Legenda Incurtzaduras | Legenda Sìmbulos

cunsòlza , nf: cunsorza, cussòglia, cussolza, cussòrgia, cussorja, cussorxa, cussorza Definitzione prus che àteru, su logu a ue faet fúrriu unu pastore, ue tenet su bestiàmene a pàschere; si narat fintzes de totu unu logu, unu sartu o fintzes de tantos sartos, de una o de tantas bidhas Sinònimos e contràrios ammindha, segadu / leada Maneras de nàrrere csn: sbaratzamí sa cussòrgia! = essimiche dae cue!, baidindi allestru!, sbordígia!; essíreche foras de cussorza (in carchi chistione) = fai contus macus, isbagliaus Frases est sempre cun sa tasca a pala girendhe sa cussorza ◊ su pastore at cambiadu sa cunsorza ca, ue fit, su logu fit manigadu ◊ is pastoris de sa cussorxa nosta est totu genti chi fait a si fidari 2. s'annu si nch'est issiu ponendhe postema de dolore a sa zente de totu sa cussorja ◊ falat unu ribu chi abbat totu sas cussorjas 3. s'abbocau Pirina fit de sos penalistas prus balentes de sa cussorja 4. tandho arresonaus, ma chena che essire foras de cussorza! Terminologia iscientìfica pst Ètimu ltn. cursoria Tradutziones Frantzesu pâture Ingresu country, grazing Ispagnolu terreno de pasto Italianu zòna adibita a pàscolo, contrada Tedescu Weideland, Gegend.

farràghine , nf, nm: erràine, farràina, farràini, farràinu, farrani, farràniu, ferràghine, ferràina, ferràinu, ferrani, forràina, forràini, forrani, forrània Definitzione erbaju semenau po is animales a foràgiu, mescamente órgiu; fintzes fenarzu o fenumurru Sinònimos e contràrios pamenta Maneras de nàrrere csn: bruja ferràina = limbi malu, limbi mala; andai a forrani = andhare a linna (fine, faschinas) pro su fogu; cambas, bratzus de forrani (nau a menisprésiu)= filivili, tropu fines; cuadhu miu no mòrxasta ca gei crescit su forràini! = itl. campa cavallo chè l'erba cresce; launedha de forrani = pipiriolu de fenu Frases sunt créschidos che farràina in corcadorzos de crapas ◊ in su cungiaredhu su pastori dhoi tenit ferràinu po su bestiàmini ◊ Gavinu teniat cos'e arroghedhu de terra e dh'iat arada a forràini 2. cambas de giuncu, bratzus de forrani, ses tui sa chi tocat su sentidu miu!…(R.Locci) Terminologia iscientìfica msg Ètimu ltn. farragine(m), ferragine(m) Tradutziones Frantzesu fourragère Ingresu grass-land Ispagnolu herbazal, pasto, centenal Italianu erbàio Tedescu Grünland.

mínda, míndha , nf: ammindha, minna Definitzione su terrenu tentu a pàsculu, su pàsculu puru (su chi creschet a solu e fintzes su semenau); a logos est una fune longa po acapiare su cuadhu a manera de pòdere pàschere / min. mindhighedha; prèndhere (su mannale) a mindha = trobeire o prèndhere a cadena de no istesiare; nàsciri a minda = a meda Sinònimos e contràrios cunsolza, musungili, paschidórgiu, pastura Frases no dhue iat mancu unu cantu de minna pro amminnare s'àinu ◊ su pastore deviat dare contu a unu fiotedhu de fiados berveghinos in sa mindha 2. in citadi nascint is domus coment'e su cardulinu a minda! Terminologia iscientìfica pst Tradutziones Frantzesu pâture Ingresu grazing (land) Ispagnolu pasto, dehesa Italianu territòrio a pàscolo Tedescu Weideland, Trift.

paschimènta, paschiméntu , nf, nm: pascimenta, pascimentu Definitzione su pàschere, su istare paschendho, fintzes s'erba de pàsculu; sa paga chi si giaet a su pastore (pruschetotu de pegos mannalitzos po dhos portare a pàschere) Sinònimos e contràrios paschera, paschinzu Frases su pastore fit cun su tazu in paschimenta ◊ su cadhu fit in paschimenta in sa tanca ◊ s'abe est in paschimenta ◊ su bestiàmini nostu fut a duas bortas de cussu de su cumpàngiu e su pascimentu torràt duas a una Ètimu srd. Tradutziones Frantzesu pâturage Ingresu grazing Ispagnolu pasto Italianu pàscolo Tedescu Weide.

paschínzu , nm Definitzione su pàschere; su logu ue paschet su bestiàmene, fintzes su pàsculu, s'erba / èssere in p. = paschendho Sinònimos e contràrios paschera, paschimenta / pàsculu, pastura Frases cue bi at púlighe in paschinzu! ◊ sas arveghes a masone sa mandra dassant umpare pro su paschinzu beranile ◊ sa gama est andhèndheche a su paschinzu nou ◊ non bi at paschinzu in sas pasturas Ètimu srd. Tradutziones Frantzesu pâturage Ingresu pasture Ispagnolu pasto Italianu pàscolo Tedescu Weide.

pastúra , nf Definitzione su logu e s'erba a pàschere / p. franca = pàsculu francu, genia de cuntratu (unu ponet is pàsculos, s'àteru su bestiàmene e su trebballu: su frutu est a mesapare) Sinònimos e contràrios ammindha, erba, paschinzu, pàsculu Frases sunt bichinos de pastura ◊ sos pastores pregant s'abba pro chi crescat sa pastura ◊ truvat su masone a sa ínnida pastura ◊ cussas tancas las tenent issos in pastura ◊ cufromma a sa pastura sa rassura Ètimu ltn. pastura Tradutziones Frantzesu pâturage Ingresu graze Ispagnolu pasto Italianu pàscolo Tedescu Weide.

«« Torra a chircare