognomi e Proverbi prb: su discóidu est cumpanzu de sa malasorte Traduzioni Francese malchance, adversité Inglese bad luck Spagnolo mala suerte, desdicha Italiano malasòrte, avversità, sfortuna Tedesco Unglück.

maladissiòne , nf: malaiscione (ma-la-i-sci-o-ne) malaissione, maledissione, maleditzione, maleditzioni, maleiscione, maleissone, malissione Definizione genia de frastimu, male chi si betat o chi si disígiat a is àteros; fintzes male bastat chi siat Sinonimi e contrari frastimu, irrocu, iscomínica, matenna | ctr. benedissione Modi di dire csn: pàrrere m. = pàrriri mali chi benit de is maleditzionis, pàrriri cosa frastimada; betare maledissiones = frastimai, disigiai mali Frasi sa vida est prena de cosas bonas e cosas malas, de disizos e malaisciones ◊ sa maledissione chi li at iscutu su babbu li est falada che sedha ◊ za ndhe li at betadu de maledissiones, brighendhe, no timas!… Etimo itl. Traduzioni Francese malédiction Inglese curse Spagnolo maldición Italiano maledizióne Tedesco Fluch, Unglück.

malafàda , nf: malavada Definizione malu fadu, sorte lègia, nau pruschetotu a frastimu Sinonimi e contrari derdícia, digràtzia / ttrs. maravada | ctr. dícia Traduzioni Francese malchance, malheur, déveine Inglese bad luck Spagnolo mala suerte, desdicha Italiano sfortuna, disdétta Tedesco Unglück.

sagúra , nf Definizione dannu mannu; figumorisca créschia aintru de sa tàula (ficu murisca de s., mustaciolu, marighedha)/ de mala s. = pro irmarru, dannu fatu po farta de atentzione, chentza chu bòllere Sinonimi e contrari calama, destrossa, digràtzia, disdícia, sciacu Frasi nois sichimus, no bi at de pèrdere sa die pro cussa sagura Etimo itl. Traduzioni Francese catastrophe Inglese disaster Spagnolo desgracia, desastre Italiano sciagura Tedesco Unglück.

sciàcu , nm: isciacu*, sciagu 1 Definizione bolet nàrrere dannu mannu, male e, segundhu comente si narat, fintzes surra, o cantidade manna Sinonimi e contrari desacatu, destrossa, fracassu / banzu 1, istràssia / meda Frasi megat de mi nci ampuai su sànguni a conca: oi fatzu cancunu sciacu! ◊ no est nudha ancora su sciacu: eis a biri cosas peus! ◊ gei dh'at fatu su sciacu a bociri a cudhu!…◊ is Americanus, su coranta tres, ghetendi bombas ant fatu unu sciacu mannu in Castedhu ◊ is sordaus, apustis de ai fatu sciagu in dónnia parti de sa citadi, nci atafant in crésia e forrogant in dónnia logu (J.Murgia) 2. e chi si permitant, is piciochedhus mius, a fai machioris, ca binti su sciacu! 3. unu sciacu mannu de cosa ◊ cussu guaràngiat mera, pigat unu sciacu mannu de dinai ◊ si podit isciri chini est chi nci at isdorrocau cussu sciacu mannu de àcua a mesu de arruga? Traduzioni Francese malheur, désastre Inglese violent shaking, accident Spagnolo desgracia Italiano disgràzia, sconquasso Tedesco Unglück, Zertrümmerung.

«« Cerca di nuovo