Ditzionàriu in línia
de sa limba e de sa cultura sarda

chíltzina , nf Definitzione su che ndhe segare un'orrugu, de calecuna cosa, incurtzadura Sinònimos e contràrios irmíngua, mímina, sméngua Frases no mi fetas sa chíltzina: ischia chi fint batoschentos e como mi naras chi sunt treghentos! Ètimu srd. Tradutziones Frantzesu déchet, diminution, coupe Ingresu decrease Ispagnolu corte Italianu diminuzióne, tàglio Tedescu Verkürzung, Schnitt.

diminuiméntu , nm Definitzione su diminuire, su miminare Sinònimos e contràrios chíltzina, impaghimentu, méngua, mímina, sméngua | ctr. créschida Ètimu srd. Tradutziones Frantzesu diminution, baisse Ingresu decrease Ispagnolu disminución Italianu diminuzióne Tedescu Verminderung.

istrópiu , nm: istrúpiu 1, strupiu Definitzione dannu, guastu a sa carena de dhi abbarrare tota vida (nau prus che àteru po un'arremu de fora: bratzu, manu, camba, e àteru)/ tumbare s'i. = agghejare, fèrrere su tretu malàidu Sinònimos e contràrios biseltru, bisestradura, diculadura, guastu, irvistu, isémpiu, isvrembu Frases nos azes lassau un'istrópiu mannu chi peri sa medichina de su tempus, bell'e chi nanchi sanat cada cosa, at a istentare a lu crusiare ◊ si ndhe torraiat a pesare faindhe finta de no bíere su sàmbene chi essiat dae s'istrúpiu (S.Carta) Ètimu spn. estropeo Tradutziones Frantzesu diminution physique, mutilation Ingresu maiming Ispagnolu mutilación, lisiadura Italianu menomazióne fìsica, mutilazióne, storpiatura Tedescu Behinderung, Verstümmelung, Verunstaltung.

méngua , nf: amméngua Definitzione su torrare a prus pagu, a prus piticu Sinònimos e contràrios chíltzina, falu, finizu, impaghimentu, irmíngua, menguonzu, mímina, minimàntzia, sméngua | ctr. créschida, creschimónia Frases sa méngua de is mígias Ètimu srd. Tradutziones Frantzesu diminution Ingresu drop Ispagnolu mengua Italianu calo, diminuzióne Tedescu Verminderung, Abnahme, Rückgang.

mímina , nf: mínima Definitzione su miminare, su torrare o portare una cosa a prus pagu, a prus pitica / nau de ccn., tènnere m. = àere bregúngia credendhosi prus pagu o peus de s'àteru (itl. complèsso di inferiorità) Sinònimos e contràrios impiticamentu, irmíngua, irminorigamentu, ispachitzada, méngua, menguonzu, sméngua | ctr. acreschimónia, créschida Frases est in mínimas s'amore chi usaimis una borta! ◊ in su suircu tessindhe gorfos li cherent fatas sas míminas ◊ sos binos budhindhe faghent mímina Ètimu srd. Tradutziones Frantzesu réduction, diminution Ingresu reduction, decrease Ispagnolu disminución, mengua, merma Italianu riduzióne, calo Tedescu Verminderung, Abnahme, Rückgang, Verkleinerung, Verkürzung.

smenguaméntu , nm Definitzione su torrare a prus pagu Sinònimos e contràrios chíltzina, irmenguadura, méngua, mímina, sméngua | ctr. creschimónia, creschina Ètimu srd. Tradutziones Frantzesu décroissance, diminution Ingresu decrease Ispagnolu mengua Italianu decresciménto Tedescu Abnahme.