Ditzionàriu in línia
de sa limba e de sa cultura sarda

allampàdu , agt: allampau Definitzione nau de ccn., chi est coment'e intzurpau a lampu, chi no cumprendhet, coment'e atontau, tontu Sinònimos e contràrios abbadharinadu, alluinadu, atambainadu / alembru, baodru, pertocau Ètimu srd. Tradutziones Frantzesu ébloui, halluciné, balourd Ingresu dazzled, deafened, senseless Ispagnolu deslumbrar, alucinado Italianu abbagliato, allucinato, intronato Tedescu geblendet, benommen.

babbalócu , nm: babbalucu Definitzione unu chi est fatu deasi tropu a sa bona, tontatzu, chi si lassat fàere de totu; genia de bobboi Sinònimos e contràrios baliodha, bambarru, bichimmeo, bucalloto, cocollodho, gingiorre, mamusocu, prantamone, tolondro / babbarrotu, babbasaju, partabúdiga, perta, sasàgia, scarfajoni | ctr. abbistu, ispabillu Ètimu itl. babbalocco Tradutziones Frantzesu nigaud, balourd, niais Ingresu idiot Ispagnolu bobo Italianu babbèo, balórdo Tedescu Tölpel.

baliòdha, baliòdho , nm Definitzione unu pagu abbistu, tontatzu Sinònimos e contràrios babule, ballullu, bichimmeo, bucalloto, cocollodho, gingiorre, prantamone, tolondro Frases cherbedhos de molente, baliodho, ses mannu ma no bales mesu iscudu! ◊ custu baliodho mi nat chi sunt issolórios ◊ custas sunt pandheras de tempos baliodhos! Tradutziones Frantzesu nigaud, balourd, niais Ingresu foolish, idiot Ispagnolu bobo Italianu babbèo Tedescu Tölpel.

brabàllu , agt, nm: brabballi, brabballu Definitzione nau de ccn., chi si lassat pigare in giru, cullonare, chi no est bonu a nudha Sinònimos e contràrios babbalocu, bambioco, bovo, deleadu, tzinnai | ctr. abbistu Frases brabballi tontu, a genti aici fait is arregalus!… Ètimu srd. Tradutziones Frantzesu imbécile, abrutinigaud, balourd, bête Ingresu foolish Ispagnolu necio, bobo Italianu scimunito, melènso Tedescu dumm, Dummkopf.

bucallòto, bucallótu, bucalótu , agt, nm: bucarotu Definitzione tontatzu, chi est pagu abbistu Sinònimos e contràrios babbalocu, bibbillocu, bucabbentu, bucamindotu, gingiorre, tolondro Frases pro dare su votu a unu bucallotu de s'ischeda ndhe fato unu zirotu e poi bi l'ataco a su chervedhu! ◊ ancora esistit calchi bucalloto chi l'adorat che unu santu in bida Ètimu srd. Tradutziones Frantzesu stupide, bête, idiot, balourd, nigaud Ingresu stupid, dullard Ispagnolu estupido Italianu stùpido, balórdo Tedescu dumm, Tölpel.

gingiòrre, gingiòrro , nm Definitzione unu tontatzu Sinònimos e contràrios babbalocu, galabboi, tolondro Tradutziones Frantzesu balourd, nigaud Ingresu stupid Ispagnolu tonto Italianu balórdo, stùpido Tedescu Dummkopf.

manàgu , agt, nm Definitzione persona de pagu contu, chi no est de pònnere in càrculu, chi si lassat pigare in giru, chi no est bonu a nudha, istrossa Sinònimos e contràrios bovo, cocollodho, cumbessu, dissalliu, drodhe / ildeoltu, stramu / cartzellete, fardugu, lertone | ctr. àbbile Frases managu dèu ca no seu bonu a fai nudha! ◊ trabballendu, si fut acatau ca managu no fut ◊ mancai sia unu pagu managa, sa bestimenta ti dh'arràngiu dèu ◊ ses tui su managu chi arrogat is tassas isciacuendidhas!◊ chini at fatu custu trabballu fut managu: lah, totu fatu mali est! Terminologia iscientìfica ntl Ètimu spn. monago Tradutziones Frantzesu incapable, nigaud, balourd, niais Ingresu clumsy, foolish, incompetent, idiot Ispagnolu bobo Italianu gòffo ed inètto, incapace, babbèo Tedescu dumm, Tölpel.

mangallói , agt, nm: manghilloi Definitzione chi o chie si lassat cullonare cun facilidade; persona manna meda, arta e grussa Sinònimos e contràrios babule, baliodha, bambarru, bichilloi, bichimmeo, bovatzu, bucalloto, gingiorre, prantamone, tolondro / giangalloi Tradutziones Frantzesu couillon, nigaud, balourd, niais Ingresu dope Ispagnolu papanatas Italianu minchióne, babbèo Tedescu dumm.

tolòndro, tolóndru , nm, agt Definitzione chi o chie est tontatzu, pagu abbistu, pagu iscidu Sinònimos e contràrios babbalocu, toleo | ctr. abbistu, ispabillu Frases sa maghia esistit solu pro chie bi creet, pro sos tolondrones! ◊ cussas essitas parent tolondras a mie etotu! Ètimu spn. tolondro Tradutziones Frantzesu balourd Ingresu slow-witted, dullard Ispagnolu tolondro Italianu balórdo Tedescu dumm.