Ditzionàriu in línia
de sa limba e de sa cultura sarda

abbrubudhài , vrb: brubudhai Definitzione istidhigare a fora, nau de abba o cosas deasi budhindho; essire a fora, nau de s'abe noa; nau de gente, foedhare in contràriu cun arrennegu Sinònimos e contràrios frofoai, ischigliare, ischiglionare, isprupudhai, sbrufare, sbrufulai Frases lah, lah ca si ndi abbrubudhat sa pingiada! ◊ su cafei si ndi est abbrubudhau ◊ si ndi abbrubudhat su sànguini de cantu est sa tírria!◊ it'ómini travessu, si ndi abbrubudhat che lati in su casidhu! Ètimu srd. Tradutziones Frantzesu gicler Ingresu to spurt Ispagnolu abantar, rebosar Italianu schizzare Tedescu überlaufen.

ciúrru , nm: (su c. = nr. suciúrru) turru tzurru Definitzione abba chi essit a bullu, coment'e budhindho, e fintzes chi si ndhe pesat in artu, a pressione / bufai a c. = parendhe sa buca a s'abba chi essit a bullu o falat de artu Sinònimos e contràrios ischitzirodhu, isciúscidu, ispíndua, spiciurru Frases est unu mitzarxu sempri a ciurrus ◊ carrafinas de cussas po biri a ciurru ◊ is ciurrus de sa vasca ◊ s'àcua essit a ciurrus Tradutziones Frantzesu jet d'eau Ingresu spurt Ispagnolu chorro Italianu zampillo Tedescu Strahl.

irrusciàre , vrb Definitzione essire a tzurros, benare a forte, a búdhidu Sinònimos e contràrios spendulai, spiciurrai, tzurrai Frases ancora li fit irruscendhe su sàmbene dai sa lanta 2. su perdonu beneitu irrúsciat dae sa fide che funtana (G.Fiore) Ètimu ctl. arruixar Tradutziones Frantzesu jaillir Ingresu to spurt Ispagnolu chorrear Italianu zampillare, sprizzare Tedescu hervorspritzen, sprühen.

isciúscidu , nm Definitzione tzurru mannu de abba chi essit a fortza Sinònimos e contràrios ciurru, spiciurru Frases istofat a fundhu in terra finas a bíere a isciúscidu s'abba Ètimu srd. Tradutziones Frantzesu jet Ingresu spurt Ispagnolu surtidor, chorro Italianu zampillo Tedescu Wasserstrahl.

mizài , vrb Definitzione essire abba, comente faet in is venas, in is funtanas Sinònimos e contràrios benai Frases in s'arroca mizat àcua frisca ◊ is làgrimas mizant de is ogus faendi surcus in is trempas impruinadas Ètimu srd. Tradutziones Frantzesu jaillir Ingresu to spurt Ispagnolu brotar, manar Italianu sgorgare Tedescu quellen, sprudeln.

spiciurrài , vrb Definitzione essire a ciurrus, a tzurru, nau de sàmbene, abba o àteru deasi Sinònimos e contràrios irrusciare, ispinduai, tzurrai Ètimu srd. Tradutziones Frantzesu jaillir Ingresu to spurt Ispagnolu manar, brotar Italianu zampillare Tedescu hervorschießen.

spiciúrru , nm Definitzione abba o àteru deasi chi essit e s'inartat coment'e a bullu, a tzurru, cun fortza a cara a in artu / spiciurru de sànguni Sinònimos e contràrios ciurru, isciúscidu Frases po isbàgliu nci at furriau su frascu e nd'est bessia s'àcua a spiciurrus Ètimu srd. Tradutziones Frantzesu flot Ingresu spurt Ispagnolu chorro Italianu fiòtto Tedescu Strom.