Legenda Incurtzaduras | Legenda Sìmbulos

còce , nf: còcia 1, colce, còlcia, còncia 1, còrcia, cortza, cròcia, crotza, crotze, grotza Definitzione genia de ammontu grussu de pònnere a su letu in ierru, fintzes bestimentu coment'e tzamarra (pedhes longas); pígiu de calecuna cosa Sinònimos e contràrios coberta, manta, trapeu Frases fui carendindi de su soraju cun sa cròcia po dha samunai, sceti no mi seu bia arrumbiendi! ◊ coces, fressadas, lentolos e iscacos tocaiat a nois a los conziminare ◊ mi fipo addrummentatu cucuzàndhemi suta de sas crotzas ◊ mi ammanto sa cortza po mi fàere cuerru ◊ bi teniat còncias e coberiletos de brocadu 2. custa còrcia de arena est intipia, de dexi carrus de terra! ◊ atraessendhe còlcias de nie intendhiat una frina chena asprore Ètimu spn. Tradutziones Frantzesu couverture, courtepointe Ingresu blanket Ispagnolu colcha Italianu cóltre, trapunta, piumóne Tedescu Bettdecke, Steppdecke, Federdecke.

frassàda , nf: frassata, frensada, fressada, fressata Definitzione ammontu no tanti grussu, po su letu, de lana o fintzes de tiras de orrobba de diferentes colores / giúghere una cosa che fressada de pignora = pigare a s'imbola imbola, de unu logu a s'àteru Sinònimos e contràrios burra, coberta, fàniga, tzellone Frases sunt totucantos drommios bene ammuntados cun fressadas e mantas ◊ una frensada totu a corriolos li faghiat de letu e de banita ◊ tenet sos filos chi li parent adatos a fàchere sas frassatas 2. sa bòveda de su chelu bianca nida isterret sa fressada de sos istedhos (G.Fiori) Terminologia iscientìfica ts Ètimu ctl., spn. flassada, frazada Tradutziones Frantzesu couverture Ingresu blanket Ispagnolu frazada Italianu copèrta Tedescu Decke.

iscrobósu , agt, nm Definitzione chi o chie costumat a pònnere tréulu, burdellu, avolotu Sinònimos e contràrios insulladori, intzodhineri, iscontritzu, piliseri, supuzeri, trebuleri Frases mi che bogat in s'América lontana custa pesta iscrobosa e andhantana (G.Ruju) Tradutziones Frantzesu trouble-fête, turbulent Ingresu wet blanket, turbulent Ispagnolu aguafiestas, turbulento Italianu guastafèste, turbolènto Tedescu spielverderber, aufrürerisch.

«« Torra a chircare