Ditzionàriu in línia
de sa limba e de sa cultura sarda

arrembulài , vrb: arrumbiai, arrumbuai, arrumbulai, orrumbulai, romulare Definitzione andhare coment’e cosa tundha, a bisura de orroda (segundhu de ite si foedhat, no tanti bene, andhare cun dificurtade) Sinònimos e contràrios arrodulare, cadhinare, codulare, istirigare, lodhurare, lumburare, rodhulare, trodhulare, tromedhare, trumbulare Frases arrúmbula sa carrada po dh'isciacuai! ◊ nc'est arrumbulau de s'iscala ◊ est pitichedhedhu e arrúmbuat puru cument'e unu cíxiri 2. sa vida fut andendu ainnantis arrúmbua arrúmbua Ètimu ltn. rhombus Tradutziones Frantzesu dégringoler (dans), rouler Ingresu to tumble down Ispagnolu rodar Italianu ruzzolare Tedescu hinunterrollen.

arrumbiàda , nf: arrumbulada Definitzione orruta a orrumbuladura Ètimu srd. Tradutziones Frantzesu roulade Ingresu tumble Ispagnolu caída Italianu rotolóne Tedescu Sturz.

bortulàda , nf Definitzione su bortulare Sinònimos e contràrios arrumbulada, bórtule, lodhurada Ètimu srd. Tradutziones Frantzesu dégringolade Ingresu tumble Ispagnolu caída Italianu ruzzolata Tedescu Rollen, Kollern.

concurumbédhu , nm, nf: cucaramedhu, cucurimbedhis, cucurimbedhu, cucurimbelli, cucurimelli, cucurubbedhu, cucurumbedha, cucurumbedhu, cucurumedhu 1, cuncrumbedhu, cuncurimbedhis, cuncurrumbedhu, cuncurumbedhu Definitzione orrúmbulu chi si faet cun totu sa carena ponendho su cúcuru in terra, faendho su corpus agiummai a lómboru, e giaendho un'ispinta cun is peis a che furriare / fai fai su cucurumbedhu a unu = fagher rúere a unu a conca a terra, a cradascúcuru Sinònimos e contràrios cardugúcuru, cucurinculu, cucuriscàrgiu, cucuritu, cucurufichidu, furriagallu, scrucudiscarci, trodhulone Frases abbascendindi de su Bastioni totus ant a fai su cucurumbedhu! ◊ fato cucurumedhos in continu, ispingo, tiro calches in lestresa ◊ gei no apu a depi fai binti cuncurumbedhus po isciamigai su pràngiu! Ètimu srd. Tradutziones Frantzesu culbute, cabriole Ingresu tumble, somersault Ispagnolu cabriola, tumbo Italianu capitómbolo, capriòla Tedescu Purzelbaum, Kapriole.

cucuriscàrgiu , nm: cucuruscàgliu, cucuruscàlgiu, cucuruscàrciu, cucuruscàrgiu, cucuruscallu, curcuriscarju Definitzione manera de orrúere a orrumbululadura, prus che àteru a giogu, ponendho sa conca in terra, e orrumbulandho totu sa carena a cara a denanti ispinghendho cun is peis Sinònimos e contràrios bubbuliscàrcini, càgliu 2, cardugúcuru, concurumbedhu, cucuritu, cucuruvichidu, furriagallu, iscucuricàrgiu, scrucudiscarci, trodhulone Frases teni passiéntzia, ma ita bolis, chi mi ponga a fai cucuruscàrgius? Terminologia iscientìfica ggs Ètimu srd. Tradutziones Frantzesu cabriole, culbute Ingresu tumble, somersault Ispagnolu cabriola Italianu capitómbolo, capriòla Tedescu Purzelbaum, Kapriole.

issònco , nm Definitzione orrutòrgia, istrampada mala / giare un'i. = arrúiri, donai un'arrutroxa Sinònimos e contràrios iscartinada, orrudòrgia Tradutziones Frantzesu chute, dégringolade Ingresu tumble Ispagnolu caída, revolcón Italianu ruzzolóne Tedescu Fall, Sturz.

lodhuràre , vrb: ludhurare Definitzione andhare girandho de parte in parte, orrumbulandho coment'e orroda o àtera cosa tundha Sinònimos e contràrios arrembulai, arrodulare, cadhinare, codulare, loturare, rodhulare, torrulare, trodhulare, tromedhare, trumbulare Frases sos pitzinnos poniant sos chírchinos a lodhurare pro los cúrrere ◊ at fatu lodhurare una pedra manna addainanti de sa zanna Ètimu srd. Tradutziones Frantzesu dégringoler (dans), rouler Ingresu to tumble down Ispagnolu rodar Italianu ruzzolare Tedescu hinunterrollen.

rodhulàre , vrb Definitzione andhare orrúmbula orrúmbula, coment'e un'orroda o àteras cosas tundhas Sinònimos e contràrios arrembulai, cadhinare, codulare, lodhurare*, loturare, lumburare, torrulare, trodhulare, tromedhare Frases bi at pagas domos rutas, isperrumadas dae unu crastu chi ndh'est faladu rodhulendhe dae sa costera Tradutziones Frantzesu dégringoler Ingresu to tumble down Ispagnolu rodar Italianu ruzzolare Tedescu hinunterrollen.

trabintàda , nf Definitzione orruta mala Sinònimos e contràrios arratroxa, iscartinada, iscorjada, istrampada Tradutziones Frantzesu culbute, dégringolade Ingresu big tumble Ispagnolu caída Italianu tombolóne Tedescu schwerer Sturz.

trodhulàre , vrb: trudholare Definitzione mòvere, andhare a orrumbuladura, movendhosi coment'e orroda, cosa tundha Sinònimos e contràrios arrembulai, cadhinare, codulare, lodhurare, lumburare, rodhulare, torrulare, trodulare Frases l'ispinghesit a folte e che tumbulesit in sas iscalinas trodhulenne fintzas a funnu Ètimu srd. Tradutziones Frantzesu dégringoler, rouler Ingresu to tumble down Ispagnolu rodar Italianu ruzzolare Tedescu hinunterrollen.