carúmene 1 , nm Definitzione ischivoria de boe, ladamíngiu de pegus de bulu, candho est frisca Sinònimos e contràrios merdaula, merdóina Tradutziones Frantzesu fumier du bœuf Ingresu ox manure Ispagnolu fimo, estiércol del buey Italianu fimo del bue Tedescu Kot.

istèrca , nf, nm: istercu, istergu, stercu Definitzione su chi abbarrat in istentinas de totu su chi si papat po ndhe dhu fàere andhandho de su corpus; a logos dhu narant a sa bentre o fintzes solu a s'istògomo Sinònimos e contràrios cascasina, ladàmene, melda Maneras de nàrrere csn: èssere de i. malu, de mala i. (nadu de zente) = tirriosu, malintrannadu, odiosu, matzabbruta, de naturale malu; isterchibúdidu = odiosu, tirriosu, chi petzi istat pessendhe a fàghere male Frases unu tempus golliant s’istercu de sas béstias pro alletamanare sos ortos ◊ su carrabbusu bivet in mesus de s'istercu ◊ li at rutu supra istercu de rúndhine 2. pienu as s'istergu? 3. cussa est zente de malu istercu, ndhe at ódiu si àtere mezorat in carchi cosa Ètimu ltn. stercus Tradutziones Frantzesu excrément Ingresu dung Ispagnolu estiércol Italianu stèrco Tedescu Kot.

ladàmene , nm: ladàmini, ladammi, laràmini, ledàmene, ledàmine, letàmene, lodami, lodàmini Definitzione css. cosa de genia orgànica bona po ingrassare sa terra, mescamente su chi ndhe faent is animales candho brutant / ledàmine fatu = cotu, irfatu, irfarinadu sicu, in sa mota giusta po dhu betare a sa terra Sinònimos e contràrios istilchinzu, ladamignu, rassa, suale, talàmini / cdh. litàmini Frases in s'atunzu betaiant su ledàmine in su terrinu ◊ dèu mi assutzu su ladàmini e ghetu cosa a is procus! ◊ su ledàmine friscu no est fatu ◊ su dinai!… custu no fiat dinai… lah no si furrit a ladàmini e no ndi pighit fragu Coixedha!◊ su ledàmini si portat a su sartu, si lassat a coi e apustis s'ispainat Ètimu ltn. laetamen Tradutziones Frantzesu fumier Ingresu manure Ispagnolu estiércol Italianu letame Tedescu Mist.

«« Torra a chircare