Legenda Incurtzaduras | Legenda Sìmbulos

babbalócu , nm: babbalucu Definitzione unu chi est fatu deasi tropu a sa bona, tontatzu, chi si lassat fàere de totu; genia de bobboi Sinònimos e contràrios baliodha, bambarru, bichimmeo, bucalloto, cocollodho, gingiorre, mamusocu, prantamone, tolondro / babbarrotu, babbasaju, partabúdiga, perta, sasàgia, scarfajoni | ctr. abbistu, ispabillu Ètimu itl. babbalocco Tradutziones Frantzesu nigaud, balourd, niais Ingresu idiot Ispagnolu bobo Italianu babbèo, balórdo Tedescu Tölpel.

baliòdha, baliòdho , nm Definitzione unu pagu abbistu, tontatzu Sinònimos e contràrios babule, ballullu, bichimmeo, bucalloto, cocollodho, gingiorre, prantamone, tolondro Frases cherbedhos de molente, baliodho, ses mannu ma no bales mesu iscudu! ◊ custu baliodho mi nat chi sunt issolórios ◊ custas sunt pandheras de tempos baliodhos! Tradutziones Frantzesu nigaud, balourd, niais Ingresu foolish, idiot Ispagnolu bobo Italianu babbèo Tedescu Tölpel.

bichillói, bichilói, bichilóni , agt Sinònimos e contràrios baliodha, bichimmeo, bovatzu, bucalloto, gingiorre, gongoatzu, isimpre, tolondro Tradutziones Frantzesu naïf, niais Ingresu ingenuos Ispagnolu simplón, ingenuo Italianu semplicióne Tedescu dumm, einfältig.

bovàtzu , agt Definitzione tontatzu, bovu, chi si lassat cullonare Sinònimos e contràrios bichilloi, dòndoro, gongoatzu, innóchidu, ispistulonadu, listrone, tontarrone Frases si at isceberau a pobidhu un'ómini unu pagu bovatzu Tradutziones Frantzesu naïf, niais, grand benêt Ingresu ingenuos Ispagnolu bobalicón Italianu semplicióne Tedescu einfältig.

isímpre , agt: esimpre, issimpre, iximpri Definitzione nau de unu, chi est fatu tropu a sa bona, chentza malítzia nudha, tontatzu Sinònimos e contràrios bichillocu, gongoatzu, innóchidu, isempru, listrone, scimpri, tontarrone | ctr. àbbile 1, abbistu Frases unu de sos frades fuit isimpre e ch'est arregortu in d-un'ispidale Terminologia iscientìfica ntl Ètimu ctl., spn. simple Tradutziones Frantzesu naïf, niais Ingresu simple (ton) Ispagnolu simplón Italianu semplicióne Tedescu Dumme.

manàgu , agt, nm Definitzione persona de pagu contu, chi no est de pònnere in càrculu, chi si lassat pigare in giru, chi no est bonu a nudha, istrossa Sinònimos e contràrios bovo, cocollodho, cumbessu, dissalliu, drodhe / ildeoltu, stramu / cartzellete, fardugu, lertone | ctr. àbbile Frases managu dèu ca no seu bonu a fai nudha! ◊ trabballendu, si fut acatau ca managu no fut ◊ mancai sia unu pagu managa, sa bestimenta ti dh'arràngiu dèu ◊ ses tui su managu chi arrogat is tassas isciacuendidhas!◊ chini at fatu custu trabballu fut managu: lah, totu fatu mali est! Terminologia iscientìfica ntl Ètimu spn. monago Tradutziones Frantzesu incapable, nigaud, balourd, niais Ingresu clumsy, foolish, incompetent, idiot Ispagnolu bobo Italianu gòffo ed inètto, incapace, babbèo Tedescu dumm, Tölpel.

mangallói , agt, nm: manghilloi Definitzione chi o chie si lassat cullonare cun facilidade; persona manna meda, arta e grussa Sinònimos e contràrios babule, baliodha, bambarru, bichilloi, bichimmeo, bovatzu, bucalloto, gingiorre, prantamone, tolondro / giangalloi Tradutziones Frantzesu couillon, nigaud, balourd, niais Ingresu dope Ispagnolu papanatas Italianu minchióne, babbèo Tedescu dumm.

sciàpidu , agt: isàpidu* Definitzione nau de cosa de papare, chi no portat sabore, o ndhe portat pagu o de pagu contu; nau de gente, chi est de ideas metzanas, chi narat isciolórios Sinònimos e contràrios bacocu, bambarru, bambu, isaliadu, nuscentri | ctr. sàbiu 2. it'ómini sciàpidu, custu! Tradutziones Frantzesu fade, niais Ingresu silly Ispagnolu insulso, soso Italianu insulso Tedescu fade.

«« Torra a chircare