Ditzionàriu in línia
de sa limba e de sa cultura sarda

apellàre , vrb Definitzione ricúrrere contr'a sa senténtzia de su tribbunale o de sa corte de apellu; invocare santos, pedire agiudu Frases l'ant cundennadu in tribbunale, ma l'at apellada e faghent torra su dibbatimentu Ètimu itl. appellare Tradutziones Frantzesu interjeter appel Ingresu to appeal (to a court) Ispagnolu interponer apelación Italianu ricórrere in appèllo, appellarsi Tedescu Berufung einlegen.

apéllu , nm Definitzione prus che àteru, su tzerriare is personas naendho su númene ligindhodhu in d-una lista; genia de ricussu chi si faet a unu tribbunale prus artu contr'a sa senténtzia de unu dibbatimentu; su apellare, su pedire agiudu, invocare santos Sinònimos e contràrios ciamada 2. no bi at apellu in custa senténtzia Ètimu itl. Tradutziones Frantzesu appel Ingresu roll call Ispagnolu llamamiento, lista, apelación Italianu appèllo Tedescu Aufruf.

ciamàda , nf: cramada, giamada Definitzione boghe po tzerriare, su tzerriare naendho su númene de ccn. chi si bolet Sinònimos e contràrios ciamu, clàmida, giàmida, giuilada, làmidu, mutia, mutinzu Ètimu srd. Tradutziones Frantzesu appel Ingresu call Ispagnolu llamada Italianu chiamata Tedescu Ruf.

clàmida , nf, nm: cràmida, cràmidu, cràmmida, giàmida, làmidu Definitzione su tzerriare; est fintzes su tocu de sa campana po tzerriare sa gente a una funtzione o riunione in crésia Sinònimos e contràrios boche, cérriu / ciamada Frases su sero, recuendhe a sa friscura, clàmidas no intendhet ne cantones ◊ at intesu sas cràmmidas de sa zente istriulandhe Ètimu srd. Tradutziones Frantzesu appel, cri Ingresu call-up Ispagnolu llamada, grito Italianu chiamata, grido Tedescu Ruf.

giàmida, giàmidu , nf, nm: clàmida* Definitzione boghe po tzerriare, su tzerriare Sinònimos e contràrios ciamada, ciamu, làmidu, mutinzu Frases cale est su coro chi no at intesu custu giàmidu altu a fogu biu? Tradutziones Frantzesu rappel, appel Ingresu recall Ispagnolu llamada Italianu richiamo Tedescu Ruf.

mutínzu , nm Definitzione su mutire Sinònimos e contràrios ciamada, ciamu, clàmida, giamada, giàmidu Frases su rusignolu at cumintzau a cantare ma fit boche de prantu, unu mutinzu a su Criadore ◊ sa bida pro istintu no s'arrendhiat e si repellabat a su mutinzu de sa morte Ètimu srd. Tradutziones Frantzesu rappel, appel Ingresu recall Ispagnolu llamada Italianu richiamo Tedescu Ruf.