Ditzionàriu in línia
de sa limba e de sa cultura sarda

abbentadítu , agt Definitzione dhu narant de unu puntedhu, cambu longu de mata, pértiga o àtera cosa longa meda chi no abbarrat tètera e s’indruchet cun facilidade candho dha fortzant (comente faet su bentu o unu pesu); nau de css. materiale, chi s’indruchet chentza si truncare / àrbure, bértiga, camba abbentadita = chi s'incruat, s’indullit meda Sinònimos e contràrios alletiosu, bolàntigu, lentu, mugiaditu Frases ndhe sego rampos abbentaditos de sa edra ◊ giuncu abbentaditu bi creschet in sos rios Ètimu srd. Tradutziones Frantzesu flexible Ingresu flexible Ispagnolu flexible, correoso Italianu flessìbile Tedescu flexibel.

léntu , agt Definitzione chi si atrótigat cun facilidade chentza si segare; nau de sa manera de fàere o de si mòvere, chi est chentza presse / avb. a lentu = abbellu, a lente, a lenu; andhare a passos lentos = abbellu, chentza presse Sinònimos e contràrios alletiosu, corjatu, corriatu, flúsciu, lenu | ctr. àrridu, chídrinu, stochinu, tracaditu / chíbbalu, crispu Frases fit lentu che lentzolu lavatu ◊ su pane de fresa o carasau apenas cotu, chentza assadu, est lentu ◊ bi at linnas lentas (as. sa chessa) e linnas crídinas ◊ sos ramos de s'ozastru sunt lentos ◊ lis at postu paja de cótzulas lentas supra de sa mesa 2. ant torradu a sonare a tiradas lentas sas campanas ◊ oras che passant che séculos lentas avelenanne dogni presente incantu Sambenados e Provèrbios smb: Lentu Ètimu ltn. lentus Tradutziones Frantzesu flexible, pliable Ingresu pliable, soft Ispagnolu flexible, blando Italianu flessìbile, pieghévole, mòrbido Tedescu biegsam, flexibel.

modhítzu , agt, nm: mudhíciu Definitzione chi est modhe, chi est bonu a indrúchere, chi atrótigat chentza dificurtade; a logos, modhitzi, chessa / chessa mudhícia = chessa, modhici Sinònimos e contràrios lentu, madhitzosu, modhe / modhici | ctr. téteru, tostadu Frases ite bella chi ses candho a murmutu t'intendho supra de sos chimizones modhitzos! 2. su modhitzu fait su chinisu prus bellu po sa lissia Ètimu srd. Tradutziones Frantzesu moelleux, ductile, souple (fig.), flexible Ingresu soft, pliant Ispagnolu blando, dúctil, flexible Italianu sòffice, dùttile, flessìbile Tedescu weich, biegsam, biegbar.

mugiadítu , agt: muxaditu Definitzione chi trochet bene, cun facilidade, chi no est téteru Sinònimos e contràrios abbentaditu, bolàntigu, lentu | ctr. chídrinu, téteru Frases sas frunzas de chessa sunt muxaditas Ètimu srd. Tradutziones Frantzesu flexible Ingresu flexible Ispagnolu flexible Italianu flessìbile Tedescu biegsam, flexibel.