Ditzionàriu in línia
de sa limba e de sa cultura sarda

ballallòe, ballallói, ballalói , agt, nm Definitzione chi o chie est pagu abbistu: foedhu po unu bonu a nudha Sinònimos e contràrios babballucu, ballullu, bichillocu, canivete, innóchidu, lolle, mentzosu Frases unu pódhighe inditat sa luna: su ballalloi mirat su pódhighe ◊ cussa est una fémina ballalloa ◊ est restatu a buca abberta che ballalloi ◊ so de abberu unu criu de casu friscu e unu ballalloi! ◊ s'ómine chi no est istirau a minore torrat a risu de cada unu, resurtat unu ballaloi Ètimu srd. Tradutziones Frantzesu crétin, idiot, imbécile Ingresu idiot Ispagnolu bobo, tonto Italianu cretino, fésso Tedescu dumm, Tölpel.

bòvo , agt, nm: bovu Definitzione nau de ccn., chi si lassat pigare in giru, si lassat cullonare / faisí su b. = fàghere finta de nudha, betàresi a tontu Sinònimos e contràrios billella, bovatzu, bovete, brabballu, bucamindotu, gongoatzu, lollòi, matacaleo, noscentone, scimprotu, tontassu Frases càgliadi, bovo, già ti do su médiu si no ischis su contu de leare! ◊ a chini fait su bovu dognunu dh'apetigat ◊ bova, bi devias pensare prima! ◊ curiosa dieta Semprónia gliusca, simplota e bova ◊ a sos bovos lis faghent crere una cosa pro un'àtera ◊ lassant is pipius a solus ananti de cussa incanta bovus de televisioni! (P.Pisu) Terminologia iscientìfica ntl Ètimu ctl., spn. Tradutziones Frantzesu simplet, nigaud, gauche Ingresu clumsy, sucker Ispagnolu bobo, tonto Italianu sempliciòtto, gòffo Tedescu Dumme, plump.

gingiòrre, gingiòrro , nm Definitzione unu tontatzu Sinònimos e contràrios babbalocu, galabboi, tolondro Tradutziones Frantzesu balourd, nigaud Ingresu stupid Ispagnolu tonto Italianu balórdo, stùpido Tedescu Dummkopf.

isaliàdu , agt Definitzione chi no portat salia, sale, o sustàntzia; chi faet is cosas cun pagu atentzione Sinònimos e contràrios babbaocu, bacocu, bambarru, barbuliscu, isàpidu, issemechiau | ctr. abbistu, acabadu, atentzionadu, cabosu Frases no cumprendho chi un'isaliadu e mesu matracheri, ridíndhesi de totu, mi domandhet su votu pro èssere deputadu o cussizeri! (M.Sanna)◊ ma ses macu isaliadu, mih! Ètimu srd. Tradutziones Frantzesu sot Ingresu fool Ispagnolu bobo, tonto Italianu sciòcco Tedescu dumm, fad.

isènte , agt, nm: isentu, ixente Definitzione chi o chie tenet de naschia pecu mannu a sa carena, o fintzes chi at tentu dannu mannu de dh'àere istrupiau; chi est chentza cabu in manera grave de no bàlere de conca Sinònimos e contràrios diculau, imprestile, irvàlitu, iscalfante, isentiau, istropiadu, lertone, tzémiu, tzómigu / iscabadu, labadu | ctr. àbbile 1 Frases fit unu chi teniat dolu de sa zente isenta ◊ cudhu isentu no si abbalet mancu a si bufare abba, a solu 2. deghe piciocas ant leadu sas làmpanas e sunt andhadas a atopare su cojadu nou: chimbe fint isentas e no ant leadu s'ozu, chimbe fint sàbias e ant leadu s'ozu puru paris cun sas làmpanas Tradutziones Frantzesu invalide, inepte Ingresu disable (person), stupid, fool, incompetent Ispagnolu minusválido, estúpido, tonto Italianu invàlido, inètto, stúpido Tedescu invalide, untüchtig, albern

mammalúcu , agt, nm Definitzione chi o chie est pagu abbistu Sinònimos e contràrios babballucu, ballullu, bichillocu, innóchidu, lolle, mamusocu Frases bellus mammalucus chi creint ancora a sa boxi ingannadora de is cucus! ◊ cussu est unu mammalucu, sentza perunu cumprendóniu ◊ cussu mammalucu de fillu miu a trint'annus est bagadiu ca timit a tocai fémina! Ètimu itl. mammalucco Tradutziones Frantzesu nigaud, sot, bête Ingresu booby Ispagnolu bobo, tonto Italianu allòcco, balórdo Tedescu dumm, Tölpel.

scímpri , agt, nm: scimpru Definitzione chi o chie dhi fartat meda s'inteligéntzia Sinònimos e contràrios bichillocu, cadhuabba, carusci, innóchidu, ispistulonadu, listrone, macu, scioncu, simple*, tontarrone, trasciadu | ctr. àbbili, abbistu, intelizente Frases ma it'est, scimpru o basucu tontu, ca no cumprendit nudha?! ◊ mi at pigau coment'e unu macu, coment'e unu pipiedhu scimpri! Ètimu ctl. ximple Tradutziones Frantzesu sot Ingresu dumb Ispagnolu tonto Italianu scémo Tedescu dumm.

tóntu , agt, nm Definitzione chi o chie no tenet s'abbilesa, sa capacidade de cumprèndhere o chi cumprendhet tropu pagu Sinònimos e contràrios càdumu | ctr. abbistu, inteligenti Maneras de nàrrere csn: t. che napu, che s'orbada, che sa bia, che una sépia, che unu prupu, che sa perda, che orroda de carru = tontu meda; t. ispaciau de crèsciri = tontu de natura, abarrau tontu apustis chi est créscidu puru, tontu e mutu!; tontixedhu!… = tontu meda; betàresi a t. = fai su tontu, fai fintas de no cumprèndiri; tontu tontu, … = belle e chi est/paret tontu…, mancai tontu siat… Frases sos míseros de benes e de pannos, pro chi sient astutos, parent tontos (M.Murenu)◊ ita ti creis, chi a cussu, poita est tontu, dh'imbovas cumenti bolis?! ◊ dannu de medas consolu de tontos 2. adiu, Nanne, tènedi contu: faghe su surdu, bètadi a tontu! ◊ tontu tontu, si che at leadu una rica a muzere, mih! Terminologia iscientìfica ntl Ètimu spn. tonto Tradutziones Frantzesu sot, sotte, bête Ingresu dense, simpleton Ispagnolu tonto Italianu tónto Tedescu dumm.