Legenda Incurtzaduras | Legenda Sìmbulos

ballallòe, ballallói, ballalói , agt, nm Definitzione chi o chie est pagu abbistu: foedhu po unu bonu a nudha Sinònimos e contràrios babballucu, ballullu, bichillocu, canivete, innóchidu, lolle, mentzosu Frases unu pódhighe inditat sa luna: su ballalloi mirat su pódhighe ◊ cussa est una fémina ballalloa ◊ est restatu a buca abberta che ballalloi ◊ so de abberu unu criu de casu friscu e unu ballalloi! ◊ s'ómine chi no est istirau a minore torrat a risu de cada unu, resurtat unu ballaloi Ètimu srd. Tradutziones Frantzesu crétin, idiot, imbécile Ingresu idiot Ispagnolu bobo, tonto Italianu cretino, fésso Tedescu dumm, Tölpel.

crichète , nm Definitzione persona, unu de pagu giudu Sinònimos e contràrios listrone, lolle, scimpri, tontassu, tontarrone Tradutziones Frantzesu crétin Ingresu nitwip Ispagnolu tontarrón Italianu fessacchiòtto Tedescu kleiner Dummkopf.

lòlle , agt, nm Definitzione coment'e lodhe etotu, machisonzu, pagu abbistu / min. lolledhu Sinònimos e contràrios ballalloe, balossu, scimpri, sciollocau, locu, lollòi Maneras de nàrrere csn: fàghere sa tucada de l. = andai e no torrai prus; abbarrare coment'e unu l. = coment'e atontadu, meravizadu chentza cumprèndhere Frases sa tucada de Lolle chi fetat! ◊ cussu lolledhu puru a èssi bófiu cudha baborda!…◊ scit ita faint a custa lolledha? candu dha bint inchieta dhi ghetant su bratzu asuba e dhi cantant cancuna cosa! ◊ si l'est pompiandhe che lolle, a buca aperta Ètimu srd. Tradutziones Frantzesu crétin, idiot, imbécile, sot, stupide Ingresu idiot Ispagnolu imbécil Italianu cretino Tedescu Dumm.

tontarròne , nm, agt: tontorrone Definitzione chi o chie est de pagu cumprendhóniu, pagu abbistu, chi si lassat cullonare: si narat fintzes in cunfiantza a unu tanti po fàere pagu aprétziu su chi narat o chi faet Sinònimos e contràrios fabbiocu, innóchidu, listrone, scimpri, tontone | ctr. abbistu, filone 2, intelizente Frases caru tontarrone, ti deves dimmítere de síndhigu! ◊ apo bidu tzertos tontorrones figurendhe che tantos Salomones ◊ a chie furat milliones lu lassant andhare, a su tontorrone chi furat carchi cosighedha li daent annos de galera 2. ma ses tontorrone, mih, a crere a totu su chi ti narant! Terminologia iscientìfica ntl Ètimu spn. Tradutziones Frantzesu crétin Ingresu clot Ispagnolu tontarrón Italianu fessacchiòtto Tedescu kleiner Dummkopf.

«« Torra a chircare