coramedhósu , agt Definitzione
nau de erba, chi est modhe, modhe che coromedhu
Sinònimos e contràrios
gevi
| ctr.
tostadu
Frases
custas funt bellas follas friscas e coramedhosas
Ètimu
srd.
Tradutziones
Frantzesu
tendre,
mou
Ingresu
tender
Ispagnolu
tierno
Italianu
tènero
Tedescu
weich.
fodhósu , agt Definitzione
chi est modhe, chi tocandhodhu abbàsciat coment'e fodhe prenu de ària
Sinònimos e contràrios
lentu,
madhitzosu,
modhanu,
modhe,
modhitzu
| ctr.
téteru,
tostu
Ètimu
srd.
Tradutziones
Frantzesu
moelleux,
léger,
doux
Ingresu
soft
Ispagnolu
blando,
suave
Italianu
sòffice
Tedescu
weich.
isponzàtzu , agt, nm: ispugnatu,
spongiatzu Definitzione
nau pruschetotu de su pane grussu pesau bene, chi est bene ispongiau, chi paret un'ispòngia, modhe, chi est unu pagu coment'e ispòngia, totu a buidedhos; unu druche
Sinònimos e contràrios
isbumburronadu,
modhanu,
pugnatu,
spongiosu
| ctr.
tipiu
/
matosu
Frases
su casu cheret fitu, su pane ispugnatu ◊ candho su pane russu est cotu, sa matza est isponzatza
Ètimu
spn.
esponjado
Tradutziones
Frantzesu
spongieux,
moelleux,
douillet
Ingresu
spongy,
soft
Ispagnolu
pan bien fermentado
Italianu
spugnóso,
sòffice
Tedescu
schwammig,
weich.
ledrelèdre , agt, avb: lerdelerde Definitzione
(si narat fintzes chentza repitia) chi est modhe coment'e gheladina, modhe modhe chi no faet a dhu pigare, nau fintzes coment'e avb. de una manera de fàere cun delicadesa e istima
Sinònimos e contràrios
gevi,
modhincu
/
lecheleche,
plodhe
Frases
custa cosa est ledreledre, no faghet mancu a la leare! ◊ li frobbo sa massidha colorida, ledre ledre, e li dao unu basitu, a sa criadura ◊ fint ómines bastantes, zughiant galu fortza fintzas si sos músculos fint benzendhe a èssere ledres
2.
a s'incontru ispessadu, faedhemus gai ledre ledre, sos ojos a lughe intrea
Tradutziones
Frantzesu
tendre,
tendrement,
mou
Ingresu
softish,
tender (ly)
Ispagnolu
blando,
flojo,
tierno,
tiernamente
Italianu
mollìccio,
semidènso,
inconsistènte,
tènero,
teneraménte
Tedescu
weich.
modhítzu , agt, nm: mudhíciu Definitzione
chi est modhe, chi est bonu a indrúchere, chi atrótigat chentza dificurtade; a logos, modhitzi, chessa / chessa mudhícia = chessa, modhici
Sinònimos e contràrios
lentu,
madhitzosu,
modhe
/
modhici
| ctr.
téteru,
tostadu
Frases
ite bella chi ses candho a murmutu t'intendho supra de sos chimizones modhitzos!
2.
su modhitzu fait su chinisu prus bellu po sa lissia
Ètimu
srd.
Tradutziones
Frantzesu
moelleux,
ductile,
souple (fig.),
flexible
Ingresu
soft,
pliant
Ispagnolu
blando,
dúctil,
flexible
Italianu
sòffice,
dùttile,
flessìbile
Tedescu
weich,
biegsam,
biegbar.
prúde , agt: pudre Definitzione
chi si segat cun facilidade, chi no agguantat a dhu fortzare (nau de filu o de àteru coment'e pudrigau), modhe, chi si faet a farinos (nau de terra, de pane, druche); nau de gente, chi no mantenet segretu (culiprude)/ late pudre pudre = lati cun su callu, callendisí
Sinònimos e contràrios
àrridu,
chídrinu,
isfarinosu
/
isponzatzu,
modhitzu
/
fràzigu
Frases
sa cota no fit essia male: su pane carasau fit prude e saporiu ◊ sos pabassinos sunt pudres ◊ tue puru ses fizu de Adamu e des torrare, che totu, in peúere e de truncu pudre prudigadu ramu (P.Casu)◊ úlimu de su càntaru, como ses légiu, irmutzurrau e prude
2.
atraessamus sa sémida olvidada de pudres sónnios, presoneris de sos intrinos…
Ètimu
ltn.
putre(m)
Tradutziones
Frantzesu
friable
Ingresu
crumbly
Ispagnolu
deleznable
Italianu
friàbile,
fròllo
Tedescu
mürbe,
weich.
pugnàtu , agt Definitzione
nau pruschetotu de pane grussu, chi est ispongiau bene, chi est cotu paret ispòngia
Sinònimos e contràrios
isbumburronadu,
isponzatzu,
modhanu,
spongiosu
Ètimu
srd.
Tradutziones
Frantzesu
moelleux
Ingresu
soft
Ispagnolu
blando
Italianu
sòffice
Tedescu
weich.