Ditzionàriu in línia
de sa limba e de sa cultura sarda

ciamàda , nf: cramada, giamada Definitzione boghe po tzerriare, su tzerriare naendho su númene de ccn. chi si bolet Sinònimos e contràrios ciamu, clàmida, giàmida, giuilada, làmidu, mutia, mutinzu Ètimu srd. Tradutziones Frantzesu appel Ingresu call Ispagnolu llamada Italianu chiamata Tedescu Ruf.

ciàmu , nm Sinònimos e contràrios ciamada, clàmida, giamada, mutinzu Frases a su ciamu de s'untulzu curret cun sos canes Ètimu srd. Tradutziones Frantzesu rappel Ingresu recall Ispagnolu llamada Italianu richiamo Tedescu Ruf.

clàmida , nf, nm: cràmida, cràmidu, cràmmida, giàmida, làmidu Definitzione su tzerriare; est fintzes su tocu de sa campana po tzerriare sa gente a una funtzione o riunione in crésia Sinònimos e contràrios boche, cérriu / ciamada Frases su sero, recuendhe a sa friscura, clàmidas no intendhet ne cantones ◊ at intesu sas cràmmidas de sa zente istriulandhe Ètimu srd. Tradutziones Frantzesu appel, cri Ingresu call-up Ispagnolu llamada, grito Italianu chiamata, grido Tedescu Ruf.

giàmida, giàmidu , nf, nm: clàmida* Definitzione boghe po tzerriare, su tzerriare Sinònimos e contràrios ciamada, ciamu, làmidu, mutinzu Frases cale est su coro chi no at intesu custu giàmidu altu a fogu biu? Tradutziones Frantzesu rappel, appel Ingresu recall Ispagnolu llamada Italianu richiamo Tedescu Ruf.

mutínzu , nm Definitzione su mutire Sinònimos e contràrios ciamada, ciamu, clàmida, giamada, giàmidu Frases su rusignolu at cumintzau a cantare ma fit boche de prantu, unu mutinzu a su Criadore ◊ sa bida pro istintu no s'arrendhiat e si repellabat a su mutinzu de sa morte Ètimu srd. Tradutziones Frantzesu rappel, appel Ingresu recall Ispagnolu llamada Italianu richiamo Tedescu Ruf.

telefonàda , nf Definitzione su telefonare, foedhada in telèfono Frases innanti de imbiare sa lítera, bos faghet puru una telefonada ◊ apu inténdiu sa telefonada chi at fatu a mulleri mia Tradutziones Frantzesu coup de téléphone Ingresu call (phone) Ispagnolu llamada telefónica Italianu telefonata Tedescu Anruf.