Ditzionàriu in línia
de sa limba e de sa cultura sarda

allutinédhu , agt Definitzione chi est allutau, allutu meda Sinònimos e contràrios arrascuitu, ispabillu, prontudu, sciscitu, spiscinetu | ctr. abbabballocadu, abbabbiocatu, abballalloadu Frases allutinedhu est!… Ètimu srd. Tradutziones Frantzesu alerte Ingresu lively, very attentive Ispagnolu avispado, listo Italianu mólto attènto, vispo Tedescu sehr aufmerksam, lebhaft.

apidinàdu , agt: pidinadu Definitzione chi tenet su pidinu, pentzamentu de fàere is cosas, chi dhue pentzat Sinònimos e contràrios apinnicadu, apremuradu, aténdiu, impedinadu, pedinosu, pinnicosu | ctr. trascuradu Terminologia iscientìfica ntl Ètimu srd. Tradutziones Frantzesu empressé Ingresu attentive Ispagnolu entregado Italianu premuróso Tedescu aufmerksam.

apremuràdu , agt Definitzione chi tenet premura, coidadu Sinònimos e contràrios apinnicadu, aténdiu, impedinadu, pidinosu, pinnicosu | ctr. discoidosu, trascuradu Frases àteras fadas sestant e cosint su reale mantu e lu portant apremuradas a su Nignu Terminologia iscientìfica ntl Ètimu srd. Tradutziones Frantzesu empressé Ingresu thoughtful Ispagnolu atento Italianu premuróso Tedescu aufmerksam.

atensionàu , pps, agt: atentzionadu, atintzionadu Definitzione de atensionare; chi istat atentu, chi giaet o est giaendho atentzione a is cosas Sinònimos e contràrios abbistu, acabadu, apricau, atensionosu, cabosu / cdh. atintziunatu | ctr. disabbutu, isàbbitu, isagherau, sbeliau 2. est unu pisedhu atentzionadu ◊ iscusidimí ca non seu atentzionada! ◊ ti fatzo a ischire chie est s'atintzionadu chi mi che at furadu sos prochedhos ◊ fit atentzionau mascamente a s'ora de tucare Terminologia iscientìfica ntl Tradutziones Frantzesu attentif Ingresu careful Ispagnolu atento, diligente Italianu attènto, avveduto Tedescu aufmerksam, umsichtig.

atensionósu , agt: atentzionosu Definitzione chi istat atentu, chi faet atentzione faendho is cosas, chi dhas atendhet e contivígiat a dovere Sinònimos e contràrios atensionau, contipizosu | ctr. disabbutu, isàbbitu, isagherau, sbeliau Frases cheret chi siant atentzionosos pro no fàghere dannu ◊ tentandhe sas vacas fimus atentzionosos ca su mere za fit cosa de ndhe li pèrdere una!…◊ candho sos chi istimamus si che morint, a totus benit su dúbbiu de no èssere istados atentzionosos cun issos (L.Pusceddu) Terminologia iscientìfica ntl Ètimu srd. Tradutziones Frantzesu attentif, soucieux Ingresu attentive Ispagnolu atento Italianu attènto Tedescu aufmerksam.

aténtu , agt, nm: tentu 1 Definitzione chi giaet atentzione; su atuare, su èssere pentzandho a una cosa, iscurtandho e abbaidandho totu cun precisione Sinònimos e contràrios atenscione | ctr. disatentu Maneras de nàrrere csn: dare a. = donai atentzioni, pentzai, castiai; avb.: a s'a. = donendi o fendi atentzioni; èssere dadu atentu = èssi aténdiu, castiau, contivigiau Frases ista bene atentu, pischizone, no ti lasses incantare de unu tilingione! ◊ atentu a su chi naras! ◊ a pesare, su pane za pesat, ma istae atentas a no s'imbischidare! ◊ it'errore, fizas mias, istae atentas a sos ómines! 2. passo deretu sentza ti dare atentu ◊ est dendhe atentu a sas anzones ◊ diant atentu no si ndhe pentant! ◊ ànima discoidada, inginugadí cun atentu! ◊ su coru miu est de malu atentu ◊ puru dendhe atentu, ti fuis, o vida! ◊ dae atentu a cussas vucas de pípera, fartzos che a Giuda! 3. l'at abbaidadu a s'atentu e poi che l'at furadu totu ◊ istai a s'atentu po ndi bogai cussus bremis! Tradutziones Frantzesu attentif Ingresu careful Ispagnolu atento Italianu attènto Tedescu aufmerksam.

billànti , agt Definitzione chi est o istat atentu, chi est bigiandho Sinònimos e contràrios abbilleri, abbillu, abixanti, atensionau, atensionosu, ispabillu Frases su pastori depit èssi billanti a dónnia sciumbullu Tradutziones Frantzesu vigilant Ingresu watchful Ispagnolu vigilante Italianu vìgile Tedescu aufmerksam.

penciamentósu , agt: pensamentosu, pentzamentosu, pesciamentosu, pessamentosu Definitzione nau de ccn., chi dhue pentzat a is cosas, chi est pentzandho (fintzes in su sensu de tímere ccn. cosa), chi tenet coidu Sinònimos e contràrios abiolau, apensamentau, apinnicadu, impedinadu, impensamentau, orioladu, pensativu, pistichinzosu / ttrs. pinsamentosu | ctr. iscontipizau, trancuillone Frases isse istaiat pessamentosu, sériu che chie ischit fatos e doveres suos ◊ pensamentosu, candho chircas tribàgliu, mustras su coro in amargura ◊ est pentzamentosu ca no iscít comenti fai ◊ est pensamentosu pro su chi li est capitadu ◊ fai bèni e bai in galera… dèu totu penciamentosa po tui e mi arrispundis mali puru! Terminologia iscientìfica ntl Ètimu srd. Tradutziones Frantzesu pensif, soucieux Ingresu thoughtful Ispagnolu pensativo, cuidadoso Italianu pensieróso, premuróso Tedescu nachdenklich, gedankenvoll, aufmerksam.