Legenda Incurtzaduras | Legenda Sìmbulos

allocài , vrb: allucai Definitzione fàere o essire locu, ammammalucare, incantare Sinònimos e contràrios allochiai, imbolocai, scimprai Frases ti creis ca mi allucas aici cun duas cositedhas: dèu bollu totu sa parti mia! ◊ candu mi seu cojada mi seu allucada e no apu castiau ni bellesa e ni virtudi ◊ si allucant castiendu arrandas, ingirialetus, una patena, unu cungiali, bastat chi siat cosa antiga! 2. allucaus, no iscidiant in cai istampu nc'intrai ◊ no abbarres allucau! Ètimu spn. alocar Tradutziones Frantzesu devenir idiot Ingresu to make silly Ispagnolu enloquecer Italianu diventare o far scémo Tedescu dumm werden.

bisónchinu , agt Definitzione nau de ccn., chi no portat capia nudha, chi est chentza imprastu, pagu abbistu Sinònimos e contràrios bisoncu, bistónchinu, castigadu, stramu, tzinnai | ctr. abbistu, cabosu Frases ma est una bisónchina, mih, cussa pisedha, a no èssere bona a fàghere nudha! ◊ bisónchinu, a la cheres fàghere comente si tocat, sa cosa?! Tradutziones Frantzesu imbécile, abruti, nigaud Ingresu silly Ispagnolu bobalicón Italianu scimunito Tedescu dumm.

deleàdu, deleàu , agt Definitzione chi giughet sa conca leada de calecuna idea, chi est pentzandho in àteru e no atuat bene a is cosas chi est faendho / fàghere a sa deleada = a sa maconatza, chentza critériu Sinònimos e contràrios bambioco, braballu, isàbbitu, sbeliau, tzinnai Frases posca, su macu abbeladu, pariat unu murone, che ómine deleadu, e totu abbucallotadu ne chinnit ne nudha narat (Limbudu)◊ cudhu pipiu fut sèmpere deleau e no pentzaiat si no a su zogu Ètimu srd. Tradutziones Frantzesu imbécile Ingresu silly Ispagnolu imbécil Italianu scimunito Tedescu gedankenlos.

sciàpidu , agt: isàpidu* Definitzione nau de cosa de papare, chi no portat sabore, o ndhe portat pagu o de pagu contu; nau de gente, chi est de ideas metzanas, chi narat isciolórios Sinònimos e contràrios bacocu, bambarru, bambu, isaliadu, nuscentri | ctr. sàbiu 2. it'ómini sciàpidu, custu! Tradutziones Frantzesu fade, niais Ingresu silly Ispagnolu insulso, soso Italianu insulso Tedescu fade.

scibudhàe, scibudhài , vrb Definitzione essire irbentiadu, chentza fortzas, nàrrere isciolórios, immentigare is cosas Sinònimos e contràrios iltasire / sciolloriai Frases mi nci bollu andai, de innòi, prima de mi agabbai de scibudhai ◊ ses a ferionis o scibudhendidí?! Ètimu srd. Tradutziones Frantzesu dire des bêtises, retomber en enfance Ingresu to talk nonsense, to go silly Ispagnolu decir tonterías, abobarse Italianu dire sciocchézze, rimbambirsi Tedescu Unsinn reden, verblöden, verdummen.

«« Torra a chircare