Legenda Incurtzaduras | Legenda Sìmbulos

arénsia, aréntzia , nf: eréntzia*, rénsia Definitzione totu is parentes, is mannos, e fintzes sa cosa, s'interessu chi tocat a is minores de parte de is mannos; si podet nàrrere fintzes de su patrimóniu genéticu o intzimia ereditària de s’organísimu, de totugantu su chi a sa carena ndhe dhi dipendhet de s'eréntzia Sinònimos e contràrios aredeu, arrampile, arrépula, famíglia Frases sas perdas de samunae in s'arriu fuint azummai lísias: chissai cantas aréntzias de féminas dhue ant frigau pannos! Tradutziones Frantzesu lignée, génération Ingresu progeny Ispagnolu dinastía, herencia, hereditabilidad Italianu dinastia, eredità, ereditarietà Tedescu Dynastie, Erbfolge, Erblichkeit.

iscèta 1 , nf Sinònimos e contràrios arràcia, casta, genia, iscera, iscrípia, paru, raima Ètimu srd. Tradutziones Frantzesu lignée Ingresu family Ispagnolu estirpe, linaje Italianu schiatta Tedescu Stamm.

iscràtza , nf Definitzione sa gente chi est dipéndhia de calecuna famíglia, de is mannos de unu parentau, cun is calidades puru, pruschetotu naturales Sinònimos e contràrios aredeu, arénsia, arràcia, arrampile, arrépula, iscrípia, istripa, istripile Frases cussa est zente de mala iscratza Tradutziones Frantzesu souche, lignée Ingresu descent Ispagnolu estirpe, descendencia Italianu discendènza, stirpe Tedescu Herkunft, Stamm.

istrípa , nf: istrípia, stripa Definitzione arraighina de sa gente, de una famíglia / èssere de mala istripa = (fintzas) èssere de mala uta, de mala ispétzia, de naturale malu Sinònimos e contràrios aredeu, arràcia, arrampile, arrépula, iscratza, iscrípia, istepa, istripile Frases cussu cristianu est de istrípia lègia! 2. sa muzere nachi est sempre annuzada e de mala istripa Ètimu ltn. stirps, stirpis Tradutziones Frantzesu origine, lignée Ingresu descent Ispagnolu estirpe Italianu stirpe Tedescu Stamm.

istripíle , nm Definitzione arraighina de sa gente, de una famíglia / èssere de malu i. = àere naturale malu Sinònimos e contràrios aredeu, arràcia, arrampile, arrépula, iscrípia, istripa Frases s'istripile de Cainu nos pessighit: pro una fasche de caricotos no podimus andhare a cara arta! ◊ no mi sèghero chi so dego s'istripile de Zudas! ◊ de Fulanu ndhe amus connotu s'istripile! Ètimu srd. Tradutziones Frantzesu souche, origine, lignée Ingresu birth Ispagnolu estirpe Italianu stirpe Tedescu Stamm.

«« Torra a chircare