Ditzionàriu in línia
de sa limba e de sa cultura sarda

aciúmu , nm Definitzione su bufare a meda, imbriagandhosi Sinònimos e contràrios cochera, coichina, coidura, cota, cotua, imbreachera Frases a su primu chi at fatu s'aciumu dh'as ispintu tanti a forti chi unu sonnu símili a sa morti in sa tenda dh'at isterrinau (Matta) Ètimu srd. Tradutziones Frantzesu cuite Ingresu tippling Ispagnolu el beber mucho hasta emborracharse Italianu sbevazzata Tedescu Saufen.

cagògna , nf: cogogna, cugogna Definitzione imbriaghera niedha, manna Sinònimos e contràrios cimbrea, inciucadura Frases como devent pessare fena a sas cogognas bostras, sos de su comune!… Ètimu itl. cacona Tradutziones Frantzesu bonne cuite Ingresu unforgettable drunkenness Ispagnolu borrachera Italianu sbòrnia solènne Tedescu Rausch.

cimbrèa , nf Sinònimos e contràrios aciumu, cagogna, cispa, cochera, coichina, inciucadura Tradutziones Frantzesu cuite, ivresse Ingresu drunkenness Ispagnolu borrachera Italianu sbòrnia Tedescu Rausch.

ciòdha , nf: tzodha* Definitzione bufóngiu a tropu de imbriagare / pigai una c. = pitzigàresi una imbriaghera; ciodhita = genia de buciuchedha Sinònimos e contràrios ciòncia, imbreachera tzuadhina 1 Frases s'imbriagat a una ciodha 2. candho su cumassu est bene cariadu sa pasta faghet sas ciodhitas chi tzocant Tradutziones Frantzesu cuite, ivresse Ingresu drunkenness Ispagnolu borrachera Italianu sbòrnia Tedescu Rausch.

ciuchèra , nf Definitzione su bufóngiu a tropu, malammodidu Sinònimos e contràrios aciumu, cimbrea, cispa, cochera, coichina, coidura, cota, cotua, imbreachera, inciucadura Frases candho su maridu est drommidu, cotu de una clàssica ciuchera, manos e pes li ligat in lentolu (P.Casu)◊ como chi tratat su tatzone pro tatza sas ciucheras li leant sa conca ◊ l'ant guastu sas ciucheras, sempre cotu a chidadas intreas! ◊ si aiat unu ricu patrimóniu, totu in ciucheras l'aiat ispesu! (Piga) Ètimu srd. Tradutziones Frantzesu cuite, ivresse Ingresu drunkenness Ispagnolu borrachera Italianu sbòrnia Tedescu Rausch.

cochèra , nf: coghera Definitzione imbriagadura mancari bona, manna Sinònimos e contràrios aciumu, cispa, coichina, coidura, cota, cotzera, cotua Frases su badalocu che fit acabbau a s'impudhile afocau in d-una cochera ◊ cos'e imbriagos no si dh'iant fata a lassare s'imbaru de sa mesa po sa tropu coghera ◊ cussu ndi at bodhiu una bella coghera Ètimu srd. Tradutziones Frantzesu cuite, ivresse Ingresu drunkenness Ispagnolu borrachera Italianu sbrónza Tedescu Rausch.

coichína , nf: coighina, cuighina Definitzione su bufóngiu a tropu de cosa cun àrculu tanti de pigare sa conca, faet a illuinu Sinònimos e contràrios aciumu, coidura, cota, cotua, imbreachera Ètimu srd. Tradutziones Frantzesu cuite, ivresse Ingresu drunkenness Ispagnolu borrachera Italianu sbrónza Tedescu Rausch.

ischíu 2 , nm: ischivu 1, isciu, iscivu, scivu* Definitzione genia de istrégiu, de linna o de terra, a pònnere cosa (impastare sa farra); segundhu su logu, su brasciolu a crocare su pipiu Sinònimos e contràrios cartina, cóncula, cunculina, ischivedha, tavania, tina Frases fiat una fémina cumpensada dae su profeta apenas arriviu pustis d'àere s'oferta ripagada aumentandhe sa farra in s'ischiu ◊ bi teniat una moitzola e unu isciu 2. pro drommire su pitzinnu abbarrai oras intreas tunchiandhe afaca a s'ischiu Terminologia iscientìfica stz Ètimu ltn. scyphus Tradutziones Frantzesu récipient en terre cuite, baquet Ingresu vat Ispagnolu artesa Italianu bacino di terracòtta, mastèllo Tedescu Tongefäß, Bottich.

lajóu , nm Definitzione istrégiu de terra Sinònimos e contràrios terràglia Tradutziones Frantzesu objet, récipient en terre cuite Ingresu handmade terracotta Ispagnolu objeto de barro cocido Italianu manufatto di tèrra còtta Tedescu Gegestand aus Steingut.

umperóllu , nm Definitzione istugighedhu de terra istangiada impreau a pònnere ógiu Sinònimos e contràrios alarollu Terminologia iscientìfica stz Ètimu srd. Tradutziones Frantzesu huilier en terre cuite Ingresu small glazed jar Ispagnolu aceitera Italianu utèllo Tedescu irdenes Töpfchen.

zinzíu , nm, nf: ciciu 1*, zizia 3, ziziu Definitzione orrugu de istrégiu de terra o de ghisu; frorighedhu de campu e fintzes frocu o àtera cosighedha po bellesa / ziziu grogo = caragànciu Sinònimos e contràrios cicia 1, zínzili / ghísciu / fioredhu, zizioli Frases cussu curustu no cúmbidat a nemmos mancari lu facant a zizios! ◊ in su presépiu bi aiat berveghedhas de zinziu 2. sos zizios de su campu cherent abba e sole pro èssere bellos ◊ za si ndhe at postu de zizios e de fetas, cussa!…◊ pintat che zizios totu su chi acatat Tradutziones Frantzesu débris de terre cuite, petite fleur Ingresu shard, small flower Ispagnolu trozos, flor pequeña Italianu còccio, fiorellino Tedescu Scherbe, Blümchen.