Legenda Incurtzaduras | Legenda Sìmbulos

bantadítu , agt Definitzione chi costumat a si abantare meda Sinònimos e contràrios banosu, bantageri, bragheri, bragosu, fanfalucheri, ispacone, pageri, pagiosu, pampallucheri, pistasaghina, vantagiosu Terminologia iscientìfica ntl Ètimu srd. Tradutziones Frantzesu fanfaron Ingresu boaster Ispagnolu fanfarrón Italianu fanfaróne Tedescu Prahler.

bantagéri , agt, nm: abantaxeri, bantaxeri, bantazeri, brantaxeri, vantageri Definitzione chi si abantat, chi si credet Sinònimos e contràrios alabadori, banosu, bantaditu, bantaredhu, brafanteri, bragheri, creitosu, galanterarzu, galaberosu, pageri, pagiosu, scaviau, spamparroni, tzantzarrosu, vantagiosu, ventulanu Frases su bantaxeri arat a otu giuus…, ma is terras sunt allenas e is bòis non sunt suus! ◊ po cantu brantaxera, est de coru bonu ◊ sa barrachedha dha tengu giai e no isceti cussa, sentza de fai tanti su brantaxeri! Terminologia iscientìfica ntl Ètimu srd. Tradutziones Frantzesu vaniteux, vantard, fanfaron, hâbleur Ingresu braggart Ispagnolu jactancioso, vanitoso, fanfarrón Italianu vanitóso, millantatóre Tedescu eitel, Prahler.

pagéri , agt, nm: palgeri, palleri, paxeri, pazeri Definitzione chi o chie est prenu de braga, chi si bantat o credet meda Sinònimos e contràrios bantaditu, bantageri, blagheri, bragosu, crétidu, ispacone, scaviau, spaxeri Frases candu passas in pratza fais passus palleris ◊ at a èssi pagu pallera, cun totu cussu bèni chi dh'ant lassau!…◊ chini si vantat ricu est palleri (E.Loni) Terminologia iscientìfica ntl Ètimu srd. Tradutziones Frantzesu vaniteux, fanfaron Ingresu vain person, blusterer Ispagnolu vanidoso, creído, fanfarrón Italianu vanitóso, fanfaróne Tedescu eitler Mensch, Prahler.

pampalluchéri , agt, nm Definitzione chi o chie acostumat a si bantare, chi a foedhos paret ca faet mares e mundhos ma pagu etotu balet Sinònimos e contràrios bantageri, bragheri, fanfalucheri, pageri, pagiosu, pampallucosu, pazesu, vantagiosu Terminologia iscientìfica ntl Ètimu srd. Tradutziones Frantzesu fanfaron Ingresu boaster Ispagnolu fanfarrón Italianu fanfaróne Tedescu Prahler.

«« Torra a chircare