Legenda Incurtzaduras | Legenda Sìmbulos

arpilía , nf Definitzione istriori de assíchidu o de fritu, genia de trémia chi giaet sa carena po assíchidu o fritu Sinònimos e contràrios acrichidhada, erpiliu, istriore, tidilia, titifrius Frases custas sunt arpilias de assustru, àter'e che fritu! Ètimu srd. Tradutziones Frantzesu frisson Ingresu shiver Ispagnolu escalofrío Italianu brìvido Tedescu Frösteln, Schauder.

astriàda , nf Definitzione trementa, tremedhera de su fritu Sinònimos e contràrios erpiliu, istriore, tidilia, titifrius 2. sento un'astriada de fritu: est iscuru e de totu cussa zente no ndhe connosco mancunu! Ètimu srd. Tradutziones Frantzesu frisson Ingresu shiver Ispagnolu escalofrío Italianu brìvido Tedescu Schauder.

astúdhu , nm Definitzione trémia de sa carena, su pònnere sa tzudha po su fritu, po timoria manna Sinònimos e contràrios acrichidhada, assunciudhu, erpiliu, ispreu Frases candho contaiant de àteros mundhos, calchi astudhu resessiat a rafiare sos sónnios ◊ sos astudhos pigant piús pro sas timorias chi no pro sos bonos sentimentos ◊ cussu contu ndhe batit sos astudhos ◊ fint càntigos chi faghiant pigare s'astudhu in dossu ◊ pigant sos astudhos a s'atréminu chi dant sos inghírios de su tilibbriu Ètimu srd. Tradutziones Frantzesu frisson Ingresu thrill Ispagnolu escalofrío Italianu brìvido Tedescu Schauder.

ispréu , nm: spreu Definitzione timoria manna meda, po cosa mala chi podet acontèssere o chi si est provada Sinònimos e contràrios assunciudhu, astudhu, iscadha, iscalmentu, ispràgiu, isprioru Frases e asinche puru puru… candu in s'eternu iscuru e in su piús mannu ispreu ti chirco e no ti agato, Deus meu… (S.Baldino)◊ mai piús mi faghe, ite ispreu!, a vívere torrare pro mòrrere, Deus meu! ◊ no ti pighist ispreu! ◊ mancu unu utu, mancu una boche de ispreu pro custu dolore! ◊ a tocos, lentos lentos, mesanote sa péndhula at sonadu: un'aerita lena de ispreu mi artudhat sa carena! (P.Fae)◊ unu cane orulendhe ti astudhit sas palas de ispreu 2. sos betzos timent a ispreu a bíere arribbandhe s'istiu, ca los dassant solos Ètimu ctl. menyspreu Tradutziones Frantzesu frisson, horreur Ingresu shudder, horror Ispagnolu horror Italianu brìvido, orróre Tedescu Schauder.

istriòre, istriòri , nm: striori Definitzione genia de trémia chi giaet sa carena po assustru o fritu Sinònimos e contràrios arpilia, astriada, astriore, istrioramentu, tidilia, titifrius 2. is araxis chi si tragat s'edadi faint intèndiri is istrioris de sa becesa (Z.Sanfilippo) Ètimu ltn. stridore(m) Tradutziones Frantzesu frisson Ingresu shiver, thrill Ispagnolu escalofrío Italianu brívido Tedescu Schauder.

tidilía , nf, nm: atitillia, tidiria, titilia, titiliu, titillia, titiria, titirria Definitzione (sa t. = nr. "satidilía" e deasi cun totu is var.) istriori de assíchidu o de fritu, genia de trémia chi faet sa carena po assustru o fritu chi at pigau Sinònimos e contràrios acrichidhada, arpilia, astriada, istriore, titifrius, tzutzunida / ispreu Frases su bentu fora faghiat bènnere tidilias de morte (M.A.Seu Deiana)◊ mi ndhe so ischidada a titillias de fritu e arpilada ◊ leadu sempre prus dae tristuras e titirias ti atacas sempre prus a s'ispuntone (L.Castiglia)◊ po titirria sos àlvures restant frimmos e solu su riu murmutat ◊ titilios de fritu mi orpilant sa carena (D.Murru) 2. sa morte li est intrada muitza muitza che tidiria chi abbelenat in beranu sa carena Ètimu srd. Tradutziones Frantzesu frisson de froid Ingresu thrill Ispagnolu escalofrío Italianu brìvido Tedescu Frösteln.

titivríos, titivríus , nm: atitivriu Definitzione genia de trémia chi faet sa carena po fritu chi at pigau Sinònimos e contràrios arpilia, astriada, istriore, tidilia Frases a titivrius, a coru frunziu de s'atzíchidu, est passada puru custa Paschixedha (A.Cannas)◊ cun custu titivrius no drommu ◊ tegno fritu e seo a titivrios Ètimu srd. Tradutziones Frantzesu frisson de froid Ingresu shiver Ispagnolu escalofrío Italianu brìvido di fréddo Tedescu Frösteln.

tremedhèra , nf Definitzione su trèmere, su istare tremendho, treme treme, genia de móvia a iscutuladura totu parívile; fintzes genia de presse, furighedha Sinònimos e contràrios trementa tremuea, tremuina, tremuledha / cdh. trimaredha Frases dhi benit una tremedhera in totu su corpus e dhi tzacarrant is dentis puru 2. dh'at pigau sa tremedhera e si ndi est andau Ètimu itl. Tradutziones Frantzesu frisson, tremblote Ingresu shivers Ispagnolu tembleque Italianu tremarèlla Tedescu Zittern.

tremulèdha , nf Definitzione genia de movimentu lestru e curtzu de sa carena (in totu o in parte), su istare tremendho, tremedreme Sinònimos e contràrios trementa, tremualla, tremuea / cdh. trimaredha, trimuledha, ttrs. trimuredha Frases sas mamas a tremuledha si faghiant sinnos cuendhe sos pitzinnos ◊ li picaiat sa tremuledha solu a lu intènnere mentovare: totu lu timiant che frea ◊ mi sentia su coro a tremuledha Ètimu srd. Tradutziones Frantzesu frisson, tremblote Ingresu shivers Ispagnolu tembleque Italianu tremarèlla Tedescu Zittern.

«« Torra a chircare