Legenda Incurtzaduras | Legenda Sìmbulos

babbalócu , nm: babbalucu Definitzione unu chi est fatu deasi tropu a sa bona, tontatzu, chi si lassat fàere de totu; genia de bobboi Sinònimos e contràrios baliodha, bambarru, bichimmeo, bucalloto, cocollodho, gingiorre, mamusocu, prantamone, tolondro / babbarrotu, babbasaju, partabúdiga, perta, sasàgia, scarfajoni | ctr. abbistu, ispabillu Ètimu itl. babbalocco Tradutziones Frantzesu nigaud, balourd, niais Ingresu idiot Ispagnolu bobo Italianu babbèo, balórdo Tedescu Tölpel.

baliòdha, baliòdho , nm Definitzione unu pagu abbistu, tontatzu Sinònimos e contràrios babule, ballullu, bichimmeo, bucalloto, cocollodho, gingiorre, prantamone, tolondro Frases cherbedhos de molente, baliodho, ses mannu ma no bales mesu iscudu! ◊ custu baliodho mi nat chi sunt issolórios ◊ custas sunt pandheras de tempos baliodhos! Tradutziones Frantzesu nigaud, balourd, niais Ingresu foolish, idiot Ispagnolu bobo Italianu babbèo Tedescu Tölpel.

ballallòe, ballallói, ballalói , agt, nm Definitzione chi o chie est pagu abbistu: foedhu po unu bonu a nudha Sinònimos e contràrios babballucu, ballullu, bichillocu, canivete, innóchidu, lolle, mentzosu Frases unu pódhighe inditat sa luna: su ballalloi mirat su pódhighe ◊ cussa est una fémina ballalloa ◊ est restatu a buca abberta che ballalloi ◊ so de abberu unu criu de casu friscu e unu ballalloi! ◊ s'ómine chi no est istirau a minore torrat a risu de cada unu, resurtat unu ballaloi Ètimu srd. Tradutziones Frantzesu crétin, idiot, imbécile Ingresu idiot Ispagnolu bobo, tonto Italianu cretino, fésso Tedescu dumm, Tölpel.

bichillócu , agt, nm Definitzione chi est tontatzu, pagu abbistu Sinònimos e contràrios gallullu, innóchidu, ispistulonadu, listrone, macu, scimpri, scioncu, tontarrone Tradutziones Frantzesu idiot Ingresu idiot Ispagnolu idiota Italianu idiòta Tedescu dumm, Dummkopf, Idiot.

casticàtu, casticàu , pps, agt, nm: castigadu, castigau Definitzione de casticare; nau de unu, chi no tenet abbilidade nudha nudha, chi no est bonu a nudha, fatu e lassau; chi o chie tenet difetu mannu de sa naschia Sinònimos e contràrios caltigu, cartzellete, fadadu, iltrudhadu, indelvesu, isente, lertone, strupiau | ctr. àbbile 1, balente 2. ma est castigadu, mih, a istare pastorighendhe cun duos fiados: andhe chi bi est, a si ndhe podiat leare medas?! ◊ cussos castigados no sunt bonos mancu a si segare casu! ◊ castigadu, mancu su fogu ti as fatu, morindhe de fritu! ◊ iscadha, casticatu: unu non devet èssere simproto! 3. fit abbarrau che casticau: no aiat àpiu mancu su tempus de apèrrere buca ◊ menzus castigadu dae Deu chi no corrudu e fizu de bagassa ◊ Gesús a inghíriu aiat una truma manna de zente chi li giuteint topos, castigados e tzegos Terminologia iscientìfica ntl Tradutziones Frantzesu incapable, déficient Ingresu idiot Ispagnolu incapaz Italianu inètto, deficiènte Tedescu untüchtig.

lòlle , agt, nm Definitzione coment'e lodhe etotu, machisonzu, pagu abbistu / min. lolledhu Sinònimos e contràrios ballalloe, balossu, scimpri, sciollocau, locu, lollòi Maneras de nàrrere csn: fàghere sa tucada de l. = andai e no torrai prus; abbarrare coment'e unu l. = coment'e atontadu, meravizadu chentza cumprèndhere Frases sa tucada de Lolle chi fetat! ◊ cussu lolledhu puru a èssi bófiu cudha baborda!…◊ scit ita faint a custa lolledha? candu dha bint inchieta dhi ghetant su bratzu asuba e dhi cantant cancuna cosa! ◊ si l'est pompiandhe che lolle, a buca aperta Ètimu srd. Tradutziones Frantzesu crétin, idiot, imbécile, sot, stupide Ingresu idiot Ispagnolu imbécil Italianu cretino Tedescu Dumm.

manàgu , agt, nm Definitzione persona de pagu contu, chi no est de pònnere in càrculu, chi si lassat pigare in giru, chi no est bonu a nudha, istrossa Sinònimos e contràrios bovo, cocollodho, cumbessu, dissalliu, drodhe / ildeoltu, stramu / cartzellete, fardugu, lertone | ctr. àbbile Frases managu dèu ca no seu bonu a fai nudha! ◊ trabballendu, si fut acatau ca managu no fut ◊ mancai sia unu pagu managa, sa bestimenta ti dh'arràngiu dèu ◊ ses tui su managu chi arrogat is tassas isciacuendidhas!◊ chini at fatu custu trabballu fut managu: lah, totu fatu mali est! Terminologia iscientìfica ntl Ètimu spn. monago Tradutziones Frantzesu incapable, nigaud, balourd, niais Ingresu clumsy, foolish, incompetent, idiot Ispagnolu bobo Italianu gòffo ed inètto, incapace, babbèo Tedescu dumm, Tölpel.

«« Torra a chircare