acantighédhu , nm Definitzione min. de acantu 1 Sinònimos e contràrios acodedhu, arroghedhu, incuedhu, mingulitu Ètimu srd. Tradutziones Frantzesu petit morceau Ingresu little piece Ispagnolu trocito Italianu pezzettino Tedescu Stückchen.

acodèdha, acodédhu , nm: ancodedhu, codedhu Definitzione unu bículu piticu / min. acodedhedha Sinònimos e contràrios acantighedhu, arroghedhu, arróncinu, bículu, bucone, incodedhu, incuedhu, mingulitu, pitzuedhu, tanchedhu, uchedhu Frases chi portas una pinna e un'acodedha de paperi t'iscrís s'indiritzu ◊ furànt trigu po si podi fai un'acodedhu de pani ◊ de sa buciachita ndi at bogau un'acodedhu de zigarru ◊ si fiat fatu unu bistiri cun ancodedhus de arrobba ◊ apu allichidiu un'acodedhu de arruga ◊ dhi donat su pani po andai a trabballai ma dhi arrecumandat de ndi torrai un'acodedhedha Ètimu srd. Tradutziones Frantzesu petit morceau Ingresu little piece Ispagnolu trocito Italianu pezzettino, mozzicóne Tedescu Stückchen, Stummel.

arroghédhu , nm Definitzione min. de arrogu, bículu minore Sinònimos e contràrios acantighedhu, acodedhu, bículu, bucone, incuedhu, mingulitu, pitzuedhu, tanchedhu Tradutziones Frantzesu petit morceau Ingresu bit Ispagnolu trocito Italianu pezzettino Tedescu Stückchen.

carafúndhula , nf, nm: caravúdhulu Definitzione farinu, orrughedhu de pane Sinònimos e contràrios caravudhuca, chilivrida, palfaruza Frases gighiat a manigare pagos caravúdhulos de casu Ètimu cdh. caravúdhuli Tradutziones Frantzesu petit morceau, petit bout Ingresu bit Ispagnolu pedazo Italianu brìciolo, framménto Tedescu Stückchen.

cífrinu , nm: círfinu Definitzione orrughedhu piticu de cosa segada, farinu / fai una cosa a círfinus = fàghere una cosa a firchinidas, in chentu e unu bículu Sinònimos e contràrios afrantzuchena, arremusulla, arrogalla, chercuzu, fafaruza, friginida, orrugàgia, murichia, piciualla, pillibilli, pispisa, tzimuca, vèglia Frases s’ànima s'isfait in pruini cun is cífrinus abarraus de su coru Ètimu srd. Tradutziones Frantzesu bribe, brin, lambeau Ingresu rag Ispagnolu jirón Italianu minùzzolo, brandèllo Tedescu Stückchen.

ciribbículu , nm Definitzione orrughedhu, pimpirida pitichedhedha de cosa, cositedha de pagu contu Sinònimos e contràrios ciribbídhulu / ttrs. ciribbícuru Frases cussu no gighet unu ciribbículu de chervedhu! Tradutziones Frantzesu petit morceau, miette, petit bout Ingresu bit Ispagnolu trocito Italianu briciolino, coserèlla Tedescu kleines Stückchen.

filchinída, filchinídu , nf, nm: firchinida, fischinida, frichinia, frichinida, frichinita Definitzione cosa orrugada a piticu, fata a farinos Sinònimos e contràrios acantu 1, africhinida, arrogu, biculaza, bículu, cífrinu, fafaruza, figrinu, fírchina, firchinadura, frichinatza, friginida, fuifunida, grastamaza, pimpirida, soluvrinu Frases ndhe collit donzi frichinida de pane chi li ruet ◊ l'ant chircadu in totue ma no ndhe ant agatadu mancu frichinida ◊ at fatu a fischinidas sas líteras mias ◊ nos lassant su coro a filchinidos e in piantu ◊ su bidru si est fatu in milli fischinidas ◊ sas armas a frichinias las bidas andhendhe! Ètimu srd. Tradutziones Frantzesu bribe Ingresu crumb Ispagnolu pedacito Italianu minùzzolo Tedescu Stückchen.

incuédhu , nm Definitzione biculedhu, parte pitica, un'apenas de css. cosa / min. incuedhedhu, incuarradhedhu Sinònimos e contràrios acantighedhu, acodedhu*, arroghedhu, bículu, bucone, incodedhu, pitzuedhu, tanchedhu, uchedhu / tichedhu Frases totu intreu, ei: ellus a incuedhus?! ◊ fullianci is incuedhus de s'ampudha arrogada! ◊ donniunu teniat un'incuedhu de terra ◊ sa crocoriga, comenti ndi dh'at isciarrocada, si est segada in centumilla e un'incuedhu ◊ mi papu un'incuedhu de pani e casu ◊ nci at un'incuedhedhu de pani e un'incuedhedhu de pani si papaus! 2. po t'indruciai sa buca piga un'incuedhu de cafei cun tzúcuru meda! Tradutziones Frantzesu petit morceau Ingresu bit Ispagnolu pedacito Italianu pezzétto Tedescu Stückchen.

murichèdha , nf Definitzione unu tanti pagu pagu (de cosa de papare, de bufare, de àteru) Sinònimos e contràrios arroghedhu, pibinida, pimpirida, piticada, ticu, tzuniedhu Tradutziones Frantzesu petit peu, petit bout, une goutte de vin Ingresu tiny bit Ispagnolu pellizco, gota Italianu zinzino Tedescu Stückchen (mangiare), Schlückchen (bere).

pibinída, pibinídu , nf, nm: pipinia, pipinida, pipinita, pipinitu, pivinida Definitzione orrughedhu piticu, cosa fine fine, fintzes sèmene / avb.: a pibinida = cun ispédhiu, scinitzu, furighedha Sinònimos e contràrios cantzichedhia, filchinida, paparida, pimpiredhu, pimpirida, pípinu, pipitza, pitzuedhu, pravina, uchedhu Frases sos puzones sunt chirchendhe granu o pipinitas ◊ su cane fit a cascos in s'isetu de calchi pibinida ◊ bi at teracos bendhèndhesi pro bator pipinias! ◊ de su pane ndhe collit fintzas sa pibinida ◊ no de frichinaza, no bi at mancu pibinida de pane! 2. a cussa zòvana la cheret a pibinida ◊ za ses pagu a pibinida! Ètimu srd. Tradutziones Frantzesu miette Ingresu tiny bit Ispagnolu miga, pedacito Italianu brìciola, minùzzolo, pepita Tedescu Stückchen, Bröckchen.

pimpirída , nf, nm: pimpiridu, pimpirina, pimpirinu 1 Definitzione orrughedhu piticu de css. cosa: pimpirinu a logos est fintzes bubburuchedha abbruxada o prus assada in su pane de fresa / fai, segai, segaisí a pimpirinas; no nci nd'at p. = no bi ndh'at nudha Sinònimos e contràrios biculedhu, filchinida, friginida, imbratu, murichia, palfaruza, paparida, pibinida, pimpidalla, pistàgia, pipitza, pitzuedhu, pravina, scirina, soluvrinu, uchedhu Frases fraitzu, dhu fatzu in centu e unu pimpiridu! ◊ in terra dhui at unu pimpiridu de pani ◊ si sunt ghetados che canes a s'oledu e in pag'ora no bi ant lassadu pimpirida ◊ gheta unu pimpiridu de sali a s'insalada! ◊ capit in d-unu pimpirinedhu de paperi Ètimu srd. Tradutziones Frantzesu miette, bribes Ingresu bit Ispagnolu migaja, añicos Italianu bríciola, framménto, infinitèsimo Tedescu Stückchen, Bruchstück, winziger Teil.

pitzuédhu , nm Definitzione orrughedhu piticu, un'apenas de cosa Sinònimos e contràrios arrogu, bículu, bucone, cànciu, pítzia, tancu, túturu Frases depu aciungi unu pitzuedhu de craboni a su fogu Tradutziones Frantzesu petit morceau Ingresu small piece Ispagnolu trocito, pedazo Italianu pezzétto Tedescu Stückchen.

«« Torra a chircare