abbentàdu , pps, agt: abbentau Definitzione de abbentare 1, chi est asciutu; de abbentai, nau de unu, chi est pagu ischidu, pagu atentu Sinònimos e contràrios assutu / alembru, allabentau, ammincau, atolondrau, atontau, bambioco 2. abbentada maca, as comporadu peta guasta: frundhichela! ◊ fiat nàsciu locu e de lollòi abbentau iat bíviu Tradutziones Frantzesu inconsidéré, irréfléchi Ingresu rash Ispagnolu imprudente, descuidado Italianu avventato, sbadato Tedescu unbesonnen, zerstreut.

aconcàtu, aconcàu , pps, agt Definitzione de aconcare; chi est cun sa conca incrubada, chi est conca a…; chi est a conca bàscia po pentzamentu, po annicu / èssiri, èssere aconcau a… = cun sa conca imbarada, imbassiada, arrumbada subra de… (pro sonnu, dólima e gai), o fintzas a ogros a terra (pro birgonza, dispiaghere, pessamentu), o bene frimmos in carchi idea, abbaidendhe a carchi cosa Sinònimos e contràrios aconcalatu / aconcaditu, aconcadore, arriscadu, atriviu, conchedha, sconcau / orioladu, pispinnidu / decídiu, resinnadu, resolutu 2. aditzu aditzu ndi apu acudiu una frochitada de cussus macarronis: dh'apu agatau aconcau a is forredhus ingurtendi! (A.Garau)◊ fillu bonu, no abarris aconcau a is libbrus, ca ti fait mabi a s'istògumu! ◊ gei no at a bolli chi abarreus totu sa dí aconcaus a sa barraca?!◊ cussos sunt aconcaos a sa televisione! 3. oi mamma est aconcada, timendi ca dha depint operai ◊ babbu s'est aconcau a sa mesa e si at fatu unu surtidedhu ◊ no seu abarrau aconcau in bidha, ma ingiriendi po agatai sorti 4. bos chèglio aconcatos a custu ostinu: nudha bos devet irvortare! ◊ cusse est aconcatu a cambiare pulítica Tradutziones Frantzesu hasardé, irréfléchi Ingresu rash Ispagnolu atolondrado Italianu avventato Tedescu unbesonnen

acrabinàdu , pps, agt Definitzione de acrabinare; chi si movet o faet che un'irbariadu, chentza giare atentzione nudha (coment’e abbaidandho a crabas) Sinònimos e contràrios abbundhoradu, assurviladu, foraldómine, incóglidu, indemoniadu, indiaulau, spiridau 2. tia chèrrere imperriare tentorzas acrabinadas… Terminologia iscientìfica ntl Tradutziones Frantzesu hasardé, inconsidéré, irréfléchi Ingresu reckless Ispagnolu atolondrado Italianu avventato, spiritato Tedescu unbesonnen, besessen.

alémbru , agt Sinònimos e contràrios abbentadu, allabentau, allampadu, ammincau, atolondrau, atontau, bambioco Tradutziones Frantzesu inconsidéré, irréfléchi Ingresu hasty Ispagnolu imprudente Italianu avventato Tedescu leichtsinnig.

disatinàu , pps, agt Definitzione de disatinare; chi no atinat, chi no pentzat a is cosas, chi no est faendho atentzione, chi no est pentzandho o no atuat a sa cosa chi est faendho o chi dhi funt naendho Sinònimos e contràrios abbambanau, ammammalucadu, allabentau, illabentau, isàbbitu, isagherau / fazelladu, ilvariadu | ctr. atoadu, cabosu 2. andhat che disatinadu, paret cane chi at abbentadu sirvone! ◊ tropu disatinaus seus, fendi sempri totu custu mali! Tradutziones Frantzesu irréfléchi Ingresu thoughless Ispagnolu irreflexivo, desatinado Italianu irriflessivo Tedescu unbedachtsam.

isàbbitu , agt Definitzione nau de ccn., chi no est faendho atentzione, no est pentzandho a su chi est faendho o chi funt naendhodhi Sinònimos e contràrios ammammalucadu, disabbutu, isagherau, sbeliau | ctr. atentu Tradutziones Frantzesu irréfléchi Ingresu unwise Ispagnolu descuidado Italianu disavveduto Tedescu unüberlegt.

«« Torra a chircare