Legenda Incurtzaduras | Legenda Sìmbulos

camisèdha , nf Definitzione min. de camisa: camisa pitica o de diferente genia; segundhu su costúmene, sa gunnedha de furesu; su pigighedhu chi bestit su granu de su trigu o de àteru laore (fintzes de su chiu de sa méndhula o cosas deasi) Sinònimos e contràrios camijeta / pidhoncu 2. s'ispiga portat is naus e is naus portant sa camisedha o capa chi finit cun s'arista Terminologia iscientìfica cst, bst Tradutziones Frantzesu chemisier, chemisette, balle du blé Ingresu blouse Ispagnolu camiseta, cascabillo Italianu camicétta, pula Tedescu Bluse, Spreu.

cugudhàu , nm Definitzione su cuguzadu, sa camisa o càscia de su trigu ancora in s'ispiga Sinònimos e contràrios cuguzone, erenzu, iscuguza, scefa, scefabi Frases su trigu fait sa palla de cugudhau ◊ sa paza est fata in fine, ma ancora su cugudhau est meda: moliae! ◊ su trigu si prugat po nd'iscerai su cugudhau chi est abarrau Terminologia iscientìfica rbr Ètimu srd. Tradutziones Frantzesu balle du blé Ingresu husk Ispagnolu cascabillo Italianu lòppa, pula del grano Tedescu Spreu.

ghilipíu , nm Definitzione genia de pruinedhu finivini chi agiummai mancu si biet Sinònimos e contràrios ghitipiu, pilipiu, tilipio, tipidedhu, tipidipi, tipidiu Ètimu srdn. Tradutziones Frantzesu balle, poussière, poudre Ingresu chaff, dust Ispagnolu polvillo Italianu pula, pulvìscolo Tedescu Spreu, Staub.

tipidíu , nm, nf: tipitia, tipitiu Definitzione pruinedhu chi si faet mescamente manigiandho laore; pruinedhu fine fine chi si faet asuta de is letos, in su cugigone de is busciacas, fintzes ispuntadura de pilu, de lana e cosighedhas deasi Sinònimos e contràrios boladia, pilibili, pulina / erenzu, ghilipiu, ghitipiu, pibitza, pilipiu, tilipio, tipidedhu, tipidipi Frases est nudha su tipidiu chi dhui fiat asuta de su letu!… Tradutziones Frantzesu balle, duvet tonture Ingresu husk, down, polling Ispagnolu cascabillo, pelusa, tundidura Italianu lòppa, pula, lanùgine, cimatura Tedescu Spreu, Flaum, Schurwolle.

«« Torra a chircare