Ditzionàriu in línia
de sa limba e de sa cultura sarda

tímpanu , nm: trímpanu Definitzione genia de tumborru, est un'umpedhu de ortigu (a bisura de casidhu, cilíndricu), tupau a una parte cun pedhe de cane istampada in mesu in mesu, cun d-una tricighedha de pilu de cuadhu in pitzu, istirada de unu costau a s'àteru de s'umpedhu: in s'istampu de sa pedhe si faet passare un'ispau, chi comente si tirat sonat frigandhodhu a pódhighes; parte de mesu de s'origa, aintru, tupada a parte e àtera cun d-unu pigighedhu fine fine e tundhitu de pedhe (ma si narat fintzes de custu etotu) Sinònimos e contràrios túnchiu 1 Maneras de nàrrere csn: giúghere a unu che tímpanu in ballu = èssere sa befe de totugantos; portare a unu che trímpanu in festa = leare a corpos Terminologia iscientìfica sjl, crn Ètimu itl. Tradutziones Frantzesu petit tambour, tympan Ingresu eardrum, kettledrum Ispagnolu tímpano Italianu tamburétto, tìmpano Tedescu kleine Trommel.

trechínzu , nm: trichíngiu, trichinzu, trighignu, trighinzu Definitzione nau de bidha, bidhighedha, bidha pitica, medau de una pariga de domos o fintzes bighinau; chedha de animales / Sos Trighinzos = sa leada de Ispollatu, Su Burgu e Bótidha in Sa Costera Sinònimos e contràrios bichinadu, bidhichedha, bidhiciolu, bidrinzu, furriadolzu, leada, madau / arbutzu, assorte, cedha, fiotu, grústiu, tropedhu Frases canno fut biu babbai, Désulu fut divisu in tres trighignos 2. tenet unu trighinzu de erveghes Ètimu ltn. tricinius Tradutziones Frantzesu quartier, petit troupeau Ingresu neighbourhood, little herd Ispagnolu barrio, rebaño pequeño Italianu rióne, pìccolo grégge Tedescu Statdviertel, kleine Herde.

trillítu , nm Definitzione sonàgia pitichedhedhu chi si ponet a unos cantu animales apicada a su tzugu mescamente a trintzilleri, a collana, po is festas Sinònimos e contràrios caciolu, dringhígliu, ischíglia, sonagiolu Terminologia iscientìfica snl Tradutziones Frantzesu petit grelot Ingresu little harness-bell Ispagnolu cascabel, campanilla Italianu sonaglino Tedescu kleine Schelle.

trinnítu , nm Definitzione sa sonàgia prus pitica chi si ponet a su bestiàmene (prus che àteru a is angiones) Sinònimos e contràrios chícula, tintinnu, tríchili, tringhitu, trinnedhu Terminologia iscientìfica snl Ètimu srd. Tradutziones Frantzesu petit grelot pour agneaux Ingresu lamb harness-bell Ispagnolu esquila Italianu sonaglino per agnèlli Tedescu kleine Schelle.

trumbíta , nf: trummita Definitzione trumba pitica; su murru de su porcu; parte de sa carena de unu bobboi (es. abe, musca) adata po surbire o pigare Sinònimos e contràrios corrineta 2. is porcus candu isforrogonant cun sa trumbita faint foradas Terminologia iscientìfica sjl Tradutziones Frantzesu petite trompette Ingresu small trumpet Ispagnolu trompeta pequeña, trompa Italianu trombétta Tedescu kleine Trompete.

tumbarédhu , nm Definitzione tumborru piticu; casidhu Sinònimos e contràrios tumbarinu Frases fit che cane presu e postu a isfamigare pro ndhe otènnere sa pedhe lanza pro fàghere tumbaredhos Terminologia iscientìfica sjl Tradutziones Frantzesu petit tambour Ingresu small drum Ispagnolu tamboril Italianu tamburétto Tedescu kleine Trommel.

tzitzícra , nf, nm: sissiglu, tzitzigla, tzitzirca Definitzione gurdone de àghina pitichedhu chi sa bide bogat prus che àteru a trigadiu Sinònimos e contràrios campaninu, carràmbalu, cicillone, iscalúgia, pimpillia, popurustu, pripixone, scalonina, scrichilloni, sprimpilloni, tritiga Terminologia iscientìfica rbr Tradutziones Frantzesu grappillon Ingresu grape Ispagnolu redrojo Italianu raspóllo Tedescu kleine Weintraube.

úrgu , nm Definitzione genia de carreledha, de camminedhu o passadórgiu istrintu / torrare in s'u. = torrare agoa fintzes in su sensu de atuire a su male fatu a manera de si currègere Sinònimos e contràrios botorinu, piteraca, strintu Frases semus presoneris de un'urgu chene essida Sambenados e Provèrbios smb: Urgu Tradutziones Frantzesu ruelle Ingresu alley, bottleneck Ispagnolu callejuela Italianu vicolétto, strettóia Tedescu kleine Gasse.